PU RUNGKAW NIH A POST MI HI ZUBUI THINGPAR KAITER KA LAWHTER: ZASANG CINZAH

Zasang Cinzah:Pu Rungkaw nih a von Postmi, CNLD nih Cozah an ser khawhnak lam 3 an ttialmi hi zabui thingpar kaiter ka lawhter. A ruang cu Tlangparmi Chin, Shan, Kachin etc tbk vialte fawnh Parties cio nih 167 in 200 karlak kan hmuh ahcun Cozah kan ser khawh a ti. A chimmi hi practical a kal kho maw, kan zoh hnik lai. Central Cozah ahhin Amyotha he, Pyithu he seats 664 a um.

Mah chung ahhin tlangparmi lakah 207 a um. Mah 207 chung ahhin tlangpar parties hna nih a ningpi in an la viar kho lai maw? An la kho lai lo. A ningpi in la viar hna hmanh sehlaw, 207 lawng a si. Cozah ser khawhnak ding ahcun Seats 332 hmuh a hau i, 207 an hmuh zong ah seats 125 a bau rih. Mah a baumi seats hi Ralkap ah maw an lak lai? USDP ah maw? NLD ahdah, an chim lo. Cucaah, mah campaign hi cu practical a ciah lo tiah ka hmuh.

Pahnihnak a chimmi hi NLD nih amahte in Cozah ser khawhnak seats 332 hi hmu hlah sehlaw, Cozah a ser khawhnak hnga caah Party dang aa sawm a hau te lai tiah ruah cio a si i, mah zawnte hi CNLD le tlangparmi an hnabei seinak a si. Asinain, NLD nihcun seats 332 a hmuh lo sual ahcun, Cozah ser khawhnak Seats 332 caahhin, Party dang seats tampi a herh lai lo.

Cucaah, a thli tein Independent tbk NLD he alliance a rak tuah ciami an um ko lai si Kaw, cu he cun Cozah an ser khawh thiam hnga. Cucaah, Hika zawn ahhin CNLD tu nihhin atu tein, NLD he alliance tuah lawlaw ve hna sehlaw an campaign a hman deuh hnga ka ti. 3nk Chin State Hluttaw seats 18 ah Chin Parties nih hmuh viar ding an tuakmi cu a si kho lomi a si. Mindat ahhin USDP an tling lai. Cu hmanh ah cun aa zuh cang. Cattialtu Zasang Cinzah.

Saya Rungkaw nih attialmi:Chin Miphun Party (CNLD) Cozah Si Khawh Nak Lam Phun (3). Cozah Ser Khawh Ding ah Tthutdan (333) a herh.Tlangcung mi nih Ṭhutdan (207) kan ngei. Kawl miphun nih Tthutdan (291) an ngei ve. Ralkap nih Ṭhutdan (166) an ngeih ve. Pakhatnak. Tlangcung mi Party nih 167 – 200 hrawng Ṭhutdan kan hmuh ahcun Zalon tein le Donkhan tu um loin Cozah kan ser khawh.

Atam bik Tthutdan ahmuhco mi kan si lai caah Tamada zong kan tuan khawh (Zalon tein). Hlutdaw Luzik hna zong kan tuan khawh i CM zong Zalon tein kan tuan khawh cang. Pahnihnak. Tlangcung Party hna nih tthutdan 150 hrawng lawng kan hmuhco ah cun: Tambik ahmuh mi Kawl party nih Tamada le Hludaw Luzik an tuan ve lai. CM belte cu Mah le Miphun Party nih mah tein i thimh asi ve lai.

Pathumnak: Chin State ah Mipi Thimh mi Palai (18) aum. Chin Party asimi CNLD, ZCD le ENDP hna nih hmun (18) ning in hmunhma kan co ahcun, Kawl party lei nih an mah party chung in CM thimh ding mi minung an ngeih ti lai lo. CM cu mah tein kan i thimh khawh lai. Tamada le Hlutdaw Luzik hna tu an mah Kawl party nih an ttuan ve lai.

Be the first to comment

Leave a Reply

Your email address will not be published.


*