PUI CIMH LIO AH AHODAH ALUNGFAK KHUNMI KHA ASI, RAK THLENG UH

Hakha khualipi i Inn sak nan timh mi a Min kha rak thleng ulaw a ttha, Miphun Min dirpinak zawn hmanh a thei rihlo mi nih cun mahbantuk Inn sak timh kha ngawl ziarmar ah ttha deuh lo maw? Vei aw, kan bia hi sau ko seh. kum 2015 ah khan Chinram khulipi a si mi Halkha khuapi cu kokek rawhnak ruangah inn tampi airawk i umnak ngeilo in chungkhartampi an um hna.

Chin mi kan dihlak kan lung airawk,a hlei in, Halkha, Thantlang ko kan lung a faak khun hna khah, mah lio ah khan ram dangdang a um mi hna le tlawmngai hna nih kan unau hna nih harsatnak an tawn mi cu kan mah tawnmi a si tiin bawmhnak zong tampi an rak peek cio hna,a cheu nih thlacamnak he kan bawmh ve hna. Mah lio i kan unau hna nih an tawn mi kha cu philh awk a tha hrimhrim lo i thinlungah a cam peng i mitthlam zong ah a lang pengfawn.

A tu kan theih ning hi a dik ko ahcun Halkha khrihfabu kip nih 2015 kokek rawhnak, philhlonak caah tiin Chin ti mi min bunh in inn a ngan taktak mi sak an timh ti a si. Inn an sak ding mi a min cu, Chin Convention Center (CCC) ti in a min an bunh lai i minung 5000 tlum inn nganpi cu Hakha ah sak a si lai tiah CACC General Secretary Rev. Dr. Za That nih a rak chim mi a si.

Mah hi inn ah hin thingthang lawng ah hin minung 2000 an itlum lai i a chung ah hin minung 3000 an itlum lai i Tthingthang le a chung i a tlum ding mi fonh in minung 5000 tlum tinak a si. Hi inn an sak nakding hi Hakhathar i HCMF vawlei hmun ah pe 100×60 in an sak lai i,Mah inn sak an timh mi ah hin ramdang a um mi khrihfabu maw a dangdang hal in sak an timh tiah kan theih fawn,khrihfabu ah miphun min hman duh ngai,peng le tlang tiang in khrihfabu ah hman duh ngaittung.

Sihmanhselaw miphun min dirpi a herhnak zawn ah tlau diam fawn, mahbantuk ruahnak le zumhnak kan miphun nih kan ngeih lengmang ruang ah hin kan miphun hi tthanawk a sining dingin kan tthan khawhlonak hi a si ti hna hi kan ifiang hna dek maw? A tu an timh mi inn sak an timh mi hi ngan taktak in sak ding a si i tangka zong tam taktakdihding in an tuaktan ti a si.

An sak khawh ahcun a tha i,a mah belte miphun min tu cu hmang lo in,khrihfabu pakhatkhat min hna hmang hnaselaw aitlaak deuh ko hnga,kan miphun hi,Community ah maw, organization tibantuk ahcun,Chin min cu kan hman duh ngaingai i kan uartaktak fawn,a sullam cu,mah hlawknak ca ding ahcun Chin ti mi min hma cu kan uar hringhran ko hna,sihmanhselaw kan miphun min dirpi ding caan belte ahcun muithla tlau in kan tlau i kawl mi sinah kan vailangh fawn hna.

Cucaah,a tu i inn sak an timh mi lawng hmanh si lo in,Myanmar ram chung a um mi Chin mi paoh nih, Community le organization i kan rianttuan nak ah khan Chin min ai tel sual ciitcet ahcun rak thleng cio dingin kan sining nih a kan ti ko hna hih. Inn saknak hna ah miphun min uar ngai ttung i dirpi a herhnak zawn ah le tlau diam cu mindang in thlen ding khi kan si i kan lung a fimtik ah a herh ning in a min cu bunh than te ah a tha hnga.Ramdang um mi le bang nih cun bawmh rih awk hmanh khi an si loh.Credit Tin Duh Thang.

Be the first to comment

Leave a Reply

Your email address will not be published.


*