RALHRANG NIH HAKHA AN TLEIH MI HNA CHUNGIN MINUNG 10 AN THLAH HNA

Hakhathar Minung 12 Tlaihmi Chung ah Minung 10 an Thlah Than Hna. Nihin chun Hakhathar ah an tlaihmi hna minung 12 lak ah minung 10 an thlah tthan hna, tiah thawng kan theih. An thlah tthanmi hna cu: Pakhatnak. Nawl Hi (kum 45), Pahnihnak. Kawng Htet (kum 29), Pathumnak.  Rev. Sang Awi (kum 62), Palinak. Maung Myint Oo (Kum 47).

Panganak: Julian (kum 63), Paruknak, Thang Hnin (kum 26), Pasarihnak. Cung Bawi Lian (kum 20),  Pariatnak. ( Ngun Kung (kum 42), Pakuanak. Rual Meng (kum 35), Pahranak. Lai Cung (kum 25) hna hi an si. An thlah rih lomi hna cu: Pakhatnak. Thang Ha (kum 17), (2) Ceu Thang (kum 22) hna hi an si. Credit: The Chin Journal. May 6, Hakha.

Kawl Ralkap Hakha Ah Tampi An Phan Chap Lai - LAIHOLH NEWS

Relchih: Afiang Bak. Hakha CDF nih ralhrang kawlralkap minung pakua an thah cang hna. Hliam a tuarmi cu minung hleinga hrawng cu an si lai tiah Hakha CDF nawlngeitu nih tuzing ah a chim. Hakha CDF le ralhrang kawlralkap hna i kahnak konghe pehtlaiin tuzing ah Hakha CDF chungin hruaitu lutlai pakhat a simi cu biaruahnak an ngeih. Cu an ngeihnak ahcun atanglei bantukin a chim.

Bator Ralhrang kawlralkap hna nih mipi cungah hramhram in thil an tuah lengmang tikah kan zohkho hna lo i, ralhrang kawlralkap cu ralrinnak kan pek hna. Ralrinnak kan pek mi hna an ngeih lo caah kan kahmi hna asi. Kan i kahnak ah ralhrang kawlralkap lei in minung pakua an thi cang i, hliam atuarmi hi an tam ngai minung hleinga hrawng cu an si lai.

Kannih CDF lei tu cu hliam atuarmi kan um lo tiah a chim. Bomb meithal in kan kah ko hna tiah a chim.Hi konghe pehtlaiin DALAN pawl kongah a chim tthan rih mi cu nan lung nan i thlen lo asi ahcun kanmah laimi an si tiah kan i zohsawhsawh hna lai lo. Aherh ningin kan in tawlrel ko hna lai. Nanmah ruangah ah harsatnak tampi kan tong cang, kan i kahnak ding tiang thawngpang apemi an um.

Nan hmanthlak le nan sining zong kan in theih dih hna tiah alanghter.Hi konghe pehtlaiin thanhnak atuah rih mi cu khuate lei zongah ralhrang kawlralkap hna nih meithal an hal hna i, ape mi zong an um ti kan theih, nan meithal kha ralhrang kawlralkap sin ah rak pe hna hlah uh. Nan pek hna asi ahcun tawlrelnak kan tuah rih lai.

Cun khuate lei khuabawi tthenkhat zong ralhrang kawlralkap lei ah rak ttang hlah uh. CDF cu Hakha lawng asi lo, Chinram kip ah a ummi a si. Cun CDF min hmangin tangka akawlmi zong an um ti kan theih i, bawmhnak pek kan duh tikah thawngthanhnak kan tuah bangin thatein langhter ding asi lai ti zong a chim. Mah konghi tuzing ah CCNC he bia an i ruahnak ah a chimmi a si.

Relchih:Minung Timi Cu, 1. “Uar a um tuk” tiah a ka cawisang i bia dawh dawh in a ka ṭamhtu hna zong hi hmailei caan ahkhin anmah an ruahnak le an hmuhning he aa lo lomi thil ka tuah asilole ka chim ahcun a ka huatu le a ka raltu an si kho ṭhiam ko. Mi zeihmanh hi zungzal ṭanhtu an um lo. Huat a tlai tuk” tiin midang sinah ka kong a chim i bia chia holh chia in a ka timi hna zong hi hmailei caan ahkhin anmah bawmchantu le zohkhenhtu dirhmun ka va phan kho ko.

Anmah an va si lo hmanhah an naihniam caah saantlai ka va si te ko hnga. A ka hua i a ka dotu lila kha a ka dirpitu bik ah an cang kho ko. 2. Vawlei cung ah amah nu amah pa he cun zungzal kan i daw te ko lai tiah kan ruahchanmi hawikom zong khi kan tlamtlin lonak le chiatnak an hmuh ahcun zungzal in a kan kaltaktu le zungzal hma a kan phurhtertu an si tawn ko.

Mah minu mipa he cun kan i kom bal lai lo tiah kan ruah tawnmi minung zong khi, a caan ahcun kan tlamtlin lonak le hawi kan lawh ve lonak ah a kan theithiam biktu minung ah an i chuah tawn ko. Minung timi cu khua caan bantuk kan i thleng ve tawn.Minung timi cu tuni kong lawng in biachah awk a rak si lo. Thaizing ah kan hngalh bal lomi minung kha a kan daw tuktu an si kho i, a kan daw tuk tu tiah kan ruahmi hna kha a kan raltu ah an i cang kho.Cu bantukin vawlei nih a kalpimi phung lakah aa thleng lomi dawtnak ngeitu a simi hi upat tlak an si. Credit: Nunu-NS

Be the first to comment

Leave a Reply

Your email address will not be published.


*