RALHRANG RALKAP NIH FALAM KHUACHUNG AH CA AN TAR VE CANG

Ralhrang kawlralkap khuachia rianttuannak a chuak chin lengmang. Falam zongah an tar cang i mipi hna cu lamzawhnak ah i tel lo dingin ralrinnak an pek tthan cang hna. Mah catar hi khuapi tthenkhat ahcun an tar pah dih cang ti asi. Tutan ah langhter mi cathanh pawl hi Falam khuachung mipi an tamnak hmun le hma ah an taar dih ti asi. Mah catar hi mipi lau hna sehlaw ttih hna seh timi an duh caah asi lai.

Falam khuachung hmun laili ah an taar mi cabia chungah an langhtermi cu amak ngaingai khi asi ko. Tuchun March ni 22 thok in a kal sualmi lamzawhtu tthenkhat hna nih ningcang loin mipi hna cu an forhfial hna. Lamzawh lio ah buai bainak chuak dingin mipi hna cu an taw an sawh hna. Culawng siloin a kalsual mi hna nih lamzawh lio ah khawn dennak siseh mei khanghnak zong chuak seh.

Hriamnam le datsi hman dingin mipi hna cu forhfialnak an tuah hna. Cu bantuk in thil a si caah lamzawhnak mipi i tel hlah uh, Meikhangh hna a um sual asi ahcun kal umnak a fawi deuhnak dingah lam zong phihnak or lam khamnak tibantuk pawl tuah lo dingin thanhnak an tuah hna. Hibantuk thil atuahmi hi midang an si lai lo Ralhrang ralkap nih an thluak an chuahmi asi.

Ralhrang ralkap hna nih mah bantuk in an chuahnak aruang bik cu an lungdongh tuk caah mipi hna cu lamzawhnak tuah ti hna hlah seh, timi an duh caah asi lai timi hi a fiang taktak mi asi. Ralhrang ralkap pawl hi an dirhmun athat ti lo caah mipi tthihpheihnak caah tiah lam aphunphun in an kawlmi khi asi. Lungdong loin CDM hi tuah chih peng ko hna usih. Atang pic hi thatein vun zohcio uh.

May be an image of text that says "၁။ အသိပေးနိုးဆော်ချက် အစွန်းရောက်ဆန္ဒပြသူအချို့သည် မတ်လ( မတ်လ(၂၂)ရက်နေ့မှ မတ်လကုန်အတွင်း ဆူပူဆန္ဒပြမှုများ ဖြစ်ပေါ်စေရန် စေရန် လှုံ့ဆော်လျက်ရှိပြီး လက်နက်များ၊ ဓာတ်ဆီပုလင်းများ ကို အသုံးပြု၍ ဆန္ဒပြသူ ပြည်သူလူထုကို ထိခိုက်ဒဏ်ရာရရှိရန်နှင့် မီးလောင်မှုဖြစ်ပွားရန် ဆောင်ရွက်လျက်ရှိပါသည်။ သို့ဖြစ်ပါ၍ မိဘပြည်သူများအနေဖြင့် ၎င်းကာလအတွင်း ဆန္ဒပြမှုများတွင် လုံးဝ ပါဝင်ခြင်းမပြုရန်၊ မီးဘေးအန္တရာယ်အတွက် လမ်းပိတ်ဆို့ခြင်းများ မပြုလုပ်ကြပါရန် အထူးသတိပေး ကြေငြာအပ်ပါသည်။"

Relchih:Kawlram kongah Singapore Foreign Minister Vivan Balakrishnan cu tuchun ah ASEAN Chairman, Sultan of Brunei hmu dingah Brunei panh in a chuak cang. Cun Thaizing ah Malaysia ah lut tthan in Malaysia FOreign Minister Hishamuddin Hussein le Prime Minister Muhyiddin Yassin hna a ton hna lai. Cu hnu ah Indonesia president Joko Widodo ton dingin Jakarta apanh tthan lai.Indonesia president nih hin naite ah kawlram chungah hruhru hranghrang cawlcanghnak le thahnawnnak hi an ngol colh ding asi ati i, cubia cu Malaysian Prime Minister zong nih a vun dirkamh pin ah ASEAN ram hna nih kawlram thilcang hi hma lak colh ahaumi asi tiah a chim.

Hi konghe pehtlaiin Al-Jazeera thawngzamhnak nih atanglei bangin alanghter. Singapore Foreign Minister Balakrishnan a khualtlawnnak nih hin ASEAN meeting auh ding maw asi lo ah, ramtthen kongkau chim ruahnak angeih lai tiah an chim. Malaysia Prime Minister le ASEAN Chairman of Parliamentarians for Human Rights nih an timi cu nifatin in kawlram ah mipi thahnak a chuak i, ASEAN cawlcangh ahau cang tiah an ti. Tutiang ah ralkap le palek nih an thahmi hna hi minung 250 an si i, minung 2665 an tleih hna.

Cuchung ah minung 2190 hna cu hren rih an si tiah AAPP nih alanghter. Aliamcia march ni 2,2021 ah khan ASEAN ram hna nih, ralkap pawl hna cu Daw Aung San Suu Kyi thlah dingin nawlnak an rak tuah cang. Asinain atu tiang an thlah duh lo. Tutan ah Singapore ramdang vuanci a khualtlawnnak ah hin Kawlram caah theipar ttha chuak hram ko sehlaw a tthatuk hnga.

Be the first to comment

Leave a Reply

Your email address will not be published.


*