RIP. SANDAHPIAH A KAL MI PU KHUA KUNG A NUNNAK A LIAM

Kalaymyo ah motorcycle pahnak in Pu Khua Kung a thi. Kalaymyo ah Pu Khua Khung cu ralkap uk duhlo langhternak a kal ah motorcycle pahnak in a thi, tiah february 12 ah kan theih.Ralkap nih an pah tiin bia a leng i thil si ning fiang deuh in na kan chim kho hnga maw? tiah an Church Pastor kan hal tik ah, “Amah he aa pah mi hi Tedim mi a si. Ralkap nih an pah mi cu a si lo.

Kanmah Chinmi veve an si ca ah remnak kan tuahcolh ko. A dihlak cun kan thei dih ve lo. Sii-inn a phak hnu lawng ah kan theih ve,” tiah The Hakha Times ah a chim. Pu Khua Khung cu Thantlang Peng Vanzang khuami kum 37 a si. An i pahnak hmun hi Kalaymyo Kyutonepin, hmunlai sang ah a si tiah kan theih. Credit: The Hakha Times.

Thawngttha: Tulio Kawlram dirhmun, Kawlralkap nih nawlngeihnak an lak hnu ah Chinmi zong thinphan dailo in kan um cio hna. Asinain ramri ah a ummi kan unau mizoram chungin lamnai bik asimi Champhai Mino hna nih Laimi or Chinmi caah kutka kaupi an i onnak an langhter cang. Kawlralkap nih nawlngeihnak an lakmi hi ramchung lawng siloin vawlei pi nih an huat taktak mi le an duh lo taktak mi asi. Kawlralkap nih uknak an lak hnu ah kan unau a simi Mizo pawl zong nih alamkip in dirkamh aa kan timh cang.

Kan hnu deuh Kawlralkap nih uknak an lak hnu ah mizoram ah a ummi MZP timi nih kawlralkap nih uknak an lakmi duhlonak langhternak zong an tuah cang. Culawng siloin tutan ah Champhai mizo buu hna nih Laimi or Chinmi aa kan dirkamhnak an langhtermi cu lung ahmui tuk hringhran.Tulio Chinmi or Laimi nih kan tonmi konghe pehtlaiin kan Unau Mizo, Champhai Mino Buu hna nih cathanh an chuahmi cu atanglei bangin asi.

To, Kan Unau le kan thisen, Kawlram ah a ummi vialte hna, Ahmasa bik ah Champhai Mino Buu ( Champhai Thalai Pawl) Champhai Mizoram min in nan kut kan tleih hna. Tulio Kawlram ah ralkap cawlcanghnak vialte kan theih i, Kan Chin (Mizo) unau hna zong harsatnak fakpi in nan tuar tiah kan theih i, apoi taktak tiah kan ti. Ramdang ah um hmanh usihlaw nan tuarnak nih hin kan thinlung le kan ruahnak fak piin hmunhma alak peng i, zeibantuk hmanh chuak sehlaw thinphang in um hlah ulaw, nan unau Mizoram ah kan um timi hi theipeng ulaw,

Champhai Thalai Pawl ( Champhai Mino Buu) nih cun nan caah tuah khawhmi kan ngeih asi bak ahcun nanmah bawmhchanh dingah kan huam peng timi hi rak kan theihpiak uh. Nan unau tiah an langhter. An mah ttialning tein kan vun langhter tthan. To, Kan Unau le Kan thisen zawmpui Myanmar rama aum zawng zawngte. A hmasain Champhai Thalai Pawl, Champhai Mizoram hmingin kut suih le chibai kan buk mawlh mawlh a che u,

Tunai Myanmar ram a Siapai chetdan te kan lo hriata, kan Mizo (Chin) unaute pawhin harsatna nasa tak in tuar tih kanlo hriat hian pawi kan ti tak zet zet a.Ram hranah aum mah ila in tawrhna hian kan rilru leh ngaihtuahna nasa takin aluah reng a, Engpawhlo thlengse lo thlaphang lo ula, in unaute Mizoram kan awm tih hi rawn hre reng ula, Champhai Thalai Pawl chuan in tan tih theih kan nei a nih phawt chuan nangmahni tanpui tur in kan in huam a ni tih minlo hriatsak dawn nia, In unaute. President Lalnungsanga Fanai, Lalrinmawia Hnamte, Secretary.

Be the first to comment

Leave a Reply

Your email address will not be published.


*