PALIK AZAMMI KUAT KONGAH CHAMPHAI DC NIH A CHIMMI

CDM ah aa telmi Kawlram Palik India ah a zammi hna cu rak kan kua hna uh tiah ralkap nih ca an kuat hna. Nun himnak ruah ah India ah a zammi Kawlram palik hna cu Kawlram ah rak kan kua hna uh tiah Kawlralkap nih India sin ah halnak atuah hna tiah hruaitu pakhat nih a chim tiah Reuters thawngzamhnak nih a langhter. Pakhat le pakhat hawikom tha sinak le pehtlaihnak athatnak dingah rak kan chan uh tiah an ti.

Hi konghe pehtlaiin Mizoram State, Champhai District Deputy Commissioner asimi Maria C.T Zuali nih reuter thawngzamhnak ah a chimmi cu Kawlram palik arak zammi hna cu Chin State Falam District nawlngeitu pakhat nih rak kan kua hna uh tiah ca a rak ttialmi kan hmuh tiah a chim. Hi cakuat konghe pehtlaiin India cozah Home Ministry nawlpeknak kan hngak ko tiah a chim chih.

Hi konghe pehtlaiin Kawlram palek mizoram ah a tlizammi hna nih an chimmi cu, kan pu le nih lamzawhnak atuahtu hna kha meithal in kap hna uh akan ti. Sualnak ngeilo mipi vun kah hna ding cu kan ruah khawh lo caah kan rak zam tiah an chim. Nun him ruah ah Kawlram palik le chungkhar Mizoram ah a tlizam mi hna hi minung sawmthum hrawnghrang an si tiah theih asi.

Mah kong thiamthiam he pehtlaiin VOA nih a chim langhtermi ahcun CDM ah aa telmi kawlram palek hi minung zeimawzat an si ko. Tutan hi ramdang ah an tlikzam a voikhatnak asi tiah an chim. Falam nawlngeitu nih Champhai DC ah cakuat attialmi ah hin minung pariat an min zong an langhter, anmah hi kum 22 in kum 25 karlak lawngte an si hna.

Kawlram buainak ruangah kan Miphun hawi arak zammi an um asi ahcun thatein kan zohkhanh hna lai tiah naite ah khan Mizoram Chief Minister Pu Zoramthang nih a rak chim cang. Tutan ah hi bantukin nawlnak an tuah tikah Mizoram cozah nih kawlram ah hin palik a zammi hna hi akua taktak hna lai zumh a um lo. Aruang cu Mizoram cozah nih thatein thanhnak an tuah cangmi asi.

No description available.

Relchih: UN Security Council nih Kawlram kong ah biakhiahnak an tuah kho lo. Russia le China nih Ralkap dirpi in an dohdal (veto). United Nations Security Council (UN SC) nih Ramkomh Kawlram kong ah cawn ningani ah to Pumh nak an tuah nain, Kawl Ralkap le Palek nih hramhram mi nunnak an lakmi le thongthlak mi kong ah, zeihmanh biafunnak le duhnak langhternak cathanh an chuah kho lo.

US le ram cheukhat nih, Ramkomh Kawlram kong ah UN Security Council nih biafunnak ngei kho ding in, an nam ko nain innka khar meeting an tuahnak ah zeihmanh biakhiahnak an tuah kho lo tiah theih a si. UN Security Council nih Innka khar in biaruahnak meeting an ngei mi cu, vawleipi remdaihnak a um khawhnak hnga ding caah an tuah tawn mi tonnak a si.

Nain, tutan cawn ninga ( 5 March) ah an tuah mi Kawlram kong tonnak ah Biakhiahnak le hnatlaknak an ngei kho lo. Voidang bantuk in, Russia le China (Tuluk), an pahnih in Veto power (hramhram in Lanka nawl a ngeimi) in Ramkomh Kawlram kong ahcun, ahohmanh kan i thlak ding a si lo. Anmah tein anmah ram chung kong cu an i tawlrel ding a si ko tiah Russia le Tuluk nih Kawlram kong caih mi cu hramhram in an al.

Hi UN SC innka khar tonnak meeting ah, UN nih Ramkomh Kawlram ah palai thlah mi, Christine Schraner Burgener nih cun, UN nih nan zuan hnawh zok zok lo ahcun, mipi ruahchannak a zor tuk cang lai tiah ralrinnak (warning) zong a pek ko hna nain, zeihmanh biakhiahnak an tuah kho lo. I have heard directly the desperate pleas- from mothers, students and the elderly- I receive every day around 2,000 messages, for international action to reverse a clear assault on the will of the people of Myanmar and democratic principles,” she told the council. “Your unity is needed more than ever.”

UN nih Kawlram ah palai thlah mi nu nih cun, nifatin hi cakuat 2000 leng ka don. Ca a ka kuatu hi hringtu nu, siangnakchia, in upa le tar tiang an si. Vawleipi nih kan dirpi cang u, Democracy phung zulh than khawhnak hnga nanmah nih kan dirpi u an ti tiah, UN Security Council cu a chimh hna. Tutan UN SC meeting a au tu, tonpumhnak a hrih awhtu UK palai nih cun, tutan ah zeihmanh kan caih kho lo.

Asinain, a ralaimi UN SC meeting in aw khat kan chuah khawhnak hnga ding caah kan i zuam lai tiah meeting dih bak ah a chim. UN Security Council (UN SC) nih biakhiahnak a tuah khawhnak hnga ding caah, chungtel ram 15 chung in ram 9 nih hnatlaknak ngeih a hau. Cuchung ah, Veto Power (hramhram nawlngeihmi hmannak nawl ngei) ram nga, US, UK, France, Russia le China tiah an um. Credit:Salai Tluangkipthang

Be the first to comment

Leave a Reply

Your email address will not be published.


*