A POITUK E, AUSTRALIA AH PU TIN HRE NIH RUAH LOPI IN AKAN LIAMTAK

Nitlak Melbourne Ah Ngaichiatnak Kan Tong.Nitlak Meblurne khua sa mi Pu Tin Hre ( Ngun Ring Pa) nih August 11, 2020 zan lei suimilam 1:5 PM ah Royal Melbourne hospital ah a kan liamtak tiah thawng kan thei.A mah hi Lautu , leikang khua mi a si i Chin Baptist Churh chungtel an si.

A riantuannak hi JBS sathah nak ah riantuan mi a si . A riantuannak ah ruah lo piin a tlu i a thluak ah thi a lut, Sibawi te nih a nunnak chanchuah ding in an i zuam len ko nakin dam kho ti lo in mual a kan liamtak tik ah ngeih a chia hringhran.

A tu lio Melbourne cu Covid-19 zawtnak ruang ah Stage 4 lockdown cu kan si, inn len kai khawh zong a si lo., tantak mi chungkhar hna a tuarzia an thiam khawhnak ding caah thlacam in bawm hna usih. Ref:CBN News

Thawngpang Dang:White House Pawngah Meithal Kahnak.President Donald Trump cu tuzan lei ah White house ah press conference a tuah lio, minutes 18 tluk a rauh ah President Trump a vengtu secret service agent pakhat nih laakhruak in a auh i, leng ah chuah a hau”tiah biathli a rak chimh i, a kalpi colh caah press conference cu a ngolh colh. Press Conference ah a rami thawnglatu vialte cu an ar dih.

White house inn pawngah secret service nih minung pakhat cu lam cungah an kah i, ambulance in sizung ah an tlikpi ti a si. Mi zeibantuk a si an hngal rih lo. Atu lio lamzawh a hmangmi, BLM timi minak ttanhtu pawl maw an si, ANTIFA timi left wing pawl dah an si timi theih khawh a si rih lo. A rauh hlan ah secret service pawl nih fianternak an tuah te lai ti a si.

President Donald Trump cu minute 8 tluk oval office ah a va dinh hnu ah secret service pawl nih Press Conference tuahnak ah kal khawh a si cang an ti hnu ah Press Conference tuahnak khan a rak phan i press conference cu a dih tiang tluangte in a peh than.President Donald Trump hi pakhat khat cang sual sehlaw, a ngaihchia bik dingmi cu evangelical khrihfa an si lai. A lawm dingmi cu Liberal Democrats pawl, BLM, LGBT le socialist pawl an si lai. Credit: Salai Lairamthang