PU LMC NIH THAH LE NAWN A KA PUHMI KONGAH FIANTERNAK

Pu LMC nih ”kan Party Chairman Salai Aye Thun Min Thah le nawn” a ka puhmi kong ah Hrilhfiahnak tlawmpal: Pakhatnak. Aye Htun Min he Pumpak kan i theihhnhalhnak Salai Aye Htun Min Timi CNP Chairman he hin pumpak in aa theihngal ngai mi kan si. Ygn a rat caan zong ka sin ah a riak tawn mi asi. Caan saupi aa theihngal cang mi le Ramkhel le Party kong zong aa ruah ti tawnmi kan Si.

A pumpak kong zong tampi ka si khawh tawk in ka bawmh tawnmi asi.(chim thlu ah tha lai lo). Cu ti in aa thei hngalmi cu hei cerhro (cerhro nakding konglam um lo) hmanh ning law a ka tih ding khi aum lo. thah hloh timi cu LMC nih alih in a ka puhmi asi( A tang lei a hmanthlak zong khi ka hmeh piak mi asi).

Palinak. Party kong :Aye Htun Min nih a dirhmi CNP (A tang lei News nih a langh ter ning ah cun ”CHINA National Party ) timi hi CNLD a dir hnu le i fonh hnu ah dirh than mi Party thar asi. A bik in kawl rawn Chinmi phun Asho chin pawl caah dirhmi asi.( An dirhnak zong a hlan rih lo). Chin ram zong ah zung on mi an nei bel lo i. Adang Asho Chin Party he zong aa rem lo ngaimi an si.

Chin Ram kong cu An policy le tinhmi zong ah aa tel bello. Chin ram ah thimnak i cuh ding zong ah timhtuahnak an nei bel lo. Ka chim cang bang in Chin ram thanchonak le Chin ram policy zong an suai bel lo. Chin State Khoika hmanh ah Palai a nei bel mi zong an si lo.

Pathumnak. News nih a langhter mi kong ah A tang lei news nih a langh termi kong ah ka chim belmi cu, ”CNLD nih Pu LMC an chuah hnu ah LMC nih CNLD he pehtlai in Party min hmannak nawl a neih ti lonak kong, tih a nunnak le Thantlang CEC upa hna nih an chuah taak” nak kong cu ka rak langh ter bel ve.

News nih a lang ter bang in detete than mi zong um lo. Thangchiat duhnak in tialmi zong asi lo.a dik ning le thil sining tu kha ka chim duhmi asi. Pu LMC nih ai palh ve mi cu CNLD central nih rak thlahmi siamremh tu upa hna cu a tong ngam hna lo(tha te in tong duh lo in) a rak hrocer hna. Thisen chuak ding tiang in rak tihphaih hna. Thantlang riah zong asianh hna lo i tlung colh uh nan tlun lo cun sandah kan piah hna lai tiah a rak thawl hna.

Palinak: Pu LMC nih Pu Aye Htun Min sin ah kan thah lai timi lihbia a ka puh mi cu hram nei lomi bia asi. Cu bantuk bia ka chim hrimhrim lo. Ram khel le Party kong cu aa ruah pengmi kan si ko caah Chin ram kong ah policy a neih bellonak kong le Party dirh ding zong ah timhtuahnak a neih bello nak kong tampi chim ding a um ko caah Aye Htun Min sin ah hin kan thah lai timi ka chim lo. bia dang hman ding a tampi um ko.Cu caah Mah bantuk bia chimnak ding sullam aum lo i ka dictionary ah aa tel lo (amah nih a rak chimmi tu kha lih aka puh bia asi)

Panganak: Online media sin biacah le nawlnak:Pu LMC nih CNLD upa hna a cerhro nak le Thisen luang ding in tinak bia hna le Riahbuk ah a vaifuh hna nak kong langh ter ve lo in kap khat lei chimmi lawng nan vun langh ter mi cu Tanhhlei neih le Buainak thazaang pek bantuk asi caah mah bantuk hi cu rak kan hrial piak deuh cang ulaw tha lai. Careltu nan zate cung ah kai lawm. Salai Kawi Pui