RAK ZOHCIO TUAH UH, HRINGTU A NU A CELH HRIMHRIM LO LUNG AFAKTUK

Thantlang nawlngeitu hna nih Kan naunu Ruak an tuahto ning cu lungfak tuk asi ko. Zeicaah tiah Malaysia cozah le Kawlram cozah hmanh nih thatein an cohlan cangmi khi asi. Kawlram Tanzung nih aruak tlunpi dingin hnatlaknak a tuahmi hi kawlram huap khawzei hmun le hma, khua zong nih an lonh lo dingmi khi asi. Zeicaah tiah ram pahnih nih hnatlaknak an tuah caah asi.

No photo description available.

Kan theihcio bangin nungak Sui Hlei Tial ruak cu a chuahsemnak khua le ram Sui Thantlang ti lengmang mi ram le khua aphan. Sihmanhsehlaw, nawlngeitu hna nih Nungak Sui Hlei Tial ruak cu Thantlang khuachung luhpi nak nawl an pek hna lo caah lamkam ah a ruak cu an vui ter hna tiah theih a si.

Image may contain: one or more people and outdoor

Ataktak le angaingai ti ahcun zapi nih kan i fiannak dingah, Thantlang khuachung luh loin direct Thlanmual kalnak lam hi a um. Thantlang khuachung lupi a haumi asi lo. Motor lam thatuk in an cawhmi a um. Cucu Thantlang khuachung velnak lam timi asi. Cu lam cu Thantlang khualuh lai in kal khawh dih mi lam a si.

Image may contain: 1 person, sitting and outdoor

Tutan ah nungak Sui Hlei Tial ruak khuachung luhpinak nawl an pek lonak hmun hi Laipawng Lung tiah kawh auh asi. Hi hmun hi Tlangrua kalnak lam a fawinak cun zophei lei kalnak lam asi. Cun hi hmun lila in hin Thantlang khuachung luh a huam lomi caah direct kalnak Thlualam a va chuakmi lam a um i, cu ka lam cun Thantlang Thlanmual cu a chuak.

Image may contain: one or more people, people sitting, outdoor and nature

Khuachung luh an sianh hna lo zongah Thlualam a chuahnak le Thantlang Thlanmual a chuahnak hmun in kalpi khawh mi asi. Khuachung luhpi hrimhrim an khap bak a si ahcun hika lam hi atthatuk mi lam asi ti cu ahopaoh hal dih hna uh adikmi asi tiah an ti dih ko lai. Ka chim duh bik mi cu khuachung luh an sianh hna lo zongah hawisin vuinak lampi a um ko.

Image may contain: 1 person, outdoor and nature

Culawng siloin Malaysia cozah le Kawlram cozah nih hnatlaknak an tuah cang ruangah Nungak Sui Hlei Tial ruak hi tlunpi a si i, hi kongah hin pumpak or khua pakhat nawlngei hna nih anmah duhning paoh in an tawlrel khawh dingmi thil asi lo. Cunglei nih a zatiah hnatlaknak an tuahmi cu Thantlang nawlngeitu hna nih ningcang loin an tuahmi asi tihi a fiangtuk. Hi kong ka vun langhternak cu mizei nih dah an kham? ahodah a si? thil sining i fiang usih tiah ka langhtermi asi. Kalawm. By. Saya Thang.

Image may contain: 2 people, outdoor and nature

Hi konghe pehtlaiin The Chinland Post nih hitihin a langhter. Hmanthlak Thong. Malaysia inn dot (9) cungin atlami Nu Sui Hlei Tial (20) cu Malaysia Cozah le Kawlram Embassy hnatlaknak in Malaysia Vanlawngin Yangon- Yangon in Hakha-Thantlang an rak tlunpi nain Thantlang Uknak lei le Siizung lei Lutlai hna he ichonhbiakning a tluan lo caah Laipawng in an kirter hna i Thanghrin Meheh Zuatnak chak lamkam ah an phunmi hmanthlak a si.

Image may contain: one or more people, grass, outdoor and nature

Cozah lei le Chungkhar lei an ichonhbiak than lio a si caah zeitin dah an tawlrel lai tiah zapi nih cuanh cuahmah an si ko. Hi kong he pehtlai in October 7 ah The Chinland Post nih tling tein kan rak tial than te lai. credit. Salai Do Khar Live chungin hmanthlak tiah an langhter.

Be the first to comment

Leave a Reply

Your email address will not be published.


*