JOHN CUNG HLEI NIH PU LAL MAUNG CUNG BIATHLI THUP A PHUAN

John Cung Hlei: Thantlang Politics, Pu Lal Maung Cung le Pu Chan Ham karlak pehtlaihnak le biathli thup. Thantlang Politics tiah Pu Lal Maung Cung le Pu Chan Ham karlak pehtlaih nak nan fian khawhnak ding ah a tawinak tein ka rak langhter duh. Pu Lal Maung Cung a nupi le Chan Ham a nupi hi unau an si timi nih tampi mipi thinlung ah fiannak a chuah ter colh lai dah?

Hi bia nih hin zeiruang ah dah Pu Lal Maung Cung nih CNLD soiselnak le thangchiatnak rumro a phozar timi cu a fiang colh ko lai.Pu Lal Maung Cung nih zeiruang ahdah USDP, NLD Party an policy zong langhter loin le a mah CNP Party Policy le Chin mipi caah an i timh mi zong langhter lem tuk loin CNLD soiselnak lawngte a kawl ve i a tial ve timi hi a chung um mi nih cun theih dih cio mi asi.

CNLD a rak um lio ahcun Kawl Party ttanh awk a si lonak kong, NLD le USDP cu Kawl Party bak an sinak tete, NLD rianttuan ningcang a duh lonak tete a langhter peng. A si nain CNLD nih an chuah hnu in USDP le NLD kong cu a ngol bak i CNLD chiatnak le soisel nak rumro biatak tein a kawl ve cang.Hi ka ah mipi nih kan theih fian a herh ngai mi cu “ Pu Lal Maung Cung nih CNP in MP tlin ding cu a har cang ti a theih.

Cu pin ah Chin mipi nih CNP cu Miphun Party si loin chungkhar party deuh in an hun i fiang dih cio cang. Tukum thimnak zong ah CNP cu minung pahnih, a mah Lal Maung Cung, Thantlang peng CNP Chairman le Salai Aye Min Tun (CNP party founder le Chairman) lawng aa cuh ding an si tikah Independent Candidate he an i dannak a um ti lo”Mipi nih thazaang an ka pe lo, ka caah tlinnak lam a har ti a theih caah Pu Chan Ham tu tling sehlaw timi hi Pu Lal Maung Cung nih aa zuam mi a si.

Pu Chan Ham le Lal Maung Cung cu midang pi an si lo. An nupi le unau an si. Pu Lal Maung Cung Nupi le Pu Chan Ham Nupi cu unau bak te a si. Cu caah Chin Chin Pekthang an thlak khawh i Pu Chan Ham tu a tlin nak ding ah biatak tein a thli in an ttang ti i CNLD soiselnak rumro a tar tawn mi hi asi. Credit: John Cung Hlei

Be the first to comment

Leave a Reply

Your email address will not be published.


*