RALHRANG KAWLRALKAP UKNAK A LO CANG. SALAI BAWI LIAN MANG

2008 Constitution is gone.Federal Democracy Charter is here. Perhaps this Federal Democracy Charter is the Magna Carter Charter of Burma.2008 phunghram Kan hlonh. Federal Democracy Biakam roca kan thanh. Mahhi Biakam Roca hi Magna Carter charter Biakam Roca bantuk in kan itlaih Lai. 1215 June 15 ah England ram ah Magna Carta Biakam Roca cu an rak thanh.

No photo description available.

Cu Roca nih cun Siangpahrang le zapi zaran kha phunghram nih ai tluk te in a hren hna. Political tuanbia le democracy le zalonnak caah a biapi bik Roca asi.Hi Roca Biakam kan nunter ding a biapi taktak.Ralkap uknak a lo cang! Mipi nih teinak kan co cang! Credit: Salai Bawi Lian Mang.

No photo description available.

United States of Myanmar dirh a si cang. Kawlram ahcun nihin April 1,2021 thawk in ramthar dirh a si cang. Cucu pyidaungsuh hlutraw committee a simi CRPH nih Kawlram federal democracy ram United States of Myanmar dirh a si cang tiah thawngthanhnak a tuah. Cu rualrual in CRPH nihcun ralkap nih an mah duh ning in sermi 2008 Kawlram phunghrampi zong March 31,2021 zan ah hrawh a si cang tiah thawngthanhnak a tuah.

Ralkap sermi 2008 phunghram pi zong nihin thawk cun a thi cang. A um ti lo. Hman awk a tlak ti lomi phunghram pi a si cang caah a duh mi nih rak hlonh khawh a si cang. A duh nih mei zong in rak khangh khawh a si cang tinak a si. Kawlram ah phunghram kan ngei ti lo. A tu United States of Myanmar nih phunghram thar an ser chom cang lai.

Kawlram ah Federal Democracy ram United States of Myanmar hi CRPH, tlangcung hriamtlai, sandah piah hruaitu hna, CDM hruaitu hna, nu bu hna, mipi bu hruaitu hna party dihlak hna hruaitu hna nih an i ceih dih hnu ah an fehter mi a si cang.Cucaah kawlralkap ralhrang hna cawlcanghnak cu adong cuahmah ko cang lai. Tlawmpal te lawng atang cang ti asi.

Phunghram hrawhnak kong: Ralhrang KawlRalkap pawl nih an mah nawlngeihnak a hmunh khawhnak ding caah tiah an suai mi 2008 Kawlram phunghram (Constitution) pi cu nihin thok in hrawh dih a si cang tiah CRPH nih official in thawngthanhnak an tuah taktak ko cang. Kum 2008 Phunghrampi kan hrawh ti lawng hmanh si loin an hrawhnak a ruang zong fiang taktak in an langhter chih. Cu an langhter mi ahcun,

Pakhatnak. Union of Burma ah a um mi, Tlangcung miphun hna le Miphun dihlak nih kan duhbik mi Tluk ruannak, I khat dihnak, Zalonnak, Mah tein khuakhan Lairelnak vialte a um khawhnak ding caah dawn tu a simi 2008 phunghram cu hrawh a si cang. Pahnihnak. Kum 2008 phunghram cu Ralkap nih an mah duh ning tein an suai mi, an chuah pi mi asi. Hi phunghram hi Federal Democracy a chuah khawhnak ding ah dawn tu zong a si caah kan hrawh ti asi.

Pathumnak. February 1, 2021 ah Ralkap Council nih an mah suai mi 2008 phunghram pi cu an buar riangmang i rampi nawlngeihnak hramhram in lak an i timh, Cu caah an mah lila nih an suai mi phunghram an buar ni bak khan hi phunghram cu rinh awktlak a si ti lonak zong fiang tein a lang cang i an mah lila nih an hrawh cang timi zong a langhnak asi.Tutan ah thil point (4) in an langhter i a donghnak bik Number(5) ah fiang tein an telh rih mi cu Nihin March 31, 2021 thok in 2008 phunghram pi cu a dihlak in hrawh le hlonh a si cang” tiah fiang ko in an langhter.

Be the first to comment

Leave a Reply

Your email address will not be published.


*