RIP. TEDIM RALKAP KAHTHAH MI FELIX THANG MUAN LIAN RUAK AN VUI

Ralhrang kawlralkap hna nih Nizan tihni ah an kahthahmi Chin tlangvalno Felix Thang Muan Lian cu tuchun ah a ruak an vui cang. Felix Thang Muan Lian cu April ni 27 zaan ah khan Tedim Datsi dawr hngah dingin Motorcycle he a kal. Cu a kalnak ahcun ralhrang kawlralkap hna nih meithal in an kah caah a nunnak a liam.

May be an image of 1 person, standing and outdoors

Tuchun ah Chin tlangval Felix Thang Muan Lian ruak cu Tedim khuapi tein an tthutpi hnu ah zanlei ah khan a ruak an vui cang tiah thanhnak an tuah. Tutan ah a nunnak a liammi kan CHin Tlangval Felix Thang Muan Lian hi Kalay University ah History Major kumkhatnak a cawng liomi a si. Taantak mi chungkhar hna caah thlacamnak in bawmcio hna usih. Credit: Zalen

May be an image of 2 people and people standing

Thawngpang Dang: Ramchung zongah kawlram caan karlak cozah National Unity Government nih rian an ttuan khawh cang. Atu hi a voihnihnak a si cang. National Unity Government nih a voihnihnak bawmhchanhnak an tuah cang tiah thanhnak an si. Hi bawmhchanhnak an tuahmi cu Nizan ah khan pekchanhnak an tuah i, An pekmi hna hi Karen ralzam hna an si.

Hi konghe pehtlaiin thanhnak an tuah mi cu Nizan April ni 28 ah khan bawmhnak hi kawlram tangka in ting 85 man a si. Cu hna pawl cu ei le caah a harhmi facang, chiti le pe, ngapih, ngattin, Muka tibantuk an si. Muka hi cu umnak hmun saknak caah ti a si. Aliamcia April ni 24 zongah khan kawlram tangka in ting 500 man thilri an rak bawmh cang hna.

Theihcio bangin Kawlralkap ralhrang hna nih hramhram in uknak an lak hnu ah Karen ralkap KNU pawl le ralhrang kawlralkap hna cu biatak tein tukdohnak an tuah. Curuang ah mipi hna cu khua ah um ngam loin hmunkip kaakip ah an zaam hna. Tthenkhat ralzam hna cu Thailand ramri ah an zam hna i, tthenkhat cu ramdang ah an um hna tiah thawngpang theih a si.

Tutan ah mipi ai awh in thimmi cozah National Unity Government nih bawmhchanhnak an tuahmi hi Youth Church In Moesot le Karen Peace Support Network hna nih ralzam hna an umnak hmun ah an va phawt hna. Naite zongah National Unity Government nih CDM a tuahmi cozah rianttuantu hna zong lahkhah kan pek hna lai tiah an thanh cang.

CDM a tuahmi cozah rianttuan hna an lahkhah pek dingmi kong cu a tuhi mipi aiawh cozah National Unity Government nih timhtuahnak an ngeih cuah mah lio a si. CDM atuahmi cozah rianttuantu tthenkhat hna cu ramchung ah an um i, tthenkhat hna cu hmunkip kaa kip ah an zam ve hna. Atu hi NUG cozah biatak tein tawlrelnak atuah lio hna asi.

Be the first to comment

Leave a Reply

Your email address will not be published.


*