Pu Tum Bik Le Pu Ngun Hram Ca Ko Ah Ttih A Nung Lai Hih

Thantlang khuanu khuapa dihlak Olivia nu nih vate tluk ceo men in an hmuh dih ko hna hi aw (chaichaih dingtlak lawng tein),Thantlang khuanu khuapa pawl cu Australia i a ummi Olivia nu chaichaih dingtlak lawngte nan si ko rua hi, a poi ngai. Kan pastor tthattha le evangelist tthattha vialte zong Olivia nu chaichaih dingtlak men lawngte nan si ko rua hi. A tlunglai cu atu cia bak in kan zenhpiak tuk hna.

Lungttial sang in a thok lai i Siizung sang tiang pakhat hnu pakhat an chaih hna lai sikaw a vanchia mi lebang cu nan hnakhaw ah kan chaih hna a tinak ah nan mit hna i an khen sual hna ahcun loh bak si ko lai. Thantlang ah le mit siibawi a um fawn lailo i. Pu Tum Bik le Pu Ngun Hram ca ko ah ttih a nung lai. Mithman pathum bak an i benh a hau lai. David nih Goliath chai in a chaih phun bantuk le bang a si ahcun ttih a nung chinchin lai.

Nu pakhat nih chai in chaih duh ding tlak tiangtiang cu maw kan si ko tihi thuk deuh in nan ruah a hau lai. A tlung tik cu khua hauka ah vokthau le pangpar tthirual he nan va don zokzok a hau te lai kha aw.Thantlang khuanu khuapa i phisin thiam lei in nan i la cang rawh. Aw sireng kan palh tuk, hi hnu hmailei ah cun hi bantuk in a cang tinak hnga lo kan i ralring cang lai tiah toidornak he nan um awk deuh a si nan.

Palhmi cungah phisin thiam in i lak hi fim a si hnga maw ti ka ruat. A hramthok ahcun COVID committee ah Thantlang upa pakhat hmanh kan i tel lo nan ti i zarhkhat hnu ahcun sub-committee ah kan i tel nan ti tthan fawn. Hihnu zarhhnih hnu ah van in hal tthan hna seh law COVID committee ah Thantlang lawngte kan si, Kawl bawi pakhat hmanh an i tel tung lo nan ti tthan men lai. Nu le pa nih fale cu ca i zuam law boih lak khawh i zuam,

kut i rianttuan cu a har tuk tiah nunchimh lio ah Bill Gates le Mark Zuckerberg zong boih an la ve lo nan vawlei cung mirum bik le minthangbik ah an i chuah ve ko tiphun in Thantlang khuanu khuapa thinhar bu he i phisin thiam lei in nan i la cang rawh. A poi ngai. Thantlang khua dihlak Nineveh khualipi bang buri puan nan i aih dih i nithum le zanthum chung rawl ulh in thla nan cam a hau lai.Note: Hi cabia hi Pastor Van Tum tial mi si. Crd, Van Tum

Be the first to comment

Leave a Reply

Your email address will not be published.


*