RAM CUNG: KYAWKYAW ANU BIACHIM HI A HMAN LOMI ASI, LEHNAK ATUAH

Naite Kyaw Kyaw thinak konghe pehtlaiin thilsining vialte an phuan in an langhter pah dih cang. Asinain Ram Cung Bualteng Amos Pa ( Ramchung Bualteng Amos Pa) nih Kyaw Kyaw hringtu a nu biachimmi cungah lehnak atuah ve cang. Kyaw Kyaw thihnak kong cu a cunglei langhter cang bantukin kan theih dihmi thil asi caah tampi kan ttial ti lai lo.

Hringtu a nu nih Sangau nawlngeitu pawl ka chawnh hna i, Kyaw Kyaw ruak cu Saiha kalpi ding in ka chimh hna nain an duh lo. Cun Kyaw Kyaw ruak cu Tipi tiang rak chia ulaw, kan rak lak lai tiah ka ti hna zongah an duh lo tiah Kyaw Kyaw ruak konghe pehtlaiin hringtu a nu nih a chim. Hi bia konghe pehtlaiin Ram Cung Bualteng Amos Pa nih atanglei bangin lehnak atuah.

Kyaw Kyaw anu nih a chimmi ah an hruaitu hna ka chawnh i, Saiha ah rak kalpi ulaw atimi siseh, Tipi tiang rak chia ulaw atimi video in a vun chimmi hi, Voikhat hmanh aa ka chawn lo hrimhrim. Hihi cu biadik lo asi ko tiah a chim. Amah nih attialning tein Helai a anu thusawi na a an hruaitu te ka bia a, saiha ah lokalpui ula atih leh Tuipui thleng lodah ula ti a video a rawn siam hi vawikhat mah min lo belo hrimhrim hei hi chu thudik lo ani.

No description available.

Acunglei langhtermi hi vun tuak tikah ahodah apalh i, ahodah adik hnga? Kyaw Kyaw hringtu a nu maw apalh asi hnga? Ram Cung hi dah? biahalnak tampi a um. Hi konghe pehtlaiin Minung pakhat nih lehnak atuahmi cu Sangau khua na si ka zumh i, Athih ning ah pakhatkhat cu thil diklo aum ti kan theih dih i, zeitindah postmorterm tuah loin rianriang tein nan vuining cu asi tiah lehnak atuah.

Atang hi ahnu bik Sangau Welfare Committee: Aizawl nih cathanh an chuahmi a si.Sangau Welfare Committee Aizawl nih cun tuan deuh i, kan khua Sangau ah thil acangmi kongah Laifa Chin Hills chung a ummi vialte theih ah chim kan duhmi cu biadik hi dirpi ngam hna usih.Unau karlak ah thleidannak hi a um lo hrimhrim lai tihi kan chim ngam. Hi thawngpang a chuahning le kan theihning hi ai khat lomi tampi a um lai,

Hi ruangah pakhat le pakhat i theihthiam lonak a chuah lonak dingah tiah Sangau Welfare Committee Aizawl nih khuachung mipi cathanh zong rak kan ruahpiak hram uh ti kan duh i, tuan zongah thil umtu ning vialte cu an langhter dih cang. Hmun tthenkhat Social Media, facebook, whatsapp ect…ah Sangau khuapi minchiatnak phun le Chin unau hna he, unau sinak ahrawhtertu phun in cathlah mi hi hmuhding mi a um ngaingai.

Hi thil vialte hna hi unau sinak ahrawhter khawh mi asi timi theih in biadik zoh in biachokvai cu post tilo dingin kan in nawl ko hna. Hi vanchiatnak hi Sangau Welfare Committee Aizawl nih cun apoituk hringhran kan ti.Cuve rualrual in Chin Hills (Mizoram) unau hna le Hmundang kadang in Sangau khuapi nihsawh le zawmhtaihnak bia le hla tampi kan hmuh mi hi Sangau Welfare Committee Aizawl nih cun theihthiam ahar kan ti ngaingai ko.

Hi hnu ahcun unau sinak ahrawk kho ding le Sangau khua minchiatnak phun in ca post le comment tuah ti lo dingin mipi kan nawl hna.Kan unau pa Kyaw Kyaw zong kan ui in kan tuarpi tuk hringhran, akaltak mi a chungkhar le a hawile kom vialte nan ngeihchiatnak vialte kan tuarpi hna. Ram, khua le miphun caah rianttuanti hna usih. Bawmhchanh haumi Bawmhchanh. F.LALCHAWNKIMA, Chairman. Sangau Welfare Committee: Aizawl. Phone +918837427100, S. Laldailova (Secretary).

Be the first to comment

Leave a Reply

Your email address will not be published.


*