MIPI ZAWN ARUAT TUKMI TRUMP NIH A PHUAN CANG

US President Donald Trump lungput hi cu uar aum tuk hringhran. Covid bawmhnak konghe pehtlaiin fiang koin thanhnak atuah. Covid bawmhnak hi minung pakhat ah $600 siseh tiah biachahnak an tuah. Asinain biachahnak tuahmi cungah Donald Trump nih min ka thut lai lo tiah fiang koin a chim pin ah biachahnak an tuahmi zong acohlang lo.

Covid bawmhnak konghe pehtlaiin Donald Trump nih a timi cu minung pakhat ah bawmhnak tangka 600 hi cu zeitinak hmanh asi lo, Atlawmtuk lawmmam, zeihmanh atuah kho lai lo. Covid bawmhnak hi hinak in a tam deuh ding asi. Minung pakhat ah 2000 tal cu pek dingmi an si tiah a chim. Cun nuva hna nih 4000 tel tingco hna seh ati rih.

US Cozah nih Covid bawmhnak konghe pehtlaiin timhtuahnak an ngeih mi cu nizan ah khan biachahnak an tuah. Cu chungah minung pakhat ah 600 pek ding ti asi. Hi biachahnak konghe pehtlaiin Donald Trump nih atimi cu hi bill an pass mi hi minsen ka thu kho lo. Minung pakhat nih 2000 tel an tinco lo ahcun ka thu kho lo tiah fiangpup in a chim.

Relchih: US Election: Tazacuai Dingin Tlerhkhonh An Ton Hnu Cun Fox News Le Newsmax Zong Nih Vote Firnak Kong Chim Le Rel An Hrial Ve Cang:US election hi voting machines hmangin an fir, timi he pehtlaiin sualkawlnak an tuahmi ah tehte a um lai, tiin US TV networks Fox News le Newsmax nih chim hram a thok ve cang.Vote fir kong i tazacuainak a kalpitu hna nih an i hmaithlaakmi voting technology company Smartmatic nih hi TV networks pahnih cu tazacuai dingin a hro hna, tiah theih a si.

Trump a sunghmi a khupthal lehpiak awkah Trump team nih voting machines a sual an kawl than.Cu ti i vote fir a um, an timi cu channels kip ah hehtiah a tu le tu an thlah. Saturday ah khan Fox News nih a programe 3 ah biahalnak le lehnak hmangin minute 2 cio Fact-check an tuah i, company 2 nih vote firnak, tuaitamnak an tuah, tiin tazacuainak an kalpimi cu a diklo mi tazacuainak a si, tiin a ti piak hna.Dominion, Smartmatic kongah na theih awk a si mi thil, tiin Newsmax zong nih online ah le tv a biachimnak ah a langhter.

Voi 3 tiang bak a palhmi le nauthatnak biakaa nan tial kha mu, tiin Fox News, Newsmax le One American News Network cu kan hnungzarh ah khan electronic voting systems a sertu Smartmatic nih law (upadi) min char in ralrin a pek hna.Smartmatic hnursuan duh ruangah le 2020 US election thangchiat seh, ti duh ruang i, hi hna News 3 nih thawngpang diklo an thanh hi voi 12 lenglo pi a si cang, tiin company website ah an tial. Dominion le Smartmatic telhchih in Swing states tampi ah electronic in vote an fir, tiah kan hnung zarh vialte chung cu Trump le a legal team le a tanhtu pawl nih tazacuainak heh tiah an kalpi.

Dominion company hi electronic voting software le hardware a zuartu a si.Dominion systems nih hin ballot pawl hi computer in amah duhin a tawlrel i, Trump ca i an thlaakmi vote million tamtuk hi a hloh (delete) asiloah Biden lei ah a thial piak hna. Voting machines hi khahlan Venezuela hruaitu Hugo Chavez chan in ai thok mi a si. Asiloah, ramdang mi nih vote results hnursuan an duh caah an i hmanmi hriamnaam a si.Dominion nih cun tutan ah states tampi ah Smartmatic a software ai hman hna, tiin Trump te nih hrihhram ngei lo piin an chimmi cu hi networks 3 hna nih hin biataktein an thlahpiak hna.

Tazacuianak an kalpi mi vialte kongah tehte pakhat hmanh an chuahpi kho lo i, an biasu pawl cu federal biaceihzung 12 lenglo pi nih an hnonpiak cang hna.Fox News chung i program pakhat cu Lou Dobbs, Maria Bartiromo le Jeanine Pirro nih an hmanmi a si i, Open Source Election Technology Institute ah expert a si mi Eddie Perez cu biachim dingin an sawm.Vote tuahtonak kong he pehtlaiin Smartmatic software nih a hrawh (delete) mi asiloah hnahnawh a peknak kongah pakhat hmanh tehte a um lo. Cun Smartmatic le Dominion hi company dang veve an si, ai pehtlaimi zong an si lo tiin Mr Perez nih fehternak a tuah.

Perez he biaruahnak an tuah hlan a liamcia ni 2 ah khan (Monday), Newsmax nih John Tabacco nih fiangtein hi kong hi a chim ve.Thawng kan thlahmi he pehtlaiin fianternak tuah kan duhmi cu, Dominion le Smartmatic kong kan chimmi hi a hmanmi bak a si, tiin kan ti bal hrimhrim lo tiin Newsmax nih an chim.2020 election ah vote pekmi hnahnawh dingin Dominion asiloah Smartmatic nih software asiloah timhciammaam in a sermi software an hmannak tehte pakhat hmanh a um hraw lo, tiin Mr Tabacco nih a chim.NT Times nih a chim ningah, Trump campaign siseh, cun swing states ah vote firnak tor le cheng in a um, tiin a aupitu le tazacuainak a kalpitu Sidney Powell cu Dominion nih sihni i hlan in tazacuai a timh hna.Hi kongah BBC nih a pathumnak network a si mi One American News sinah comment a hal ko nain, a let rih hna lo. Credit: Chelsea Bawi.

Be the first to comment

Leave a Reply

Your email address will not be published.


*