RALHRANG RALKAP NIH RINPI KHUAMI AN CHIMH CANG HNA

CDM a Tuah i a Zaam mi Pawl Cohlan Lo Ding in Ralkap nih Rinpi Khuami an Chimh Hna. Nihin zanlei sml. 3:30 hrawng ah ralkap motor 4 cu Hakha peng, Rinpi khua ah an phan i, CDM a tuah i a rak zaammi pawl cohlan lo ding in khuami an chimh hna, tiah thawng kan theih.Ralkap nih CDM a tuahmi pawl min le hmanthlak an i ken i khuami pawl an hmuhsak hna buin cohlan lo ding in an fial hna hi a si.

Laitlang cu Kawlrawn bang si loin atu tiang a dai rih i a ttha ngaingai tiah ralkap nih khuami an chimh hna i ralkap le palik rianttuannak dohdal lo ding in an forhfial chap hna. Cun, pakhatkhat thil a can ahcun ralkap nih mipi kan in ven zungzal ko hna, tiah Rinpi khuami sin biachimnak an ngeih hnu ah Hakha lei ah an kir tthan hna, tiah thawng kan theih. Credit:The Chin Journal.

RINPI KHUA PHUN KALNING

Relchih: US, France Ralkap Pawl Myanmar BAY An Phan Cang. MYANMAR NAVY ZONG AN I RALRING VE. UN, CHINA LE ASEAN KONG. April 1,2021(Thursday)i UN Security Council nih Meeting an neihnak ah Midle East le Kawl ram kong hi biatak te’in an i ceih i, Members-15 lakah 12 nih Myanmar ram Ralkap cu fak tak takin hrem (Action) lak dingin an duh i,Member -3 cu Neutral in an um.

US, UK, France le Turkey nih cun Raltuknak tiang (Military Action) tiang hman dingin an duh na’in China le Vietnam nih a daihnak lei’in ASEAN he rian tuanti dingin an hna a tla ve. US Ambassador to UN, Ms.Linda Thomas Greenfield cu a thin aa sum kho ti lo i, Myanmar Ralkap Uktu pawlnih Mipi an thah an nawn peng rih ah cun, US nih a zoh sawsawh ti lai lo.A herhning in Military caaknak kan hma’n ve cang lai” tiah a chim bak ko.

Ms. Linda nih hin zeiti bantukin dah kan hma’n lai timi belte a chim duh rih loh. April 5-7,2021 chungah US le France hruaimi ” QUAD” members Australia,Japan le India pawl cu Myanmar Tipi kam Bay of Bengal ah Navy raltk cawngtinak( Exercising) an nei lai tiah France Embassy, New Delhi nih 31/3/21ah khan thawngthanhnak an tuah.

Cu thawngpang cu Myanmar Ralkaup Uktu nih an rak theih caah 4 April in 11 April,2021 tiang SIN-PHYU-SIN Operation(စစ်ဆင်ရေး) cu Irrawaddy Division i, Pathein Region, Chuangta, Ngwe Suang,Shwe Tha Yan Tipi kam Ti Meng-15(ရေမိုင်)chung poh ah Ti- Cung,Ti- Tang le Airfare an nei cang.Mipi a ho hmanh Tipi leng chuak lo dingin Ralkap nih thawng an thanh dih cang. Nizaan khan Tipi (Bay of Myanmar) ah Miakpi zuun-6 puah thawng Mesa Khuami pawl nih an theih ti’ah DVB/AFP nih an chim.

Hi QUAD Navy Exercise tuahnak ding kong hi March12,2021 ah khan US le France hruainak in an ceihkhan mi asi i, India hi tutan lawngah US Defence Minister sawmnak in a tel ve mi asi i, an i timh bikmi cu China le Myanmar kong ah asi bik ko. France le US nih hin, Kawlram hi Warning an peknak asi i, Myanmar Ralkap an cawlcang sual ah cun kahcawlh dingin an i tim ready cia ti’ah PTI(India) le Nikky(Japan) News Agency pawl nih an tial.

Cun, September, 2020 ah Russia, Iran, Pakistan, Myanmar le Vietnam hna nih Raltuk cawngtinak(Exercise) an rak nei ve cang bantukin, November,2020 zongah US, Australia,Japan, India le France QUAD nih Indo- Pacific Ocean Malabar ah Raltuk cawngtinak an rak nei bel cang. UN Security Council Acting President Mr. Dang Dinh Quy hruainak in China Foreign Minister Wang Yi nih ASEAN hruaitu Indonesia,Thailand Malaysia le Singapore Foreign Ministers pawl cu an chawnh cuahmah liopi asi i,

Myanmar Ralkap Foreign Minister Wannah MaungLwin zong an chawnh ve cang tiah Asean Times nih a chim. Hi ASEAN ram hruaitu pawl nih hin NLD (CRPH) le Taingyinta Hriamtlai le Party Upa pawl zong ton biaruahnak neihpi an duh ti’ah Editorial ah an tial len hna. Tu’in aruahhlanah thawngpang thar cu kan theih cawlh zumh a um ngai ngai cang. Hngak rih hna usih. Credit: MC Bik Lian

Be the first to comment

Leave a Reply

Your email address will not be published.


*