NLD ZONG NIH COHLANG UH SIH. SALAI THANG NIH A KHEN CIKCEK

Salai Thang cabia cu tuak ding le ruah taktak mi a si. Ahmantuk hringhran. Salai Thang hi thil sining a thei ngaingai mi pakhat zong asi. A chimmi pawl hi hmual angei taktak mi cabia deuh lawng an si hna. Tutan zong ah Chinmi vialte hna nih kan ruah dingmi le kan tuak dingmi cabia pakhat a vun langhter tthan. A tawite nain sermon phu le ruah phu taktak mi cabia asi.

Salai Thang nih cabia attialmi cu Kan Chinram hruaitu Upa pawl hi Kan Khrihfa or Khrihfabu Pastor hna hmai ka ah voikhat tel an kun bal ve maw? Upatnak tah an pe tawn hna maw? Laksawng tah hibantuk in an pe ve tawn hna maw? Biakinn saknak dingah tah hibantuk in an pek ve tawn maw? Pulpit tlang ah biachim an sawm hna ah an keden an i phoih bal maw?

Mission rianttuannak dingah teh hibantuk in an pe tawn hna maw? Pek le pek lo kong cu Chinram Pastor hna nih an theih bik ko lai. Kawl hruaimi Party tangah um cu mah Khrihfa sinak hmanh in Kawl sinak phung le Kawl biaknak ning cu upat a si tawn, Cunih cun Kawl uartuk le Chin sinak uartu tu pawl hna an i dannak cu a si. Ka palh sual ah amah ttialning tein atanglei hi asi.

Kanram Poster Hmai Ah:Kan Chinram hruaitu Upa pawl hi Kan Khrihfa Pastor pawl hmai ah veikhat te tar hitivekin Upatnak an pek dah maw?Laksawng teh hitivek in an pek dah maw? Biakinn saknak ding hrangah teh hiti vekin an pek dah maw? Pulpit par ih thusim an sawm tikah teh an Shoee Phanat an phoih dah maw ?

Mission hnaŠĻ≠uannak ding hrangah teh hiti vekin an pek dah maw? Pek dah le dah lo cu Chinram Pastor pawlin an theibik ding a si. Kawl kaihhruai mi Party hnuai ih umtu cun mai Khrihfa sinak hman in Kawl sinak dan le Khawl biaknak dan cu an Upat sawn a si. Cumi cu Kawl uar tuk le Chin sinak uartuk tu pawlih danglamnak a si tiah Salai Thang nih attial.

Relchih.Chinram Kulh NLD pawl cu Salai Lung Thli Tum nih tuchun ah a hloh cikcek ko hna, Ahman taktak mi asi, Chin ram kulh NLD an cawlcangh ning hi zoh tikah mit an kem ngaingai ko cang. Aruang cu Salai Lung Thli Tum biachim bangin an chim lo dingmi an chimmi a tamtuk i, an luan bak timi hmuh le theih khawh asi. Salai Lung Thli Tum nih fiang ngaingai in tuchun ah a chim. Theihcia bangin tuchun ah Salai Lung Thli Tum cu Thantlang i Lung Tial Sang mino hna he ton biaruahnak an ngei.

Tuchun Salai Biachimmi cu a dih lak in uar hrimhrim aum tuk i, vote zong pek phu taktak asi. Tuchun ah biapi ngai ngai in a chimmi tampi lak ah Chinram chung or Laitlang chung NLD hruaitu upa hna cawlcanghnak hi a si.Salai Lung Thli Tum nih a tonmi konghe pehtlai in thil sining fiang tein a chimmi cu keimah hi NLD a uar ngaingai mi ka si i, a ttanh zong ka ttanh taktak. NLD ka uarnak a ruang cu a cunglei hruaitu hna cawlcanghning le an lungput hi ka uar.

Aung San Suu Kyi hrimhrim ka uar tuk caah NLD ka tanhnak hi asi. Asinain adang NLD pawl cu an cawlcanhning ahman lo tuk. Aung San Suu Kyi cu ram le miphun caah tiah nunnak pek in rian ai thimmi asi. Aduh ahcun a vapa le a fale sin ah nuam taktak in khua asa kho dingmi a si. Cu vialte kaltak in rampi caah a nunnak thaap in rian attuan. A vapa cancer zawtnak in a um lio zongah rampi ai thimmi a si i, A vapa siseh a fale nak in rampi minung million tampi zawnruah ah a zeizong vialte a kaltak caah ka uar tuk.

Cun amah lawng siloin NLD hruaitu pawl hi miding fel bochan taktak mi chungkhar ca nak in rampi caah rian attuanmi lawngte an si hna. Cucaah NLD ka dirkamhnak cu a si. Angaingai ti ahcun hruaitu hna ruangah NLD ka dirkamh mi cu asi ko. Sihmanhsehlaw Laitlang NLD hruaitu cu dirkamh tlak mi an um lo. Zeicaah tiah vote aa ka pe lomi cu kan hrial bak hna tiah an ti. Hihi a hman lo taktak mi asi i, ram le miphun dawt lo asi. NLD hruaitu upa cheu khat biachim nan theih dih, vote aa kan pe lomi cu kan hrial bak ko hna tiah an chim.

Culawng siloin NLD a dirkamh ngaingai mi pakhat zong keimah pumpak dirkamh in biachimnak angei. Culio ah a chimmi cu NLD a dirkamh lo mi cu hrial nan si lai i, hi hnu nan hrial hna ahcun hrial peng nan si ko lai tiah a ti.Keimah a ka dirkamh ngaingai mi asi ko nain, a dik bak lo tiah ka ruah caah lehnak zong ka tuah. Chinram kulh budget hi PARTY tangka a si lo, an mah pumpak tangka zong asi lo. Cozah tangka bak asi. Hrial phung asi lo, an mah pumpak tangka or An party tangka cu sisehlaw hrial zongah a poi hnga lo asinain cozah tangka bak in hrial an timi hi ahman lo taktak mi asi tiah ka leh.

Hi konghe pehtlaiin Chinram chungah NLD nih hibantuk bia an chimmi hi a cunglei hruaitu bochanmi ziknawh eihmuarnak a dohmi vialte hna siseh Aung San Suu Kyi nih an tuahmi thil hi thei hna sehlaw an rian tiangin a chuah or a phuah dih hna lai tiah a chim. Theihcio bangin NLD hruaitu tthenkhat nih khual kan tlawng i, vote aa kan pelomi asi, Vok aa kan thah ko nain vote a kan pelomi an si caah kan hrial hna tiah an chim.

Be the first to comment

Leave a Reply

Your email address will not be published.


*