RIP. RALHRANG NIH PU JOSHUA MEITHAL IN AN KAH THAH

Nizan kalaymyo pawng ralhrang kawlralkap le PDF Kalay i kahnak ah mipi lei in minung pakhat a nunnak a liam. A nunnak a liammi hi ralhrang kawlralkap kahnak in a nunnak a liammi a si. Tutan ah a nunnak a liammi hi Pu Joshua a si tiah an langhter. Amah hi Falam mi a si i, Pamuanchawng ah khua a sa mi an si tiah theih a si.

Hi konghe pehtlaiin Nizan ah a tlau or a tlung lo an timi fa pahnih ngei patung pakhat cu dam te in inn a hlam tiah theih a si. Thanhnak tuah cang bantukin nizan ah Kalaymyo peng le Chin ramkulh ramri ah a ummi Hakhalay khua ah nizan zaanlei sml. 4:00 in SAC ralhrang le PDF karlak kahdohnak a rak chuak. SAC ralhrang pawl nih Natchaung ah meithal 3 le Panmuanchawng ah meithal pakhat an lakpiak hna hnu ah kahdohnak a chuah hi a si.

Hakhalay khua pawng i Panmuanchawng tiva kiangkap ah zaanlei sml. 4:00 in kahdohnak a chuak i minute 30 hrawng a rau. SAC ralhrang pawl an zaam caah kahdohnak a dai tthan. Hakhalay Believer Khrihfabu biakinn meithal kuan nih a khen pin ah khuahriang inn pakhat pawng zong ah RPG Rocket bomb a tla. Hakhalay kiangkap ah cun kahdohnak a dai cang i, Natchaung lei tu ah zaan sml. 8:00 tiang an i kap, tiah khuami nih an chim.

Nizan i kahnak konghe pehtlaiin Natchaung kiangkap kahdohnak ah SAC ralhrang a tlawm bik 3 an thi i, PDF-Kalay lei in minung pakhat hliam a pu (a fak lo), tiah PDF-Kalay nih thawngpang an chuah. A cunglei langhter cang bantukin mipi lei in a nunnak aliammi hi ralhrang kawlralkap kahnak in a nunnak aliammi a si tiah theih a si.

Lautu Chinland Defense Force (Lautu- CDF) sin ah biacah. Dr. Ngun Cung Lian nih mifir pa Min Aung Hlaing sin i, ruahnak a pek i, a rauh hlan ah a phi a chuak colh mi hi philh bak lo ding. Uk nak an lak hlan deuh te ah a phi a chuak colh mi cu Vuangtu i a ummi kawlralkap bawipa nih Ting 17 a chuh colh hna i, Congthia khua zongah phaisa tampi a chuh tthan hna. Khakha Lautu CDF nih kawlralkap bawipa kha nan thah colh awk ah kan cah duh mi hna asi.

Cabia dang: Lalawi Thana: CDF Lautu sin ah bia cah, Dr NgunCungLian nih Mi fir pa MinAungHlaing sin i ruah nak a pek i A rauh hlan ah A phi a chuak colh mi hi philh bak lo ding. Uk nak an lak hlan deu te ah a phi a chuak colh mi cu Vuangtu i a um mi Kawl ralkap boi pa nih Ting -17 Ks a chuh colh hna i Congthia khua zong ah phaisa tam pi a chuh than hna. Kha kha- Lautu CDF nih Kawl ral boipa kha nan thah colh awk ah kan cah duh mi hna a si.

Be the first to comment

Leave a Reply

Your email address will not be published.


*