RIP. KALAYMYO PASALTHA SALAI THAN SANG A NUNNAK ALIAM

RIP. Kalaymyo Hero Salai Than Sang a nunnak aliam. Kalaymyo Tanbu khuami Salai Than Sang cu April nikhat i, Aung Chian Thai i kahdohnak ah meithal in an rak kah hliamhmi asi. Hliam atuar hnu ah Falam sizung ah thlopbul a si hnu, tuzing April nithum zinglei suimilam pahnih ah hi vawlei nunnak in aa kan kaltak tiah theih a si.

Aung Chian Tha khua an rak i kah hi zinglei suimilam pakua hrawngin tukdohnak an thok i, ralhrang kawlralkap hna nih Salai Than Sang cu vanchia ah apaw ah an kah i, hliam a tuar. Natchaung sizung ah an thlop ko nain dat-hman zeih ahauh caah Kalaymyo silo Falam ah kalpi ahau cang. Ahma fah a theihlonak dingah si an chunh.

May be an image of 1 person and standing

Natchaung ah i kahnak a um lio asi tikah Salai Than Sang cu Hakhalay lei in falam sizung ah kalpi a si. Suimilam pakua hrawngah operation an tuah i, zinglei suimilam pahnih ah a nunnak aliam hi asi tiah khuami pakhat nih a chim. Salai Than Sang hi kum 26 te lawng asi rih. Physics in boih zong a dih mi asi. Salai Than Sang ruak cu Falam le Webula mino pawl nih an rak thlah i, Hakhali mino nih an don hna. Khua aphak in arauh hlan ah an vui colh lai tiah theih asi. Credit:CT

May be an image of 1 person, sitting, standing and outdoors

Nizan Hakha Thawngpang:Hakha khuachung ralhrang kawlralkap pawl cawlcangh ning cu lungrawk taktak asi ko cang. Mifir le damiah timi cu anmah bak hi an si. Kawlralkap ralhrang bantukin vawlei cungah a sualmi an um ti lai lo. Zanttim le khuamang zongah minung an tleih tthan hna. Zahan zan zantim le khuamang ah Hakha ah a ummi unau hna nih an tleih tthan hna.

Zahanzan zanttim le khuamang ah an tleihmi hna unau hi, Esther Zing Tha Cuai le a U nu Aye Maw an si. Anmah an inn chungah an luh hnawh i, ralhrang kawlralkap le palek hna nih an tleih hna. Hi konghe pehtlaiin nizan zanlei suimilam pasarih le cheu hrawngah Pu Thar Aye zong a inn chungah an luh hnawh i, an tleih tthan.

Cun nizan zanlei suimilam panga hrawnghrang ah mino panga hna cu ralhrang kawlralkap le palek nih Hakha Gangaw lam sang ah an tleih hoi hna. An tleihmi hna cu Van Dawt Thawng le Bawi Cung Nung cun Siang THA CEM le Tum Cung le Siang Ling hna an si. Nizan ah Hakha i an tleihmi hna hi an tam ngaingai. Credit: The Hakha Times.

Be the first to comment

Leave a Reply

Your email address will not be published.


*