APOITUK CANG PU LAL MAUNG CUNG NIH MIPI A KHAM CANG HNA

Thantlang CNLD Chiarman Pu Lal Maung Cung ngol aa tim hlei lo. Thil sining vialte mipi sin ah theihternak atuah tthan. Thantlang CNLD Chairman Pu Lal Maung Cung le Thantlang CNLD Secretary a simi Pu Tum Sang cu cunglei nih phung nan buar an ti hna caah CNLD in an chuah hna. Asinain cunglei biachahmi cu an cohlang ve lo.

Rian an phuah hna nak konghe pehtlaiin cathanh zong voihnih tiangin Pu Lal Maung Cung le Pu Tum Sang nih THANTLANG CNLD ai awh in an chuah. Culawng siloin tutan ah Pu Lal Maung Cung nih mipi sin ah thawngthanhnak a tuahmi cu a facebook ah alanghter. Acabia cungah Thantlang CNLD secretary Pu Tum Sang zong nih alungput a langhter chih rih.

Cunglei nih CNLD in an chuahmi Pu Lal Maung Cung nih atimi cu Thantlang Peng Miphun Party vialte hna, July Ni 16 kum 2020 meeting auh mi cu Party hrawktu hna nih auh mi a si caah a hohmanh kai lo ding asi lai tiah a ttial. Achim duhnak cu Aralaimi Ni 16 ah meeting ngeih dingin timhlamhnak cu miphun party hrawktu an si caah ahohmanh nan kai lai lo tinak asi.

Pu Lal Maung Cung nih cabia alanghter mi konghe pehtlaiin rian phuah a tong vemi Thantlang CNLD Party secretary asimi Pu Tum Sang, Tial Awipa nih a ti ve mi cu Party thar cu minung pariat lawng an si. Kan party hlun cu rel cawk lo pei an si cu.. tiah attial. Achim duhmi cu kannih kan hruaimi Party chungtel cu minung relcawk lo an si. Atu party thar CNLD cu minung pariat lawng an si ati duhnak asi.

Hi konghe pehtlaiin tulio alinsa ngaimi kong relchih: Cakei Salai Lungthli Tum nih Salai Ngun San Aung cu Laipaih in a singkhaw A tanglei ca hi Salai Tumtum nih Salai Ngunsan Aung a singkaw nak ca a tialmi a si.Salai Ngun San Aung sin cakuat: Mino te na si nain fimcawnnak, media riantuannak le mino cawlcanghnak ah bochan ngaimi pakhat na si i kan upat ngai ve. Pumpak in nangmah kan tanpi kho lo zong ah doh kan tim bal lo, tuni tiang ah kan doh bal hraw lo, soi zong kan soisel bal rih lo.

Nangmah le na hawile(abik in Thailand sianginn kaimi) nih 2015 news tial kai awt hnu in tuletu nan ka doh, nan ka soisel, mualphoh khawhnak lam nan rak kawl zungzal. Nangmah nih naka dohnak comment le cabia a rak tampi, nain voikhat tal hmanh ka rak in let bal lo, ‘a phung si ko’ ka ti i dai tein ka rak um tawn ko.

Nain, CACC tuahmi Chin Idol (2017) ca ah siaherhnak lungthin he phaisa ting 50 bawmhnak ka rak pek hna i midang cu an rak i lawm cio, nangmah belte nih cun keimah dohnak ah na rak hman. ‘Lungthli Tum nih a duhmi minung winner siter a duh ruang le judge pawl influence a duh ruang ah bawmhnak a pek’ tiin naka mer piak. Na cabia kha ka rel i ka lung ai nuam lo tuk, ‘ziah hitluk lawmmam in maw aka huat ko hnga, thil tha ka tuahmi pakhat tal a hmu kho ve lo maw’ ka rak ti.

Na cabia tang ah leh kan duh ngai nain keimah huatnak lungthin he a khat cangmi minung sin ah ka lungput taktak langhter zong ah san a tlai lai lo, aa fian ko zong ah aa fiang duh hlei lai lo ka ti i kai sum than. Hi ruang ah leh loin ka um i dai tein kan ‘𝐛𝐥𝐨𝐜𝐤’ nak a si, na cabia dang zong hmuh ka duh ti lo caah kan block ko i ka palh tiah ka ruat hrim lo.

Kan block hnu zong ah keimah huatnak lungthin in kum tampi ca na tial lengmang, kan leh bal hlei lo. Nai hrawng hi na hun zual chinchin. ‘Lungthli Tum nih aka tih caah aka block, a ngamh cun rak chuak seh’ tibantuk in na myday le na timeline ah na tial lengmang. Leh kan tim lo nain na dai kho ti lo caah ka hun i lehnak a si.

Keimah huatnak lungthin he a khatmi cheukhat block khawhnak rights ka ngei caah kan block nain na lung a tlin bak lo i challenge naka duh tuk ko ahcun July 25, 2020 chun ah Hakha na duhnak hmun i thim law dawh tein ‘Lai paih’ kan i pai lai, Laimi vialte hmuh ding ah live zong kan thlah lai. Mah hi dawhcah tein Laipa le Laipa i singkhaw ning cu a si. Na cohlan ahcun na timeline ah rak confirm law kei zong Hakha ka rak tlung colh ve lai mu.Upatnak he,Salai Lungthli Tum

Ref: We Love Chinland