RALHRANG MOTOR 15 KHAT IN KHUACHUNG AN LUT, MINDAT MINO UM SAWH AN TIM LO

Mindat Mino le khuachung upa hna nih ralhrang kawlralkap ngiatthlainak an tuah hna. Chinram kulh Mindat nih ralhrang kawlralkap an umnak an i thial caah Mindat mino hna le khua chung upa hna nih ngiatthlainak an tuah hna. Zingka suimilam pasarih hrawngah ralhrang kawlralkap hna cu motor 15 in an ra hna.

Tuzing suimilam pasarih hrawngah a rak rami Ralhrang kawlralkap pawl hi minung 250 hrawng an si lai tiah an chim. Mah vialte ralhrang kawlralkap hna cu motor 15 khat in Cohthuh Myo in an rak ra i, Mindat khuachung ah an lut. Mah ralhrang kawlralkap hna cu Sami khua lei an kal lai tiah thawngpang theih a si.

Hi konghe pehtlaiin Mindat mino le khuachung upa mipi runvengtu hna nih an chimmi cu hi ralhrang kawlralkap pawl hi Chinram le Magway ramri aa thoknak hmun Mindat peng an kalnak ding tiangin ngiatthlainak kan tuah hna lai thanhnak an tuah ve. Ralhrang kal an i timhnak Sami hi AA ralkap pawl biatak tein an umnak hmun le hma asi.

May be an image of map and text that says "Paletwa ပလကဝ Laile Ridaung Charadaung Sing Aik Kaladan Kalagya Khakhwei"

Relchih: Kawlram mipi 85% nih tulio ramchung buainak ah teinak kan hmuh lai tiah an chim. Hi konghe pehtlaiin ramchung ramtthen le ramkulh 14 ah dottletnak an tuah hna i, zatuak 85% nih teinak kan hmuh lai tiah an chim. Hi lio caan ah zatuak 4.5% nih cun teinak kan co lai tiah kan zumh lo an ti ve. Cun 11.1% nih cun teinak kan hmuh ding le hmuh lo ding kan chim kho lo an ti.

Hi konghe pehtlaiin teinak kan hmuh lai tiah atimi hna cu zeiruangah dah teinak cu kan hmuh lai tiah biahalnak an tuah tthan hna. Lehnak an tuahmi hna cu ramchung buainak ah 42.2% hi cu mipi nawrnak in teinak kan hmuh lai. Cun 18.8% hi teinak thinlung angeimi an si ruang kan tei lai. 11.8% hi CRPH cawlcanghnak ruangah teinak kan hmuh lai.

Cun 13.3% hi CDM cawlcanghnak ruangah teinak kan hmuh lai. Cun 8.4% hi ramleng hna nih ralhrang kawlralkap an cohlan hna lo ruangah teinak kan hmuh lai. Culawng siloin 6% hi ramleng lei in cawlcanghnak an tuahmi ruangah tei nak kan hmuh lai. Cun 4.6% hi ramchung mino hna cawlcanghnak ruangah teinak kan hmuh lai i, 3.6% hi tlangcung mi hriamtlai cawlcanghnak ruangah kan tei lai.

Ahmanmi diknak ruangah 3.1% hi teinak kan hmuh lai i, Thawngzamhtu ruangah 2% hi teinak kan hmuh lai. Culawng siloin ralhrang kawlralkap pawl an derthawmtuk cang caah 1.2% hi teinak kan hmuh lai tiah lehnak an tuah hna. Tulio kawlram buainak ah hin ralhrang kawlralkap pawl hna hi mipi nih kan tei lai tiah nang na ruat maw? Credit:VP

Be the first to comment

Leave a Reply

Your email address will not be published.


*