RALHRANG NIH ATU NAI TE AH HAKHA UMMI PATHUM AN TLEIH HNA

Breaking News: Hakha BOC pawng um mi minung 3 ralkap nih an tlaih hna. May 5 zinglei 8:45 AM hrawng, Innwa bank hmai (BOC kawi) pawng um mi minung 3 ralkap nih an kalpi hna, tiah kan theih. Inn hnih an luhhnawh. Nu pahnih le pa pakhat an tlaih hna. Zeiruang ah dah an tlaih hna i an kalpi hna ti cu kan hngal kho ve rih lo,” tiah khuami pakhat nih The Hakha Times ah a chim. Credit:The Hakha Times

May be an image of fire, outdoors and text that says "SHOT ON REDMI 10X AI QUAD CAMERA"

Relchih:Chinram ah CDF a vun dir i mipi an i lawmh lio ah kei cu kaa lawm hrimhrim lo. CDF mino hna hmang in kan duh mi Federal Democracy kan hmu lai ka zumh lo caah a si.A lak in mino tthattha nunnak liam lai ka zangram ngaingai. Mino tthattha ram le miphun caah thih ngamh loin nun tu kan ngamhpiak hram uh. Chinram um Ralkap thonghnih an thih zong ah an dih nai lo.

Karen, Kachin, Shan, le Chin etc… hna nih i kapnak in nunnak zeizat an pek cang i Federal Democracy kan hmu maw? Karen le Kachin hriamtlai kum 60 reng lo ral a tu cang mi hmanh nih an mipi an veng kho naisai hna lo.Cikhat lungthawhnak men thil tuahnak nih hlawhtlinnak a hmu hrim lai lo. CDF nih Chinram le Chinmi a kan ven khawh lo ding a fiang.

Mah CDF ah hin kan unau hna an um cio maw? A lang in miforh cu a fawite. Mi kut in rul tlaih cu a fawite. Ramleng in meithal e kuan e ti cawkpiak cu a fawi men lai nain a hmun i SAC ralkap minung nunnak zei a rel lo mi va doh ding hi thil fawi si lo. Rampumpi in cawlcanghnak um ttung lo cun CDF lawng cawlcanghnak nih Chinram himnak si loin Chinram caah sunghzatlaknak a si kho.Kan duh mi hmuhnak caah thim ding laam kan thiam hi a biapi ngaingai. CDM tu hi a laamkip in kan ttanh ding ah a biapi in ka ruah peng ko.Fb zoh ah a lang in CDF nan forhnak hna lawngte si i lung a nuam hrim lo. Credit: Salai Van Bawi Mang.

Be the first to comment

Leave a Reply

Your email address will not be published.


*