RIP. BOCHANMI KANPA DR TAM AUNG LING NIH MUAL AA KAN LIAMTAK

Apoituk hringhran, Laimi nih kan i bochan taktak mi kanpa Dr Tam Aung Ling nih ruahlopi in mual aa kan liamtak. Dr Tam Aung Ling cu Ottawa ah a ummi a si, Atu bantuk in a nunnak aliamnak aruang cu heart attack in a si tiah theih a si. Aruak zong hi zapi nih zoh awk attha rih lo i, chungkhar lawng nih zoh khawh rih asi tiah an chim. Hi konghe pehtlaiin atanglei bangin an langhter.

NGEIH CHIATNAK KAN TONG: Ottawa khua ah kan bochanmi kan u, kan pa Dr. Tam Aung Ling(AMang Pa) nih tuzing 10:00 ah a kan liamtak. Ottawa khua khuasa Chin mi hna le Chin Baptist Church Ottawa kan ngeih a chiatuk ee. Krihfa bu le khuatlang ah kan mithmai, kan hna a ngamtertu, ruahnak thatha a kan pe tawn tu le kan bochanmi AMang pa kan in Siang lo tuk ee. Sui Chin.

Ottawa ah Nu le Pa caan ah kan i ngeihmi Dr. Tam Aung Ling, (Aung Ling Mang) pa nih tuzing 10 am ah Heart Attack in a kan liam tak e tiah chungkhar lei in thawng kan theih i, ka mang maw ka caang dah tiah kan lau tuk cio e. Tuhi Sizung ah an um rih i, chungkhar lawng kal a ngah tiah an ti caah kan umnak cio in Thlacam bawmh hna usih.

Dr. Tam Aung Ling hi Community hruaitu ka rak ttuan lio ah a ka dirhkamhtu le amah sin in fimnak ka laknak kan Pa pakhat a si i, Ottawa ah amah le a chungkhar nih khua a kan sakpimi hi kan hna a ngam tuk. Nihin ah hi vawlei nunnak in a kan dintak cu, Ottawa Chinmi caah a fak khun ko.  Chungkhar, Cingla le Khuami dihlak kan mitthli hnawttu cu Jesuh si hram ko sehlaw.Ngakchiatnak he, Zasang Cinzah.

Be the first to comment

Leave a Reply

Your email address will not be published.


*