PU THAN, VELHLE NA RAK THIAM NGAINGAI SI. VAN ARFI PAKHAT BANTUK IN

Catialtu: Pu Tin Duh Thang. Pu Than velhle na rak thiam ngaingai si, Van arfi pakhat bantuk in kan miphun caah ceunak pakhat bantuk hlah maw na si te lai tiah na miphun tampi nih kan in cuanh cuahmah lio i, hibantuk in ruahnak na van ngeih ruangmang ko cu,ka thinlung na zawtter ngaingai i, a poi hringhran ko, a tuning hin cun na miphun thinlung ahcun na nun chung na nung kho ti lai loh hi teh.

Hibantuk ruahnak na ngeih i lutlai/Hotu bik si lawnglawng a duh mi dahkaw na lawh cu,hotu si lo zongah ruatnak ttha na ngeih mi le fiim thiamnak na ngeih mi hmang khan hautu a si mi,na miphun hna sin ah khan ruahnak chuah in rianttuan khawh a si ko na in mu! Pumpaak zawnruahnak lungthin nih lam an piakter ko ne hih, zeititha, vawlei cung pei a sifawm cu aw! na kalnak lamtluan tu ah diknak le felnak kha itleih peng law na zumh mi, Pathian a nun bangin le kan Pathian cu a dikmi Pathian a si bantuk in diknak nih na nun tu uk ko neseh tiah duhsaknak kan peek.Kai lawm. Credit: Tin Duh Thang.

2020 Hrilawknak Ih Paisa An Hman Dan , Pu Lian Luai le Pu No Than Kap In  Falam hrilawknak Commussion Hnen An Rel zo.. -

Relchih:May 21, Naypyidaw ah tuahmi UEC le ramkhel party cheukhat tonnak ah UEC Chairman U Thein Soe nih a rauh hlanah NLD cu hrawh a si lai tiah a chim. NUG in ramkip riantuantinak vuanci le NUG chimnak nawlngeitu Dr. Sasa nih cun “NLD hrawh an timhmi cu kum saupi chung an nawlngeihnak hmunhter an duh caah a si” tiah a chim. Ralhrang khawngsil khanhmi UEC nih NLD cu thimnak ah i tel kan kham cang tiah an thanhmi hi mipi duhnak zeirello in ralhrang rual nih kum saupi uknak an tlaih khawhnak dingah zaukphung buar a si tiah Dr. Sasa nih cun Reuter nih an halmi kha email in a leh hna.

Kum 2020 rampi thimnak ah NLD nih vote diklo in an tuahmi a um caah NLD hi kan hrawh lai i hruaitu upa hna zong dan kan tat hna lai tiah ramkhel party cheukhat hna he tonnak ah U Thein Soe nih cun a chim. Feb 1 i ralhrang nih nawlngeihnak an lak lecangka in Suh Kyi le President U Win Myint telh in NLD hruaitu cu an tlaih thluamah hna. Ramthen le ramkulh i NLD zung tam deuh cu an luhhnawh i a biapimi ca zeimawzat an lak.

Biatenh: Min Aung Hlaing nih cun kum hnih chungah thimnak kan tuah lai i teinak a hmumi party sinah tha tein nawlngeihnak kan pek than lai tiah nawlngeihnak an lak in a voikhatnak mipi sin bia a chim lioah a chim. Mah hnu zongah an chim lengmangmi a si.Asinain cu an tuah dingmi thimnak cu ram mipi duhning in a si lai lo.

Anmah duhning in tuahmi thimnak a si lai ti a fiang ko. Cucu NLD hrawh an timhmi le thimnak ah FPTP (First past the post) hmang loin PR (Proportional Representation) hman an timhmi nih a fianter. Cucaah tutan i kan tei hna lo ahcun ralhrang chiahru rual nih kan ram cu an duhning in kum tampi, an uk ko lai. vawlei dongh tiang zong a si kho! Credit: The Chin Post.

Be the first to comment

Leave a Reply

Your email address will not be published.


*