Pu Thla Hre Independent Candidate He A Hnu Bik Bia Ruah Nak

Note Hi cabia hi Teirial Catial tu page nih a tar i kan tbeih a herh ko tiah ka ruah caah ka vun tar chin mi si,𝗣𝘂 𝗧𝗵𝗹𝗮 𝗛𝗿𝗲, 𝗜𝗻𝗱𝗲𝗽𝗲𝗻𝗱𝗲𝗻𝘁 𝗖𝗮𝗱𝗶𝗱𝗮𝘁𝗲 𝗛𝗲 𝗔 𝗛𝗻𝘂𝗯𝗶𝗸 𝗕𝗶𝗮𝗿𝘂𝗮𝗵𝗻𝗮𝗸 | #teirialcatialtu
Hakha Pyine Hluttaw No.1 in aa zuam ding Independent Cadidatepu Thla Hre nih Hluttaw ah mipi nih nan kaiter ahcun a tuah hmasabik dingmi pawl cu tanglei bantuk hin a chim.

𝗕𝗶𝗮𝗹𝗲𝗵𝗻𝗮𝗸: Mipi nih an ka zumh i an aiawh ding in Hluttaw ah an ka thlah a si ahcun a hmasabik ah 2008 Phunghrampi Article 188 chung i nawl a pekmi chung in Chinmi kan phunglam ser khawhnak tampi a um caah Upadi Draft Bill hi chuahpi ka tim colh lai. Cu lawng si lo in Chinram ah a um ciami Pupa ram kong i Mirang nih rak tuah takmi pawl le kan Cozah nih an vun remhmi le tharchuah in remh a haumi vialte hi Mipi tiang nih an theih khawhnak caah tuah ka duh. Cun democracy le development timi kongkau he peh tlain in sermi buu pawl hi an fimthiamnak le an thazang a karh

khawhnka lai Hluttaw ah chuahpi in Democracy a kong lam le Federal kan ti lengmang mi kong hi thadeuh in caan pek le tuak tanpi ding kaa tim.𝟮. 𝗡𝗮 𝗰𝗵𝗶𝗺 𝗹𝗲𝗻𝗴𝗺𝗮𝗻𝗴 𝗰𝗮𝗻𝗴 𝗺𝗲𝗻 𝗹𝗮𝗶 𝗻𝗮𝗶𝗻 𝗭𝗲𝗶 𝗿𝘂𝗮𝗻𝗴 𝗯𝗶𝗸 𝗮𝗵 𝗱𝗮𝗵 𝗛𝗹𝘂𝘁𝘁𝗮𝘄 𝗻𝗮 𝗰𝘂𝗵/ 𝗭𝗲𝗶 𝗻𝗶𝗵 𝗱𝗮𝗵 𝗰𝘂𝗵 𝗱𝘂𝗵𝗻𝗮𝗸 𝗹𝘂𝗻𝗴 𝘁𝗵𝗶𝗻 𝗮𝗻 𝗽𝗲𝗸?
– Ram a daw ve mi pakhat ka si ve bantuk in Director dir hmun tiang Cozah zung rian a tuanmi ka rak si caah ka theihmi le siter ka duhmi hi kan Chinram thanchonnak caah hin vun hrawmh ka duh ko hna. A bikin kan khua kan ram caah ralṭha tein chimrel le a tak in rian ṭha chuahpi hi ka duhmi a si. Atu kan pale cheukhat nak cun kan khua kan ram caah rian ṭha ka ṭuan khawh deuh hrimhrim lai tiah ka zumh mi a si. Hluttaw kan ti tikah hin nan hmuh ton cang mi cu Upadi kha draft tuah in Hluttaw ah chuahpi a si tawn.

