RALKAP NIH RIANSANG TAKTAK AN PEK NAIN PU KHUA THIO NIH AKHIRH HNA

Min Aung Hlaing nih rian ttha taktak a pekmi cu Laipa Pu Khuah Thio nih ka cohlang lo tiah fiang ko in Min Aung Hlaing le aralkap cozah pawl cu a khirh diam hna. Pu Khuah Thio cu Kawlralkap ralhrang cozah nih Chinram Upadi bawi zik lutlai si dingah rian an khinh or an pek. Asinain Pu Khuah Thio nih a cohlang hna lo tiah theih a si.

Kawlralkap nih an rian ttuan dingah rian an khinh mi chungah minung tampi nih an el cang hna. Asinain Dr. Ngun Cung Lian le Pu Ngun San Aung nih cun an cohlan. Pu Ngun San Aung nih arak chimmi cu ralkap caah cun rian ka ttuan ttung lai lo. Laimi or Chinmi caah pei rian ka ttuan ko lai cu tiah arak ti. Asinain tutiang ah zeidah attuan mi asi timi theih asi lo. Tutan ah Pu Khuah Thio nih cun riansang ngai asiko nain a cohlang lo.

May be an image of 1 person and text that says "ether 2.2014"

Chin ramkulh ralkap (SAC) nih ramkulh upadi bawizik rian ttuan ding in Pu Khuah Thio an pek nain Pu Khuah Thio nih a cohlang lo, tiah kan theih.Pu Khuah Thio cu Kalay ah a ummi a si i 2015 ah USDP in Kalay ah a rak i cuh naia sung. March thlathawh ahkhan Chinram upadi bawizik rianttuan ding in ca an rak pek i “Ka ngandamnak nih a tlinh lo caah ka ttuan kho lai lo,” tiah a al hna. Credit: The Chin Journal.

Relchih: IS ralhrang bu tluk in a sualmi ralkap le police nih minung an kahning hna le an tukvelhning hna cu khuaruahhar a si. Hi tluk luammam in ralkap hruh le sual hi amak kho tuk. Bia le hmurka nih a chim thiam lo. Thin a hung tuk. Celh ding bak a si lo. An miphun hawi zong an si, minung hawi zong an si, hriam zong a tlai lomi hmuhchih le hmaitonh bak in an luh tiang hna i an kah komi hna hi thin a hung kho tuk.

A thi cangmi tiang in an chuih an lamh chih rih hna. Hi tluh in hruh le ngat hna hi cu amak ka ti tuk. Mipi zong hi a caan ahcun thin zong an hung pah thulh. An doh hna lawlaw ahcun ningcang deuh zong in doh ve lawlaw hna ding a si. Chai le lung tbk in a lang in an chaih hna i an cheh hna. Ralhrang hrut nih cun meithal doh tluk in an ruahpiak fawn tung hna i, a poi ko.

Bawh hna i phomh hna, thah hna, zam diam than, hmun dang in bawh than hna, thah than hna tbk in sneaky attack in phomh lawlaw hna ding a si. Hihi dirhmun ah an phan cang. Hmun tampi ahun ralhrang hrut nih cun lengchuak an hmuhmi poah an kah ko hna, an tukvelh ko cang hna. Mipi himnak a um hlei ti lo. Mipi nih dohning an thiam lo cun ralhrang nih an cil dih sual hna lai phan a um ko.Hriam tlai bu zong nih bom he hriamnam he ramchung ah lut hna seh law bom puah hnawh hna seh kap chih pah hna seh law a hmual a thawm cem lai tiah ka zumh. Cu lo cun ralkap hrut pawl hi minung hawi kah le thah pei an i nuam tuk cang khi! Cattial tu. Luther Tin Hre

Be the first to comment

Leave a Reply

Your email address will not be published.


*