PU BAWI LIAN NIH FA PATHUM NGEI AN CHUNGKHAT MEITHAL IN AKAH THAH

Pu Bawi Lian nih an chungkhat fa pathum angeimi meithal in a kah hnu ah a zam i, tutiang a umnak an thei lo. Chinram Matupi peng Palaro khua ah Pu Bawi Lian nih an chungkhat a si mi cu a thah hnu ah a zam. Tuchun ni tiang an tlai kho rih lo tiah theih asi. Mithat tu pa a umnak a thei mi vialte nih khuami sin ah thawng rak kan thanh uh tiah cathanh an chuah.

May be an image of 1 person, tree and outdoors

Thil sining cu hitihin a si. Aliamcia kan hnuzarh April ni 8 zan ah kum 38 a simi Pu Bawi Lian nih an chungkhat a simi fa pathum a ngei cangmi Pu San Zawm kum 35 cu meithal in akah thah hnu ah lo diam in a zam. Mithattu Pu Bawi Lian hi thinlung lei a tlamtling lomi a si tiah an chim. Thahnak a chuah hnu a thaizing april ni 9 ah palek sin ah report an tuah.

May be an image of 1 person and sitting

Asinain tuchun nitiang mithattu Pu Bawi Lian cu an tlai kho rih lo tiah an langhter. Mithattu Lainawng Pu Bawi Lian konghe pehtlaiin Palaro khuami nih a tanglei bangin thanhnak an tuah. Pu Bawi Lian a hmutu nan um sual asi ahcun khuami sin thawng rak kan thanh hram uh, Pu Bawi Lian a hmumi hna nih 09766569780, 09761012178, 09770871611 ah pehtlaihnak rak kan tuah uh tiah an langhter.

May be an image of 1 person and sitting

Good News Relchih:Ralhrang kawlralkap Min Aung Hlaing nau le dirhmun chiatnak kong thawngpang an thanh tthan cang. Min Aung Hlaing ralhrang kawlralkap umnak hmun cu tlangcung hriamtlai a simi KIA nih an lak tthan. Tutan ah KIA nih ralhrang kawlralkap pawl umhmun khuarnak sakhan an lak mi hi Myitkyina pawng ah a ummi a si.

Hi konghe pehtlaiin thawngzamhnak nih thanhnak an tuah mi cu Myitkyina pawng ah a ummi ralhrang kawlralkap hna umnak hmun an sakhan cu KIA nih an lak tiah an langhter. Thil sining cu tuni April ni 17 zingka ah Myitkyina pawng ah a ummi Myitkyina he meng 13 hrawnghrang aa hlatnak hmun Washawng timi khua pawng ah caan zeimawzat chung kahdohnak a chuak.

Tlangcung hriamtlai KIA nih tuzing suimilam panga hrawnghrang ralhrang kawlralkap sakhan cu biatak tein suimilam pahnih chung an tthuat hna hnu ah atu bantuk in ralhrang kawlralkap hna sakhan an lak khawh hi a si. Tuni ah an lak khawhmi sakhan hi abia ngai ve mi asi i, Washawng, Chiphwe le Kanpeihtti lamtonnak hmun ah a ummi a si.

Hi konghe pehtlaiin khuami minung pakhat nih a chimmi cu KIA nih ralhrang kawlralkap sakhan an lak hnu ah kawlralkap ralhrang hna Helicopter cu Myitkyina khuachung ah an zuang hna i, Washawng lei ah ralhrang kawlralkap hna cu thaazaang an chap hna tiah a chim tiin thawngzamhnak nih an langhter. Tulio ralhrang kawlralkap le KIA an i kahnak ah KIA nih ralkap sakhan tam ngai an lak cang.

Be the first to comment

Leave a Reply

Your email address will not be published.


*