RALRIN TAKTAK AHAU CANG HIH, MIN DEUH IN TANGKA AN KAWL

CNF/A Facebook Page Deu in Tangka Tlawmkawlnak Tibantuk a Um ca ah Ralrin Peknak an Chuah. Atulio Facebook cahmai cung ah CNF/A min in Page a tlawm bik pathum hrawng a um i, adik takmi Page cu pakhat lawng a si. CNF/CNA nih an hman taktakmi Official Page cu “Chin National Front-Headquarters” timi Facebook Page hi a si. (A tang ah LINK zong kan chiah).

May be an image of one or more people, people standing, outdoors and text that says "Chin National Army Political Organization CNA-Chin CNA National Army Political Organization Send Message Message"

Page deu dangdang pawl nih CNF/A he pehtlai in hmanthlak an tar i thawngpang diklo thlah a um lengmang pin ah chawkawlnak zong an tuahmi a hun um.Cucaah, “Chin National Front-Headquarters” timi lawng hi adikmi a si i, a dang Page pawl nih an tarmi kong ah pehtlaihnak kan ngei lo, tiah Offical Page a simi “Chin National Front-Headquarters” nih thawng a thanh. A tanglei hmanthlak i Page pahnih hi CNF/A min in tuahmi Page Deu an si.(CNF/A Official Page: https://www.facebook.com/cnfhq).The Chin Journal.

CNF To Continue on NCA Path | Burma News International

Relchih:Kawlralkap ralhrang hna cawlcanghnak kongah caan zeimawzat holh lo in a ummi AA hriamtlai hna cu ralhrang ralkap kongah bia an chim ve cang. AA ralkap nih an timi cu ralhrang kawlralkap cawlcanghnak hi kan cohlang kho lo. Cun mipi a thatmi ralhrang ralkap hna cu cohlan awk a ttha lomi an si tiah AA hriamtlai hna nih ralhrang kawlralkap kongah bia an chim cang.

Kawlralkap ralhrang hna nih hramhram in uknak or nawlngeihnak an lakmi cungah Tlangcung hriamtlai hna nih an cohlang hna lo. Cu chungah AA hriamtlai hna zong an i tel cang tiah RFA thawngzamhnak nih a langhter. Mah bia hi AA hriamtlai chungin chimnak nawl angeimi ralbawi Khai Thu Kha nih Reuters thawngzamhnak ah a chimmi asi tiah RFA thawngzamhnak nih alanghter chih.

Kawlralkap ralhrang hna nih uknak or nawlngeihnak an lak hnu ah ramchung mipi hna nih lamzawhnak in duhlonak an langhter. Cu lamzawhnak atuahmi hna cu ralhrang kawlralkap nih minung tampi an nunnak an lak cang hna. Sualnak angei lomi ralhrang ralkap le palek hna nih an thahmi hna cungah tlangcung hriamtlai pakhat asimi AA zong nih an cohlan lonak an vun langhternak hi asi.

Hitluk fihnung taktak asimi cawlcanghnak hi zeitindah cohlan awk cu a that lai? Cohlan awk attha bak lomi thil asi tiah AA ralbawi nih a chimchih. Apeh tthan rihmi cu kannih cu Rakhine miphun lei ah kan dir, kan miphun humhhimnak ah ralttha tein kan tuah peng ko rih lai. Culawng siloin namh neh atongmi tlangcung miphun dihlak caa zongah kan dir fawn lai.

Tlangcung miphun kan hawi le hna sin ah kan dirpeng lai i, raltha tein hramhram uknak lakmi cu kan doh lai tiah apeh chap. Hi konghe pehtlaiin kan theihcio bangin AA hriamtlai hna cu March nikhat ah khan Min Aung Hlaing hruaimi ralkap cozah nih ralhrang an si tilo tiah thanhnak an rak tuah. Curuangah minung tthenkhat hna nih AA cu ralkap lei ah an dir cang tiah thawngpang arak leng. Asinain atu ahcun AA nih mipi cungah an dirnak kong an langhter cang.

Be the first to comment

Leave a Reply

Your email address will not be published.


*