Thimmi hna a si lo ah MP a tlingmi hna nih an chuahpi mi remh ding siseh a thar in siseh kan hmu lo? Tahchunhnak ah kan khua lam chunh awk hi Budget na ngei kho lai maw ti theih ka duh ti bantuk men chuah pi si lo in kan Chinram mipi thanchonnak tiang tawlrel le upadi nih a kan hruai ding tiang khi ṭuan ka duh.𝟯. 𝗖𝗵𝗶𝗻𝗿𝗮𝗺 𝗮𝗵 𝗻𝗶𝗵𝗹𝗮𝘄𝗵 𝗮 𝘁𝗹𝗮𝘄𝗺𝘁𝘂𝗸𝗺𝗶 𝗵𝗶 𝘇𝗲𝗶 𝘁𝗶𝗻 𝗱𝗮𝗵 𝗻𝗮 𝗿𝘂𝗮𝗵, 𝗰𝘂𝗻 𝘇𝗲𝗶𝗱𝗮𝗵 𝘁𝘂𝗮𝗵 𝗻𝗮 𝗱𝘂𝗵?
– Chinram ah hlawh in rian a ṭuanmi hi an nihlawh a tlawm hlei lo. Rian ngei lo kan tam mi hi a poi deuhmi a si. A mahbelte thiamnak a ngei le ngei lo (skillful persons) cun a dang ko lai. Cun kan i ralrin awk lehlam a simi cu Social lei nih rianṭuannak ah a kan donh pahmi a lo.

Ar thin tuh kan ti, ṭhitumh kal hau kan ti, thut pi hau za tlaknak a tong i kan ti i rian petu caah a har ngai. Awnh lo ah le ṭha lo i rian hma a kal lo ngai. Cun rianṭuan lio can ah zu haw kan nam tawn i mah zong cu a poi tak. Tuah ka duhmi vun chim ahcun company le factory pawl tiang hin Chinram ah hin vun um ve seh law Municipal rian he pawcawmnak rian he umter ding hi ka duh ngaingai mi a si. Vun i zoh hmanh u si law kan Chinram ah rianṭuantu 100 cu chim lo rianṭuanmi 10 hrawng in ṭuanmi company fate hmanh kan ngei lo. Kan vun chim mi vialte hi environmental disaster canter ding cu thim lo in Mipi rianṭuannak hi vun ngei peng kho ding hi ka duhmi le ṭanpi ka timh mi a si.

𝟰. 𝗖𝗵𝗶𝗻𝗿𝗮𝗺 𝗳𝗶𝗺𝗰𝗮𝘄𝗻𝗻𝗮𝗸 𝗮 𝘁𝘁𝗵𝗮𝘁𝗱𝗲𝘂𝗵 𝗸𝗵𝗮𝘄𝗵 𝗻𝗮𝗸𝗱𝗶𝗻𝗴 𝗻𝗮𝗻 𝗽𝗮𝗿𝘁𝘆 𝗻𝗶𝗵 𝘇𝗲𝗶𝗱𝗮𝗵 𝗮 𝘁𝘂𝗮𝗵 𝗹𝗮𝗶? 𝗧𝗮𝗻𝗴-𝗰𝗵𝗲𝘂 𝗶𝗻 𝘁𝗮𝗻𝗴𝗵𝗿𝗮 𝘁𝗶𝗮𝗻𝗴 𝗸𝗵𝘂𝗮𝘁𝗲 𝗸𝗵𝘂𝗮𝗽𝗶 𝗮𝗵? Chinmi fimcawnnak caah a herhbik mi a si ṭung i kan hrelh lengmang mi cu hringtu nu le pa hi kan si rua ka ti. A cozah lei zong in siseh, INGO, NGO lei he i bawm in siseh, fale ca an thiam ding le ziaza ṭha an ngeih ding, nu le pa cawnpiaknak le hngalhding fak pi in ka tuah lai.

