RIANRANG TAKTAK IN KALAYMYO RALKAP PAWL AN I THAWH CANG

Rianrang taktak in Kalaymyo ah a ummi ralhrang kawlralkap pawl an choi cang tiah thanhnak an tuah cang. Tuzanlei Kalaymyo ah a ummi ralhrang kawlralkap pawl rianrang taktak in Kalaymyo an chuahtak nak a ruang hi Tuzanlei Mindat ah khuami le ralhrang kawlralkap pawl karlak ah i kahnak a chuah caah asi lai tiah lunghrinh a si.

Tuzanlei ah Kalaymyo ah a ummi ralhrang kawlralkap hna hi Kankaw lei panh in an i thawh tiah an chim. An kal hmanh ah hin an motor mongh a cian taktak ti asi. Ralhrang kawlralkap pawl hi motor pahnih khat bak in an si i, palek motor pakhat nih a zulh ve hna tiah an chim rih. Hi konghe pehtlaiin mit hmutu nih thil sining a chimmi cu a tanglei bantuk in a si.

Myanmar military denies coup, promises to hand back power | Taiwan News |  2021/02/16

Tuzan lei suimilam panga hrawnghrang ah ralhrang kawlralkap hna cu motor pahnih khat bak in Natchaung in Kankaw lei panh in an choi hna. An motor mongh hmanh hi a rang taktak. Cun ralhrang kawlralkap lawng siloin palek motor zong pakhat aa tel tiah a chim. Tuzanlei a chuak mi ralhrang kawlralkap pawl hi Mindat lei panh in an kal asi ahcun thaizing deihlan ah Mindat an phan te lai.

US joins international condemnation of military coup in Myanmar | TheHill

Relchih:Ralhrang Kawlralkap nih thanhnak an tuahmi hi nan zum cio maw? zumh bak a tlak lo. Thanhnak an tuahmi zat lawng hi mipi kut an nunnak aliam hrimhrim lai lo. Hinak tamcu an nunnak aliam hrimhrim ko lai. Anmah ca tthatnak lawngin an chimmi asi lai timi hi theih khawh asi. Aruang cu mipi lei nih ralhrang kawlralkap le palek pawl an thahmi hna hi an tam ko cang.

Asinain ralhrang kawlralkap nih cun minung tlawmte lawng an nunnak aliam tiah thanhnak an tuah. Ralhrang kawlralkap ai awh in biachimnak nawl angeimi ralhrang kawlralkap bawi Zaw Min Tun nih a chimmi cu ralkap nih nawlngeihnak an lak hnu ah mipi nih palek le ralkap an thah mi hna hi minung 24 an si cang tiah thawngzamhnak ah a chim.

Ralhrang kawlralkap hna nih February nikhat in uknak an lakhnu in April ni 15 tiangah khan kawlralkap le palek pawl mipi nih an thahmi hna hi minung 24 an si cang. Culawng siloin hliamhma a tuarmi ralkawp pawl hi minung 45 an si cang i, palek pawl hi minung 252 hliam an tuar cang. Hliam a tuarmi zong hi an dirhmun a ttha lo ngaingai hna tiah a chim chih.

Mipi hna nih palek umnak sakhan an hrawhmi hi 63 pathum a si i, sang uktu zung an hrawhmi zong hi 62 a si cang. Culawng siloin zung sawhsawh zong 52 an suaksam pin ah Bank 13 siseh siangin le inn pawl an hrawhmi hi 105 hrawnghrang a si cang tiah a chim. Ralhrang nih uknak an lak hnu ah mipi a nunnak aliammi hi minung 750 an si cang.

Tutan ah ralhrang kawlralkap chungin thawngthanhnak or chimnak nawl angeimi ralhrang kawlralkap bawi Zaw Min Tun nih a chimmi hi Russia thawngzamhnak a simi RIA News ah a chimmi a si i, hi a chimmi bia cu ralhrang kawlralkap hna nih an ngeihmi thawngzamhnak Myanmar Alin zong nih a thlah ve. Thanhnak atuahmi hi zeitindah nan ruahcio?

Be the first to comment

Leave a Reply

Your email address will not be published.


*