RALTUK NING CANG PU NO THAN KAP NIH A CHIM CANG

Chin pasalttha Pu No Than Kap nih tulio thawngpang konghe pehtlaiin raltuknak ah a ttha bik mi kong a chim. Kum zabu 20 (1960-1975) lio ah vawlei cung ah a tthawng bik mi American ralkap a teitu Vietnam hruaitu Ho Chi Mynt nih a chimmi: Dotlennak Revolution ah zeidah nan tuah timi hohmanh theihter hna hlah. Khoika na phak timi zong theihter hna hlah.

Na thaazaang thawnnak zong midang theihter hna hlah. Hmua neizat tuahmi na nei ih na hlawhtlin lo hnu lawngah mi in theifang hai seh. Kum zabi 21 cu olten lar (Popular) theih san (IT age) a si bangin miin in thei seh tin, A tlam in maw, langsar zetin maw, na larawk hmanhah, hngilh hlah. na ral neh taktak na duh ahcun, reilote ah olten neh theih ding vekin thu relin zuamsual pang hlah.

Culole caan rei daih loin na beidong thei, Vietnam ral ah, US ralkap in Vietcong (N.Vietnam) cu doawknak fatete (battles) ah an neh ringring nan doawknak pumpi (war) ah an sung ( US Army won almost avery battle against Vietcong but lost the world). Curuangah, doawknak fatete ah cak hman sehla, ral sung thei kan si thotho, ti hngilh lo atha. A cemnak ih nehnak cotu cu Tumtahmi felfai nei le cui tumtahmi pittlin dingin tumruhnak lungthin neitu an si ding. tiah a ti. Credit: VP

A Thawng (TL): CNF Lutlai PU NO THAN KAP Tuanbia

Relchih: KIA ralkap pawl an thinhung ko cang, Ralhrang umnak hmun a simi Kawlram khuapi ah kan lut cang lai tiah an langhter cang. Mi that Lainawng Min Aung Hlaing caah cun thinphang ngaingai si cang. Tutan ah KIA nih an i timh tuah ning zoh tikah an celh ve ti lo timi a fiang. KIA cu theih cio bangin tlangcung hriamtlai ahcun a tthawng bak mi an si. Hi konghe pehtlaiin atanglei bangin thanhnak an tuah.

Kachin miphun ralkap KIA nih Kachin ram lawng ah si ti loin Kawlram khuapi chung ah kan lut cang lai, Khuapi chung ah kahnak kan tuah ve cang lai tiah thawngthanh nak le ralpin peknak an tuah tiah Kachin Multimedia nih a tarlangh. Kawl ralkap nih Kachin hmunram, Kachin mipi umnak hmun lawngte ah raldohnak an chuahpi, Kachin mipi tampi an zam, inn lo a rawk.

KIA lei nih i khamnak, i runvennak (Khan-sit) lawng in an doh peng, a si nain a tu ahcun an mah hrimhrim nih Raldohnak tuah ve (Taih-sih) in kan kal ve cang lai tiah thawngthanh nak an tuah hi asi tiah an chim. Kawl ralkap cu vawleipi hmai ah minchiatnak an tong cuahmah. Cu lio ahcun Tlangcung miphun pawl kan humhma ah raldohnak an rak tuah.

Kachin hmunram ah nitin te Raldohnak faktuk hringhran an rak chuah pi peng. A si khawh chung in kan hmunhma venhim le runven kan i zuam. A si nain kan miphun minung, kan ram hrawh dih an timh cang. Cu caah Kachin hmunram, Tlangcung miphun kan hmunram lawng ah si loin Kawlram khuapi chung ah lut in Raldohnak kan mah nih kan tuah ve cang lai. tiah ralrin peknak an tuah cang hi asi” tiah Kachin Multimedia nih cun a tarlangh hi asi.Kachin miphun ralkap, KIA cu Khuapi chung tiang ah kan lut ve cang lai, i runvennak lawng in caan saupi kan tuar cang, cu caah Mipi lei zong nih a ruah zia kan thiam cang uh” tiah Ralrin peknak an tuah hi asi.

Be the first to comment

Leave a Reply

Your email address will not be published.


*