LUNG A HMUITUK HRINGHRAN PU ZO BAWI BIACHIM CU UAR A UM BAK

Tuchun Pu Zo Bawi biachim cu uar a um khotuk. Atimi cu dawtnak zawnruahnak lungthin angei lomi hna cu thial thluahmah an si ko tiah a chim. Sui Hlei Tial ruak khamnak ah nawlngeitu lutlai hna cu action kan lak ko hna lai tiah a chim chih. Kan theihcio bangin kan farnu Sui Hlei Tial ruak cu Thantlang nawlngeitu hna nih khuachung an luh an sianh hna lo.

Kan farnu Sui Hlei Tial ruak khamnak konghe pehtlaiin, Pu Zobawi nih atimi cu, Kan farnu Sui Hlei Tial hi covid zongin a zaw in a thi mi asi lo. Inn cungin a thlami asi i, Malaysia cozah nih thatein an tawlrel hnu ah kawlram ah an rak tluntermi asi. Cun rangon in mandalay, Hakha, Thantlang ah hi bantukin an khammi hi a poi taktak mi asi ko.

Kan fanu Sui Hlei Tial ruak an kham timi hi internet in ka theih i, ka lung afak ngaingai ko. Zeiruangah hi thilhi an tuah hnga, Covid committee ah hin Laimi an i tel hnga lo maw tiah ka ruat. Cun Hakha zongah nawlngeitu hna an chim hna hngalo maw tihna ka ruat. Hibantuk thil a cangmi hi cu a sikho bak lomi thil asi, Zeitindah rianngeitu hna hi azizut nak dingin ceihkhan a si ko lai.Laitlang ah dawtnak lungthin he rian attuan lomi cu kan thial thluahmah ko hna.

Hi bantuk minung nih dawtnak ngeih loin rian an ttuanmi hi cu lung afaktuk. Zeitindah rianngeitu or nawlngeitu hna hi a zi kan zut hna lai timi hi ruah a si ko. Asinain a tulio cu theihcia bangin thimnak lai asi caah rian atam i, kan i tong kho rih lo. Action cu kan lak hrimhrim ko lai tiah a chim. Tuchun Pu Zobawi biachimmi hi uar a um taktak. Dawtnak lungthin angei lomi cu thial thluahmah an si atimi siseh kan farnu ruak khamtu hna cu action kan lak hna lai atimi hrimhrim uar a um.

Relchih a duhmi caah. Pu Tum Bik Nih Ramleng Uico Bo Tiah Akan Leh Lo Cu Kan Vantha. Sui Hlei Tial kong ah Laimi a ngeihchia lomi le alung rawk lomi ka um lai lo. Kan Tuar dih cio, A hlei in Ramleng um laimi hi atuar lawng tuar loin abo bak in kan bo chim. Thantlang khuachung um khua hnu khuapa, Thantlang Mino, Pastor, Evan le kan Mp pawl tiang in san an tlai lo tiah sual kan phawt hna. Nan palh nan palh lo ka ti duh nak a si lo. A ngai te ti lo ah cun Myone Ohchohzi hmu cu chim lo Palik sen 0 hmanh nih latpaih ter mi kan rak tampi hna khah.

Alang hlat in rak au sawhsawh hi afawi te kho men nain Ram chung ummi caah cun kawl kuttang riantuan cu a har kho men. Cu caah cun Thantlang mino an si ah khuanu/pa an si ah kan theihthiam hna a hau tiah ka ruah. Biahalnak ( Asi cun nang teh Than Tlang na um lio ah zeitluk in dah Than Tlang uk bawi na rak doh ngam hna? Than Tlang peng khuate na um lio ah teh nan khuabawi nih Lo vah lo ding an ti tik ah a bia na el bal maw?

Kan si ning i philh in Le bia fakfak in Pu Tum Bik cu kan ti. Pu Tum Bik cu khuabawi a si bantuk The Hakha Time bia ruahnak ah Thantlang COVID-19 committee bia an rak khiah mi kha a fianter mi khi a si ko. Sui Hlei Tial Ruak kong ah alung tha ve lo ti kha thei ve uh. Sui Hlei Ruak khamtu lutlai hi Pu Tum Bik a si lo. Lu tlai ti in nan ti. Lu tlai a si mi hna cu Thantlang Covid-19, I Runven Nak Main Committee hna hi a si ko lai,

Pakhatnak. Myone Ohchohzi Hmu U Aung Shwe Myint Chiarman, 2. Myone Cianma Zi Hmu ngandam Lutlai TMO , U Thun Pua Secretary, 3. Myone Lahwah Kah hmu Member, 4. Myone Pingngazi Hmu member, 5. Myone Yehmu Palek Bawi Member, 6. Myone Tatana Zi Hmu Member Mah hna hi an si. Than Tlang Sipin Bawi Pu Ram Khar nih cun hi tin ati. Thantlang Laipawnglung Kaih um nak hi zanlei 4:30 pm ah kan phan I kan phak tlawmpal ah Sui Hlei Ruak phur mi cu a rak phan colh ve.

Kan Phak le cang ka in nan dih lak nan lut kho lo tiah U Aung Bu Naupa Myone Pingnga Zi Zung ah Duh Myone Hmu a tuan Mipa U Zaw Lin nih a kan ti. Kan mah he midang motor Cycle tam pi cu an kan Hren dih ding si. Asi cun Aung Bu hi kawl bak a si, Anau pa Myone Pingngiazi zung ah Duh Myone Hmu, U Zaw Lin bak nih nan dih lak in nan lut Kho lo a ti hna khah.

Nain Pu Tum Bik cu minung ti in nan ti loh. U Zaw Lin nan au hnawh nak pakhat hmat tel a um maw(U Zaw Lin) nan au hnawh ve lo ka ti duh nak a si lo. Pu Tum Bik hi kan farnu Sui Hlei Tial ruak kong ah lutlai bik nak leng in nan sik a hmual nan phoh, mi nung hi Uico kan si lo nain Pu Tum Bik nih hin Ram leng Uico bo tiah ka khat te tel akan leh lo cu kan van ttha. Ai sum kho tuk leh lam. Credit: Mang Tha Lian. (GRCM)

Be the first to comment

Leave a Reply

Your email address will not be published.


*