RAK ZOH TUAH UH, NLD COZAH A SOISEL MI PAWL NAN LUNG FIANG MAW

NLD Cozah that lo nak le San tlaih lo nak lawng te a chim a rel mi hna rak thei uh..A tu tiang nan i theih chung ah NLD nak Cozah tha nan hmu bal maw? (1) Nylon kattaza lam teh Lai ram ah nan hmu bal maw? (2)Kum 2 tang hngak chia le Nau pawi le Kum 85 cung Putar Pi tar Bawmh nak phaisa Pe mi Cozah teh nan thei bal maw?

Atu le bang cu Kum 80 cung Bawmh ding in Cazin an lak lio asi hoi cang. (3)NLD Cozah hnu ah Siang in ah kan fa le Cauk cawk an hau ti lo. Khah NLD Cozah tuan mi a tam tuk le kan tial cawk lai lo i NLD Cozah a kai hlan ah hin USDP le Chin party an rak kai hmasa tung 2010-2015 tiang Kum nga chung Ram an hruai hmasa tung ziah an tuah ve tung ne lo.

A phi cu Ram daw mi le Daw lo mi cozah cu i lawh rai asi lo.NLD tluk Khua le Ram daw Cozah nan hmuh bal asi le Van tial ve te ko. Ka lawng in au chan a si lo.Tuah ser chan a si cang.Ralkap uk nak chan lio ah NLD nih Cun thong in ai thim.Party dang nih cun Ram dang a zam lo le Ralkap lei ah ai tawm.A tu ah cun A tuan cem ai lawh ter i bia le hla le a thiam ngai fawn.Ni chuak cu asi pah. Credit: David

Relchih:Chin Party nih Chin cozah a tlaih bal maw? 2010 thimnak lioah Chin party nih Chin state thutdan 18 hmun ah hmun 10, Ralkap party USDP nih hmun 7, Mara party nih hmun 1, cio an hmuh timi cu hmuh cio a i. A si le 2010 Chin state cozah cu tambik teinak a hmuhmi Chin party hruaimi a si maw? 7 lawng teinak a hmuhmi USDP nih cozah a tlaih ko lo maw! Ziah Chin party nih cozah a tlaih duh lo maw?

2015 thimnak lioah Rakhine state le Shan state pawl cu anmah party le Ralkap party nih teinak an hmuh ko nain ziah anmah state cozah an tlaih ve lo? Chin party nih Chin state ah teinak a hmuh zongah Centre ah USDP a si caah Chin party nih Chin state cozah a tuan kho lo.

Shan le Rakhine pawl zong an ram ah cun teinak an hmuh ko zongah Centre ah NLD cozah a si caah Shan le Rakhine pawl zong cozah an tlaih kho ve lo. U Than shwe duh lo ruangah Chin party nih chin cozah a tlaih khawh lomi a si lo bantukin Daw Su duh lo ruangah Shan le Rakhine pawl zong cozah an tuan khawh lomi a si lo.

2008 phunghrampi chungmi Pohmah 261 ruangah a si. 2020 thimnak zong mah ning tein a kal rih lai. Chin party nih a bochanmi cu Ralkap party USDP ngei ciami 25% a si caah thimnak ah a hmuhmi le kanmah tlangcungmi teinak a hmuhmi pawl he fonh in cozah kan ser lai ti a si.
Kanmah nih cozah kan kai than lai an ti lio hmanh USDP cu 6% lawng teinak a hmuh.

Policy a khat lomi party cu NLD nih cozah serti dingah a komh bal lai lo.
Ralkap party USDP he pehtlainak a ngeimi party pohpoh cu NLD nih a komh lai lo ti a fiang ko.2010 lioah tambik teinak a hmuhmi Chin party nih cozah a ser lo, 2020 thimnak ah tambik cu chim hlah tlawmpal teinak hmuh sehlaw cozah cu a tlaih lai maw?

Ralkap party USDP he kuai a sermi party 30 hrawng pawl le USDP
fonh in cozah dir dingah le USDP nih 20% cung teinak a hmuh lawngh ruahchannak tlawmpal a um, USDP cu 2015 lio hmanh 6% lawng a hmuh ahcun 2020 cu chim ding a um ti lo. Cozah serti dingah a sawmmi party um loin mah ruahchannak in miphun party tanh ding tiin a aukhuangmi mino pawl caah zangfah ngaingai a si.

Teinak hmuh lio hmanh cozah ser kho lomi cozah kan tlaih lai tiah aukhuang lengmangmi hi tha tein khuaruat ding a si. Hrut tung loin mihrut bantuk i umtermi hi a poi tuk. Atu cu aukhuang tam rih ko sehlaw
Mee pek caan ah cun Lungfimmi poh cu cozah a ser dingmi NLD an pek dih ko lai ti cu hngalh cia a si ko. Cun Fb. ah cun mah le party cio tanh a tam cio nain Reporter nih Mee ngeitu mipi an hal tikah Mee ngeitu mipi nih cun NLD lawng pek awktlak a si a timi lawng an si ko. Credit: Laiki Chozah