Laimi Party Kan Tanh Ning Hi A Dik Maw Dik Lo Ti Hna Hi Na Ruat Bal Maw

Laimi kan party tanh ning dan hi a zia kan thiam lo ma si kan tanh ninga  dik lo dik si mi tam deuh mit kem in party tanh ruang ah um mi kan tam cang.Nifatin ti awk in miphun zawnruahnak le dawtnak he caholh dawt a herhnak, thingram tizu ngacel, ramza le va tibantuk hna cu muittawn bakin akan thaipiaktu Pu Vapual cu party kan ttanhnak ai sum khawh ti lo caah mah bantukin a tial cang. Vapual Thawng nih a tialmi cu;

Party pakhat faaktuk i na ttanh ruangah party dang lihin na puhmi nih na ttanhmi party chungmi pawl an hmai na bitter hna khah. LIH lo i na um khawh lo a si ahcun, holh lote khan nangmahpi lawng heh tiah rak lih ko.Cucu na tthanhmi party le ka dawt na hei ti ve sawhsawh mi kan miphun caah a ttha deuh. Min deu le hmaanthlaak deu hmang hlah.Pa raalttha na sii ahcun na mui a chiat zongah kan in ngaih thiam ko lai …mizapi nih hmuh kan in duh. Fale cawnpiak nak zongah…hi nu/hipa bantuk mui a kengmi hi kom hna hlah uh tiinak talah san a tlai lai…

timi khi nai hrawng cu ka lungah a chuak eh.Lai Len: Kawlram le Cawh-meh Democracy: 2008 kum phunghram nih Kawlram cu 2010 in atu tiang, hmailei zong zeitik kum le caan tiang dah a hrulh in a hrulh lai i a nawnnok rih lai, tihi a fiang lo ngai mi a si. Cu lak ah, Kawlram rammi zapi nih ngeih mi chawva in cawm chommi ralkap nih hi tluk a tthalo ko mi phunghram khi kan dirhkamh peng lai ee, an ti tikah Kawlram ca ah khua dei aa tim lo, ceu vukvak lawng nih a kah rih, tinak a si. 2015 kum thimnak ah NLD party nih a tei nain, NLD cu ralkap le 2008 phunghram nih muipadap chung ah a chiah rih. Kumpi kum 50 lengkai ralkap nih a rak hrawh cia mi Kawlram kha NLD nih a rak hrawh cia mi Kawlram kha NLD nih a remh len ko lio ah, a remh kho dih hlei lo, hmailei kum 15 tal cu remh tthan dih a haut e hnga.

Cu hmanh ahcun ralkap uknak nih a chuahhpi minung thinlung lei rawhnak, firkhut lungput ngeihnak, hrokhrawl in eihmuar duhnak, rianttuan huam lo le midang hnar in thaw chuah duhnak, cafir in camipuai va awn, tangka Ks. 100 man ttuan ahcun a miakmi tangka Ks. 50 hmuh duhnak hei ti bantuk hna khi minung chan, chan khat (one generation) a simi kum 30 tal lo cun remh khawh a si lai lo, remh caan hrimhrim hi kum 30 hrawng a rau te lai. A rau ngaingai rih lai, a hleikhun in Chin mi le Chin ram caah.Democracy Index Pawl: 2010 kum lio ah ralkap/USDP nih ram pumpi thimnak an rak tuah.

Hlennak tampi a um, sa a phawtu ralkap/USDP nih anmah kut chung um savo kha midang  phaw ti lo in anmah tein an I laak. 2010 kum thimnak he a pehtlai in 2011 kum ah Democracy Index-2011 a chuak. Culio ah Kawlram democracy cu Hybrid Regime timi tlaih-hrem le democracy cawh-meh uknak a rak si. 100 chung ah democracy 17 lawnglawng (democracy 17%) a rak si. HI 17% hi rammi zapi duhnak a si i, a taang mi 83 (83%) hi ralkap uknak a rak si. Cu hnu kum 5 a rauh 2015 kum ah thimnak an tuah tthan. NLD acozah a kai. 2016 kum ah Democracy Index – 2016 a chuak tthan. Cu ahcun Kawlram democracy cu Hybrid Regime tthiamtthiam a si. Nain, ram mi duhnak democracy cu 42.20% ah a hung kai. Hi 42% hi Kawlram mi zapi duhnak zauk phung democracy cu a si. A tangmi 57.80% cu tah? Hi 58% hi cu ralkap uknak a si. Cucaah a tu lio Kawlram uknak ah mizapi duhnak 42% le ralkap uknak 58% in Kawlram cu kalpi a si. Hi nih a fiantermi, Kawlram ah democracy zatuak ah 42% lawnglawng kan hmuh caah, democracy ngaingai kan hmu rih lo, ralkap kut ah 58% a um rih, ti hi a si.

Phundang in chim ahcun atu lio Kawlram democracy cu fanghang democracy (sanpioh democracy) lawng a si rih.Hi ruang ah pei, fanghang democracry a si zia vialte le, Kawlram democracy cu ralkap kut ah a um rih zia vialte a kherhhlai le a phuang dih mi, Ko Ni zong a lu a hloh fam kha! Kawlram chung ah thil sining theih dih le phuan sual zong hi chiandeih (lion) hmai ah tuufa a laam bantuk a lo ko rua. Tuufa nih zeitluk hmanh in chiandeih a sualnak vialte phuang dih ko hmanh sehlaw, chiandeih nih a za, a ti cang hnu cun lodep a seh bantuk kan hluan ko rua hih.

