RALHRANG NIH FALAM BAWMHNAK AN PEKMI CU A RAK TAM BAK HIH

Falam peng krihfa biakinn 300 fai caah SAC ralhrang nih bawmhnak an pek hna.Chin state SAC nih Falam pengchung ummi Biaknak saya,pastor le RC father hna bawmhnak pekchannak cu September ni 5/2021 sml 2pm tlukah General Administration Department hall ah an tuah tiah theih a si. A hmasa bikah Falam District Administration haotu U Saw Tun Win nih biachimnak a tuah hmasa hnuah zung-uk le chungttuan hna nih

Falam peng Krihfa biakinn 317 chung in RC father te, pastors hna minung 249 sinah fang dip 63, chiti cuai 123, Mask bawm 20,Handgel dur 20,a dih lakman ah Ks 4482000 cu SAC cozah nih Krihfa biaknak hruaitu hna sinah an pekchanh tiah theih a si.Mah dih cun RC father Franciss nih lawmhnak bia a chim hnuah Rev San te nih thlacam upnak a tuah.

Mah pinah phungki sianginn hna caah bawmhchanh peknak an tuah chap hna tiah theih a si.Krihfa biakinn 317 chungah Father le pastors minung 249 caah Ks 4million fai/a dihlak fonah 301 caah ks 5million cu pekchap le bawmh rih ding si lai tiah Falam distric news nihcun a thanh. C7P

May be an image of 1 person, standing and indoor

Cabia dang:Siizung rianttuan mi nih rak rel uh. Chinram ah mipi nih harnak kan ton mi pakhat sive mi ahcun,siizung riantuan hna sinah hin a si.A bik in Nurse hna sin hin si. A cheu cu mifel zong an um ko lai nain atam u siizung riantuan(nurse) hna cu siizung um mi dam lo le umpi tu hna sinah an ziachia ngai,pinah thleidannak an ngeituk.Mirum million deuh dam lole sifak harsa damlo karah faktuk in thleidannak an ngei tawn.

Chinram hna ahcun ramttha bantuk in mirum lian hna umnak ding siizung kan ngei fawn lo,Cozah siizung pi kha ihrawm cio si. Nurse hna rian cu zeidah si? An rian lian bikmi cu an sin a phanmi mizaw kha felfai tein zoh le conghhram/zohkhenh kha asi.Micheu nurse hna cu mirum le sifak le harsa kar faktuk in an zoh/an tleidan tawn pinah mah chungkhat sahlawh kha ahleice in zohkhenh hmangmi an um.

Cucu nurse le siizung riantuan tu hna tuah lo dingmi rian a si.An siizung aphanmi sifak he milian he tiah aa rual le aa tluk tein zohkhenh ding kha nurse hna rian a si nain cu a rian athei lo mi nurse hi Chinram ah75% tluk an si ti usilaw kan palh lai lo.Krihfa- sinak hrim in aa rem bak lomi a si,Chinmi cu 85% Krihfa kan si rih,Bible nih mithleidan ngeih hi a duh bak lo mi si.

Ziah nurse min ka thlir khun ti ahcun,siibawi(doctor) hna cu chikkhat damlo zoh deuh an sI,caantling deuhin mizaw akil le zoh tucu nurse an si caah nurse min ka thlirnak cu si. Cucaah khoika ram hmanhah siizung rianttuan tu nih mithleidan angeih phung silo caah mithleidan angeimi siizung rianttuan tu,nurse hna hi ralttha tein report tuah ngam ding asi.Eidin le zeimaw thleidan le damlo/mizaw thleidan cu afak ning a ahlat tuk, thihnun-ri kar tehna thleidan ngei nurse hna na theih cun arannakin report tuah colh ding.

Chin/Laimi hi aherh lonak ah raltthat ngai in a herhnak ah ralchiat hmangmi kan tamtuk ve,a herhlo ah thlachiat iruah ter zong kan hmang,mah nihcun midik lo hna kha alor/sualter chin hna.Cucaah abikin damlo cu thihnak si tikah damduh ah siizung kan panh I mi an rak thleidan tikah cun zawt hnih in kan zaw chin.Nurse te nih hin mizaw hna hi awka thlum taktak zong in komh le bairuah,thazang pek ding na si.Hmurka ttha hi sii-ai tthatukmi phunkhat a si ve caah na mizaw nu/pa sinah biatha le awkatlum he hnemhnak bia na chim tawn hau nurse. Credit:Chinland 7 post

Be the first to comment

Leave a Reply

Your email address will not be published.


*