Ralkap Nawl Pek Bangin Hakha University Le College Cu Kan Awn Cang Lai.

Myanmar ramhuap University, College, GTI le GTHS sianginn i sianginn  kaimi siangngakchiacheukhat hna cu 2021 May 5 in ca cawn hram an thok than cang lai tiah Hakha GTI sianginn Principal Dr. Salai Tluang Za Thang sin in thawng kan theih.

Hakha GTI sianginn ah Muici thuh le tii toih puai an tuah - The Hakha Post

Dr. Salai Tluang Za Thang nih, “Council zung lei nih May 5 ah cacawn hram thok than ding in thawng an kan thanh. Ca cawn hram thok than ding a si ca ah sianginn lei rian ngei mi hna zong nih a si khawh chung in rak i timlam ve uh.

Chin Ramkulh sianginn dihlak ah taangkua le taanghra siangakchia a thar an  cohlang hna lo - The Hakha Post

Cun, atu hi siangngakchia dihlak si loin Final Year a kai mi poh an si lai, ” tiah The Hakha Post ah achim.
Ralkap nih February 1 ah Myanmar ram uknak a laak hnu in Myanmar ramhuap sianginn ca chim a tam deuh cu CDM cawlcanghnak ah an i tel.

2019 Chin Ramkulh taanghra result tha bik sianginn cu Chin Galaxy Private  Sianginn a si - The Hakha Post

Ca chim tu ding saya/ma hna kong he pehtlai in, “Ca chimtu hi CDM an tuah pah dih ca ah kan chambau ngai lai. Cun, Final Year siangngakchia hna zong hi kai ding kan ti ko nain, anmah lei nih kai an i timh le timh lo a si lai, ” tiah Dr. Salai Tluang Za Thang nih a chimchap.

May 5 in sianginn a kai than mi dihlak ni 40 chung hrawng an kai dih hnu ah camipuai tuahter an si lai tiah theih a si. Myanmar ramhuap sianginn a tam deuh cu COVID-19 zawtnak Myanmar ram a phak 2020 March 23 hnu siangngakchia si hna seh, ca chimtu saya/ma si hna seh sianginn an kai ti hna lo

Be the first to comment

Leave a Reply

Your email address will not be published.


*