RIP. CHINRAM LE CHIN MIPHUN CAAH AN NUNNAK A PEK

Ram le miphun caah tiah nunnak pek in ralhrang kawlralkap a dohtu Salai Ling Sui a nunnak aliam. Nizaan Kanpetlet-Mindat kar Kahdohnak ah a Nunnak a Liammi Salai Ling Sui. May 30, Mindat le Kanpetlet karlak ah CDF le SAC ralhrang kahdohnak a chuak i CDF lei in Salai Ling Sui nih ram le miphun ca ah a nunnak a pek. May 29-30, nihnih chung Kanpetlet-Mindat kar kahdohnak ah CDF lei in mino pathum nih an nunnak an pek.SAC ralhrang 8 an thi i, hliamhma a pumi zong an tampi. CDF lei zong in hliamhma a pumi an um len hna, tiah CDF nih thawngpang a chuah.

May be an image of 1 person, standing and waterfall

Nizaan Mindat-Kanpetlet kar Kahdohnak ah a Nunnak a Liammi Salai Thang Ling.May 30 ah Mindat-Kanletlet kar Aye-sakhaan ah CDF le SAC ralhrang kahdohnak a chuak i CDF lei in Salai Thang Ling (kum 20) nih ram le miphun caah a nunnak a pek. May 29 le May 30, nihnih chung Mindat le Kanpetlet karlak ah CDF le SAC ralhrang an i kap i, SAC ralhrang lei in minung 8 an nunnak a liam, tiah CDF nih thawng an thanh. Credit:The Chin Journal

May be an image of 1 person and standing

Thawngpang Dang: Ralhrang kawlralkap an zia a chuak tthan hoi. Ramchung mipi nih cun zumh khawh ding asi ti lo. Aruang cu ralhrang kawlralkap hna nih kahdohnak kan ngol or kan i din tiah thanhnak an tuah hi a tlawm ti lo. Asinain kahdohnak cu pehzulh in an tuah tthiamthiam peng. Tutan ah ralhrang kawlralkap nih an thanh mi cu Kahdoh nak cu thlakhat kan i din chap tiah an langhter.

Tlangcung hriamnam tlai hna he remnak tuah khawh nak ding caah tiah ralhrang kawl ralkap lei nih I kah doh nak cu a ra laimi June ni 30 tiang thla khat chung kahdoh nak um la loh tiah ralhrang kawl ralkap lei nih tuni May thla ni 31 ah ca an chuah. Hi I kahdoh nak I dinh lio ah hin NCA ah min a thu cia mi le a thu rih lo mi tlangcung hriamtlai pawl hna he remdaih nak kong I ruah kho ding in kan duh tiah an ca chuah mi ah cun an talh chih.

A ra lai mi thaizing June ni khat thok in ram pumpi sianginn pawl awn ding asi caah ralhrang kawlralkap lei riantuan nak ah hna a hnawh mi pawl cung dah ti lo ah cun kah doh nak kan tuah lai lo tiah an chim rih. A tu lio ah ralhrang kawlralkap lei le NCA ah min a rak thu cang mi KNU karlak ah kahdoh nak a um lio asi pin ah NCA ah min a thu lo mi KIA uknak hmun pawl zong ah ralkap he kahdoh nak a um len lio asi tiah an langhter. Tukdohnak kan ngol an timi hi an thluak asi tthan ko hnga lo maw?

Be the first to comment

Leave a Reply

Your email address will not be published.


*