PU NO TTAHPEH CNLD NIH KHUATE AN KALNAK PAOH AH AN CHIM DIH

Pu No tapeh CNLD phu nih khuate an kalnak kip ah ‘Cozah ser dingti ding ah NLD nih an kan sawm lo ahcun USDP he cozah kan serti ko lai, alliance kan tuah ko lai’ tiah fiang taktak in an chim lengmang ko cang. Cucaah, CNLD mee pek cu kuli phorhtertu ralkap party USDP mee pek bantuk a si timi kan i fian cikcek a hau cang. Salai Lung Thli Tum.

Thawngpang dang: President Donald Trump cu Covid-19 zawtnak hrik an hmuh hnu ah Marine One helicopter in Walter Reed medical center an kalpi. Mah hnu ah Maryland ralkap sizung ah an chiah. White house South lawn in amah tein a kal I, a kutpi in thump up a piah hnu ah helicopter cungah a kai. Ka tha ko tinak a si.

President Donald Trump zawt ruangah a lawm bikmi cu China si dawh an si. China palai pakhat nih Trump nih Covid 19 zawtnak zei i a rel lo tuk ruangah a tuh baktuk in a zuun” an ti. President Mike Pence le a nupi cu Covid-19 an test hna I negative an si. Asinain a umnak Naval Observatory inn ah an i erh ve. President Donald Trump a cei tuk ahcun Vice President Mike Pence nih a rian zeimawzet a chan khawh men ti a si.

Asinain President Donald Trump nih Vice President Mike Pence sin ah zeibantuk power hmanh a pe rih lo ti a si. Democrats Presidential Joe Biden zong covid-19 a test I negative a si, asinain leng chuak loin in inn ah a erh colh ve ti a si. House Speaker Nancy Pelosi zong a doctor nih inn ah I erh ding in ruahnak a pek an ti.Supreme Court justice caah President Donald Trump nih nominate a tuahmi, Amy Coney Barrett cu covid-19 a test ve I, hrik an hmuh lo, asinain quarantine in a un ve. Democrats pawl nih Amy Coney Barrett quarantine in a um caah Supreme Court fehternak tuah dingmi vialte a ni thla thawn dingah an I zuam. Asinain Senate Republican hruaitu hna nih duh dawh an si lo.

Tuchun ah Democrats pawl nih House ah $2.2trillion coronavirus stimulus package cu vote 214-207in an pass. Mah an pass mi cu Republican pawl nih lungtlin dawh a si lo caah ceihmainak an ngeih hmasa a hau thiamthiam lai tiah zumh a si. Republican party nih cun 1.6 trillion lawng bawmhnak pek an duh.Asinain kap hnih an chuahpi ah stimulus check minung pakhat $1200 cu an cohlan veve. Kap hnih lungtlin khawhmi an ngeih rih lo caah cozah bawmhnak pek dingmi bia an khiak kho rih lo.

Be the first to comment

Leave a Reply

Your email address will not be published.


*