Ralhrang Nih Thah Dingin Dawi Ruangah Tiva Ah A Zuangmi Pa Ruak Hmuh A Si Cang.

Zing lei lamzawh nak ah uk nak chut tu ralkap hna nih mipi cu an thawl  hna meithal in an thawl hna lamzawh mi mipi an zam dih. A nih a zam nak lam a pit cang caah tipi tiva chungah a zuang i ti ah a paam. April ni 23 ah khan lawi kaw khuapi mipi hna cu zingin ralkap uk nak duh lo nak langter nak lamzawh nak an tuah hi asi. Caan sau a rauh hlan ah ralkap uk nak cut tu pawl nih meithal in an rak thawl hna hi a si.

Meithal in an kah hna caah lamzawh mi hna cu an zam cio a nih lam nak lam a pit cang caah ralkap tlai le meithal kah tih ah baluchaung tipi ah a zuang hi asi. Luat khawh ding a zuam tuk ko nain tipi lian luat kho ti lo in ti ah a pam hi a si.

A ruak cu an kawl len ko nain fawi le bai ah an hmuh kho lo April ni 24 zingah a ruak cu hmuh asi.  Kayah ram kulh chungah lamzawh nak ah ralkap uk nak chut tu kut in minung 3 an nun nak a liam cang tiah mizzima nih cun a tarlang hi asi. Kan kawlram mipi ralkap uk nak doh nak ah a nun nak a liam mi an tlawm ti lo.

 

Be the first to comment

Leave a Reply

Your email address will not be published.


*