AMAK KO, PROPHET ROBIN BULLOCK NIH LANGHNAK AHMUHMI A CHIM

Pathian nih bia a chimh lengmang mi Prophet minthang Robin Bullock cu atonmi thilsining vialte, Pathian nih biathli achimhnak kong cu Senior Pastor Sid Roth nih biaruahnak angeih. Pastor Sid Roth hi tulio i, God TV ah Supernatural program abuaipi mi le Pathian nih athimmi hna minung prophet hna zong biaruahnak angei lengmang mi asi.

Prophet Robin Bullock nih a chimmi cu number tampi ka hmuh hna i, Ti bantukin sangpi in arak tla thluahmah. Cu Ti cu, Donald Trump hi asi i, cu hnu ahcun tanglei ah number a rak ttum thluahmah, Cu ahcun Biden ka vun hmuh tthan i, khuaruahhar ngai cu asi ko. Ka mang zong asi lo, i laarnak vision bak asi ko. Pathian nih hitihin a chim.

Atu hi ka mi hna nih teinak hla an sak caan asi, ralthatein hla sa uh. Cuticun vawlei mi hna nih ka biakam ka tlinter lai timi hi an theih khawhnak dingah ka minung hna hlasa uh, thangthat hlasak caan asi. Thihnak thlan in kan chuahcang hna hih, Aum lomi hna nan ka ruah i Christmas ah zeihmanh tuah kho lo dingah nan ka ruah maw?

Atu caan ah kan kawh-auh mi hna nan si hi, ka mi hna, nan lungrethei ti hlah uh, Thil ka tuah lai, nan nih cu thlacam ko uh, Keimah ka lung afah lo ahcun nanmah zong nan lungrethei in um hlah uh, nan zumh khawhlomi thil tuah dingmi ka ngei. Lunglawmtein um ko uh. Kan dihlak in kan i lawm hna lai cuta tiah a ti. Zumhnak ah zeican dah na kal ngam? tiah biahalnak atuah chih.

Hi kong ka buaipi cuahmah lioah khuate nu asimi Pathian caah tlang au lengmang mi le Trump caah thla acam lengmang mi ka farnu a vun ra. Thil diklo an phuan chin lengmang lai i, diknak in an sersiam lengmang lai. Cuticun diknak nih teinak a hmuh lai. Atu America thil cang nih vawleipi ahuap dih i, kan vawlei umtuning hmanthlak asi. Kan thlarau dirhmun alanghtertu zong asi rih.

Hi buainak cu Pathian rianttuannak asi ko. Bawipa nih a caan aza ati tikah buainak hi cu aphisin dih ko lai. Atu ah Trump caah thlacam hi adih kho lo. Anmah ram zongah minung tampi nih thla an campiak peng. Trump zong lungdong in a um lo, Aruang cu Jesuh minung asi caah asi. Hibantuk in Pathian nih thlacam dingin aka ti. Misual hna lakah rawh dih hi Bawipa nih a duh lo tiah avun chim.Nangmah zong long mongtu ah Pathian nih an ti, dohdaltu tete zong tong ko. Dohdelnak tello in zeihmanh tuahkhawh taktak mi asi lo. Asinain dohdalhnak lak ah teinak kan hmuh lai tiah a vun ka ti chih. Credit: BS. Note: Hi konghi asau caah atawinak in vun langhtermi asi.

Be the first to comment

Leave a Reply

Your email address will not be published.


*