Kawl ralkap hi cu an mak lawlaw ko. Kawlram pumpi a tlaihhrem rih ko hi ta!Ramdang sin ah leiba: Cu democracy Index-2016 nih a rih rih mi cu, 2010 in 2015 kum thimnak tuah dih tiang ah culio acozah a si mi ralkap/USDP nih ramdna gin in do (tangka) a cawimi hi $9 billion a si, ti a si ko. Cu leiba $9 billion cu NLD acozah ni hroco phun in atu lio hi a phorh cu ahmanh ko. A htei lomi nih hi leiba $9 billion (million in $9000 lengkai) hi NLD acozah nih ramdang sin ah a cawimi si tiah an hei puh thulh. Ralkap/USDP kutneh lawngte a si hmanh kha mi cheukhat nih kan thei hoi lo. Cucaah mizapi le ram mi dihlak nih theih a hau mi cu, 2015 in 2020 kar Kawlram uknak cu, ram mi zapia duhnak (zauk phung) 42% le, ralkap/USDP uknak 58% in a kal cuahmah rih ko lai. Buaibainak a phunphun, ram mi zapi i lungsi lonak a tomtom,

ASSK soiselnak tahrang khat in a chuak cuahmah rih te lai.  Cu bantuk chuah ding zong in ralkap bawi hlun pawl, bawi thar pawl le USDP lutlai cheukhat pawl nih an rak sersiam len cang i, atu in hmailei zong ah an sersiam duahmah rih te lai. Ziah tiah, annih cu kumpi kum 60 hrawnghrang an rak sual cianak, an sual cuahmah rih mi le, an sual te lai ding tiang vialte kha huap dih in, zei upadi le zei dantatnak hmanh nih kan tong hlah she, ti hi an I nunpi mi a si ko rua. A ngaite tia ahcun, hi ramdang sin ah batmi tangka $9 billion zong khi ningcang loin an hmuh mi le an khon cangmi anmah an zal chung in chuah tthan hna sehlaw, ralbawi hlun minung 20 nih fawite le olzaang tein an chuah khawh mi, an cham khawh mi a si. Nain, ram mi nih va cham te she, an ti ko lai. An lungput hrimhrim ah a uak biaka ain ram mi sin eihmuar (lion’s share) rumor kha an thi kilning a si tikah midang zong nih thlauh khawh dawh an si rua lo. Ralkap sen khat in bawizik tiang kha ahohmanh tang loin phuak dih hna sehlaw, meithal pu rifle amn lawnglawng tanter in ralkap a thar an ser lawnglawng ah cawnpiak khawh dawh an si laid ah. Kawlram cu 113 nak a si. Amah nak a chiakha deuh mi hi, Vietnam,

China, Afganishtan, Laos le North Korea ram han an si. Kawlram he arsa ei khat lawng te. An tahnak fung cu, ram pumpi thimnak tuah ningcang, Ram chung ah ruahnak a phungphun pomhlawmning, Acozah rian a kilning, Ramkhel umtuning, ram mi zapi zalong tein an umning… hna cung ah an tah. Kawlram ralkap nih a nawl a rak i cawnmi Indonesia ram hmanh number 48nk ah a um cang. Kawlram tu cu phihlikk khengtlang a velnak ah a caan vialte a dih rih, ralkap hna thawng in.Democracy A Tungtlang: Mizapi nih democracy ram pakhat ah hrih-hrampi a tungtlang pathum a um ti cu hteih dih a si. Administration (uknak lei acozah) Legislative (upadi sernak lei), le Judiciary (biaceihnak lei) in tthen a si. Kawlram ah uknak lei lutlai president Htin Kyaw hruaimi acozah, Win Myint hruaimi  upadi sernak lei Hluattaw, le Tun Tun Oo hruaimi biaceihnak lei bu tiah, tthen a si i, cu hna bu 3 fonh kha Sovereignty Power ti a si, tiah mizapi nih kan theih hna bang, president Htin Kyaw a kalnak, khual a tlawnnak kip ah Win Myint le Tun Tun  Oo nih an mah rian a si lo caah, an zulh lengmang mi kan hmu bal lo. Tun Tun Oo nih bia ceihnak zung chung ah Htin Kyaw le Win Myint hna sawm in an tthutter hna zong kan hmu kho bak lo. Cu bantuk in tuah phung a si fawn lo.

Biadonghnak: Democracy ahhin ka theih tawk ahcun, a um cia mi phawtzamh lawnglawng kha a si lo. A um rih lomi kha umter ding le, sersiam ding a si. Nain, Kawlram le Chinram ah cun kan i phawtzamhnak ah caan a dih. A um rih lomi sersiam tu cu kan thiam rua lo? Thiam a hau ko lai, ziah tiah, thimfung pek in thim ciami nih an thiam lo a si ahcun, aum rih lomi umter a thiam mi hna kha hmailei ahcun thim ahau hnga. Cu lo ahcun a um ciami kan i phawtzamhnak ah philik khengtlang kan vel tthan lai si kaw, cu kan velnak ah kan lung lehlam a mit sual lai. Hi chambaunak zong hi kan Kawlram thil sining cawh-meh democracy nih a kalpi mi a va si sual hnga maw, Democracy timi zauk phung cu fimnak, thiamnak le thilthar sersiamnak hna he tthenhmal kho loin aa sengtlai mi a si ti hi mizapi nih ni nikhat kan i fian tik lawnglawng ah democracy a umtuning taktak khi kan i fiang te lai, tiah ka ruah, kaa lawm.

Crd.

Be the first to comment

Leave a Reply

Your email address will not be published.


*