PU ZO BAWI NIH SUI THIO LE NISUI LIAN A REM HNA LO TIMI FIANTERNAK

Pu Zo Bawi nih Sui Thio le Ni Sui Lian a rem hna lo timi kongah fianternak.Pu Zo Bawi nih Sui Thio Le Ni Sui Lian cu a rem hna lo ruangah a dinh ter hna tiah ka rak tial bal kongah a dikmi a si ko. NLD cu an fimzer caah nan dih lakin Center ah nan min kan kuat lai I, Center NLD nih an duhmi an in thim te hna lai tiah bia an kamh hna.

Hakha NLD nih an i report mi cu anmah chungkhat Nu hna kha report dingah an fial. Atu ah NLD center nih Sui Thio le Ni Sui Lian cu an thim ko hna.Pu Zo Bawi tu kha NLD center nih na thiltuah mi kongah a dikmi le cawnpiak na hau tiah NLD center nih an ti. Atu Pu Zo Bawi cu NLD center zungah a kal I, Nyepitaw ah a um lio a si. Hmaizarh lawngah Hakha a phan te lai.

Tuandeuh Tialmi: NLD: Sui Thio Le Ni Sui Lian Cu Zo Bawi Nih A Rem Hna Lo Ruangah Dinh Ter An Si. Thantlang peng NLD party EC nih MP candidate caah Ni Sui Lian an cohlan cang hnu ah an dinh ter than.. Pu Zo Bawi nih an khuami Pu Sui Khar Lian luh a duh ruangah Leitak le Hmawngtlang buainak caantha lakin Hmawngtlang pawl cu Ni Sui Lian NLD party zungah report tuah u law kan bomh hna lai tiah a ti hna.

Zephai khuami Pu Sui Khar Lian a luh khawhnak dingah Ni Sui Lian report a fial mi hna a si.Thantlang NLD party EC pawl nih Ni Sui Lian dinh ternak kong le Pu Sui Khar Lian luh ternak ding cu Pu Zo Bawi nawl a si an ti cang. Ni Sui Lian cu Na tapa le CNF an si ruangah tiah Zo Bawi a nau le nih a sual an kawl. Ziah Ni Sui Lian an duh lo cun EC pawl nih dai tein cohlan loin an um awk pei a si cu? Timi bia halnak tuah ka duh.

Hakha peng NLD party candidate ah Pu Sui Thio cu a min an tar hnu in an dinh ter than. Pu Lian Ceu nih Pu Zo Bawi cu NLD candidate in ka thim ve ko tiah phaisa ting 10 a pek. Mah ruangah cun Pu Sui Thio cu an dinh ternak a ruang bik a si.Pu Zo Bawi hi Phaisa a pe kho deuh mi lawng a tanh hna. Amah nih a fial chukcho khomi lawng MP ah luh ter a duh hna.

Tidim in Atu lio Vuanci Mang Hen Dal zong NLD in a dinh ter ve ti a si.Pu Zo Bawi cu Hakha pengah Bungzung le Leium Myo kan in pek veve hna lai tiah a hlen hna. Senthang myo kongah an buai lai. Thantlang pengah Leitak Le Hmawngtlang an buai lai i, mah kar ah cun Zephai tu nan buai tuk tiah Myo kan pek lai timi lungput a ngei. Cun Laimi kan pa Henry Van Thio zong Tikir Myo ngahnak dingah pengtlang dang sik le buai kongah daih ter a tim ve lo.Credit: Mai Dawt Chin Sung