PASALTTHA MINDAT CDF LE RALKAP BIARUAHNAK A HNUBIK

Pasalttha Mindat CDF le ralhrang kawlralkap hna cu biaruahnak an ngeih cuahmah lio a si. Asinain tlamtling ngaingai in biaruahnak tlamtling an ngei kho rih lo tiah a si. Chawnh biaknak an tuahmi chungin hnatlaknak pakhat an tuah khawh nak in a hnu bik ah halnak an tuahmi a um veve. Avoikhatnak biaruahnak an ngeih ah ralhrang kawlralkap nih mino pasarih an thlah hna.

Mindat, Chin State, Myanmar - thangenmang71

Pasalttha Mindat CDF zong nih Mindat khua pawngah an hrenmi ralhrang kawlralkap minung sawmthum hna cu kal umnak lam an on piak ve hna. Tutiang dirhmun ah pasalttha Mindat mino paruk hna cu ralhrang kawlralkap kut ah an um rih ti a si. Hi konghe pehtlaiin biaruahnak an ngeih cuahmah lio asi tiah thawngthanhnak an tuah.

sunset from Mindat, Chin State, Burma Photograph by Ann Moore

Biaruahnak an ngeih mi ahcun ralhrang kawlralkap hna nih Mindat khuachung ah siseh a pawngkam ah mipi nih runvennak an tuahmi sakhan hrawh i, mipi cu daite in um dingin halnak an tuah. Pasalttha Mindat CDF lei nih halnak an tuah ve rih mi cu a tu atang rihmi mino paruk thlahpiak dingin siseh, mindat khuachung ah ralkap pawl meithal he vah lo ding.

Mindat Kahdohnak Ah Ralkap Panga An Thi -

Cun Lai meithal pawl lak dingin innkip ah luh lo ding tiah halnak pathum an tuah ve hna. Atu ahnu bik halnak konghe pehtlaiin biaruahnak tu cu atutiang ah biachahnak or remnak an tuah kho rih lo. Tutan ah an i chawnh ruahnak hi hmaitonh in siloin phone hmangin biaruahnak an ngeih hi a si. Atu zong CDF mindat cu khuachung ah siseh khualeng ah sakhan an tuahmi ah timh ciatein an um peng ko rih ti a si.

Be the first to comment

Leave a Reply

Your email address will not be published.


*