RAMKHEL LEI AH DR SASA NIH KAN HRUAI SEHLAW AA KAN NAWN DIH LAI

Mah cabia hi a dik ngaingai mi pakhat le ruah awk tlak taktak mi pakhat cu a si ko. Thil hi a sining tein a rak um timi a chim duhnak asi. Dr Ngun Cung Lian hi Law in Dr a hmumi asi caah phung le lam kongah cun a theimi asi i, anmah le an rianning hoi cio in akal ding asi. Dr a si ko tiah Dr Ngun Cung Lian nih damlo mizaw kha sii a chunh ahcun zeidah acang lai timi theih khawh asi.

Culawng siloin Dr Lian Hmung Sakhong zong hi Dr a si konain damlo mizaw sii hei chun sehlaw damlo mi cungah zeidah acang kho lai. Cun Pu Ngai Sak siseh Pu No Than Kap hna zong nih damlo mi zaw sii hei chun ve hna sehlaw an cungah zeidah a cang kho lai timi zong khi ruah khawh ve rih cu asi. An thiamnak hi a hmannak ai dang dih timi hi theih ahau.

Cu ve bantukin Dr Sasa hi Ngandamnak lei Sibawi Dr a lami asi caah damlo mizaw azohkhanh hna ahcun damnak a hmu dingmi an si i, damlo thlopbul lei ahcun zumhtuk dingmi asi. Sihmanhsehlaw Politic Law lei Dr a si lo caah Politic lei ah kan hruai sehlaw zeidah kan lawh lai timi zong khi ruah cu ahau ve.

Hi konghe pehtlaiin Kawi Thang, Ltro Thang nih hitihin an sining le an dirhmun a hmuhning atanglei bantuk in alanghter. Hi cabia hi Laimi tampi i funtomnak minung a ting renglo umnak Global Chinland ah a thlah mi a si. Cu cabia cu a tanglei bang hi a si. Zeitindah nan ruahcio timi tucu pumpak ruahnak cungah aihngat mi asi.

Dr Ngun Cung Lian leh Pu No Than Kap leh Pu Ngaisak Dr Lian Hmung Sakhong Law Degree la mi hna nih Ngan dam lei Si chunh hna se kan thi sual lai an thiam lai lo. .cu ve bantukin Dr Sasa si lei Degree la mi nih politirct law lei ah mi ka hraui la ati siah cun a kan thah dih lai pin ah a tang mi kha airport rawn he a kan thleng dih lai. tiah a ttial. Chirhchan Ltro Thang. Credit: John Tluang

Be the first to comment

Leave a Reply

Your email address will not be published.


*