Fa le cu thingkung bantuk an si. A hmet lio tein ding tein ṭhanter ah cun a kawi bal lai lo. Cu bantuk in Chinmi fimthiamnak caah KG a si lo ah tangcheu an thawk bak in Chinmi fimcawnnak aa thawk ti i fian kan hau. Kan ca kan holh zong kan thiam a herh bantuk in ka upat a hau. Midang holh zong thiam a biapi tuk ve.Kawlram i kan hmanmi hi kawlholh le kawl ca a si Official Language ah. Cucaah cun kawlholh le kawlca hi thiam ngai u si law ti hi ka zuam duhmi pakhat a si. Tahchunhnak in vun chim ahcun kawlholh hman duh lo le kawl ca zeirel lomi nih a kan ṭhathnem ter ding a um hlei lo. Kawlholh le kawlca te hna cu an ṭialning an holhning le cafang tampi a hmang mi an si bantuk in an holh kan thiamdeuh le an ca kan thiamdeuh ahcun anmah kan tluk hna lai i Zung kip ah Bawi a ṭuanmi Key Persons kan vun um cun Federal kan ti lengmang mi uknak ca zong ah Ready kan si hnga.

Mirangholh tu hi cu International hmanmi a si bantuk in International Level he i peh tlaihnak ahcun thiam a herh tuk ti cu hopoah nih theih cia a si ko.𝟱. 𝗖𝗵𝗶𝗻𝗿𝗮𝗺 𝘂𝗺 𝗖𝗵𝗶𝗻𝗺𝗶 𝗿𝗶𝗮𝗻 𝗸𝗮𝗻 𝘁̣𝘂𝗮𝗻 /𝘁𝗹𝗮𝗶𝗵 𝗰𝗶𝗼 𝗸𝗵𝗮𝘄𝗵𝗻𝗮𝗸 𝗱𝗶𝗻𝗴 𝗮𝗵 𝘇𝗲𝗶𝗱𝗮𝗵 𝗛𝗹𝘂𝘁𝘁𝗮𝘄/𝗖𝗼𝘇𝗮𝗵 𝗻𝗶𝗵 𝘁𝘂𝗮𝗵 𝗮 𝗵𝗲𝗿𝗵 𝘁𝗶𝗮𝗵 𝗻𝗮 𝗿𝘂𝗮𝗵 𝗶 𝘇𝗲𝗶𝘁𝗶𝗻𝗱𝗮𝗵 𝗻𝗮 𝗰𝗵𝗶𝗺𝗿𝗲𝗹 𝗹𝗮𝗶?
– Rian kan ṭuan/ tlaih cio khawh nakding ah ca thiam hau. Ca thiamnak caah cawnnak in le Saya ṭha kan herh hna. Cun kan cawn mi ca hi Professional ngai in cawn khawh ding caah timh tuah kan hau. Cu hna cu Sianginn cachim hna tlamtling tein um kho hna seh law ti hi ka duh bik ko.

Atu cu a sianginn lawng kan sak piak uh kan ti hna i a sianginn cachim sayate an tlin lo tikah siangngakchia an vaivuan dih. Cucaah cun khuapi le khuate fimcawnnak ah a tluk dih lo hmanh ah a dantuk lo nakding caah Hluttaw ah chimrel ding cu a herh ngai mi a si. Fimcawnnak hi vun bih ta u si law kan hnu kum 20 hrawng i ca fir in awn te hna a rak lar ning le, Graduate cu an vun si ve i tlangkhat hmanh a ṭial kho lo mi kan tam tuk. Tuchan bel ah cafir cu a um ti lo. Kan ṭhangcho deuh tuk cang.

Cubantuk thlennak te te i a herh mi kha ṭhutṭi ruah ṭi in Hluttaw ah chuahpi ahcun Bawi sang tampi kan vun i chuah lai i kanmah ke tein dirkhawhnak lam a vun sial ko lai.

Kaa lawm.
_______
Note: 𝙕𝙖𝙣𝙜𝙛𝙖𝙝 𝙣𝙖𝙠𝙞𝙣 𝙎𝙃𝘼𝙍𝙀 𝙩𝙪 𝙞𝙣 𝙠𝙖𝙣 𝙗𝙖𝙬𝙢 𝙝𝙧𝙖𝙢 𝙪 𝙩𝙞𝙖𝙝 𝙠𝙖𝙣 𝙞𝙣 𝙨𝙖𝙬𝙢 𝙝𝙣𝙖.

Foto: Thla Hre / Private / Facebook

Crd:Teirial Catial tu