NLD TTANH PAWL THATEIN VUN ZOH CANG UH KHAH NLD THILTUAH

Tikir Dam Le NLD Cozah.Sullam ngei loin heh tiah NLD a tanh i a au pi mi hna khah tha tein van ngai u khah! Chin ram caah cozah nih budget hi 143 billion a rak pek. Mah chungah Chin state chung ah peng 9 kan um tik ah pengkhat nih 15.89 billion cio hrawng kan si hnga. Kan nih Thantlang peng zong 15.89 billion kan si ve ti nak.

Mah vialte Khoi dah kan hman tiah cun tikir dam caah khin 9 billion over NLD cozah nih a hman. A taang mi van tuak tik ah 6 billion hrawng lawng Thantlang peng khua 80 reng lo caah a hman. Zoh uh zei ruangah mah zatzat khi tikir ca lawng ah NLD cozah nih a hman! NLD a tanh mi hmanh nih a thei lo kan tampi lai. Khua hi ruat satmat ah cun lungfah lo awk daw kaw a that lo cu! mah nih cun daw kaw NLD cozah cu heh tiah nan i tanh ngam rih cuh.

Example NLD cozah hi 2020 hnu kai loin um sehlaw ho nih dah a peh zulh te lai? Mipi phaisa ningcang loin hman hi sullam ngei lo a si fawn. Zumhawk tlak in riantuan mi cu bochan mi an si theu tawn mah caah dinfelnak in riantuan hi a biapi tuk a hlei in Khrihfa ram a si mi Chin ram ah kawlrawn hna ah cun an duh le ei hmur hna seh ca zum lo tu an si cu teh.

Kawl party cu pei an si cu Chin Miphun si ko tung i kawl party hna heh chet va dirpi ka ning hi zak tuk eh. Mizo ram hna khi zoh u ca Kala pa party khi mizo nu mizo pa nih an tanh bal maw? Hmai hngal ngai in NLD..NLD nan va ti ngam rih hoi DASS khi thi seh law zei party ah nan um lai? Part 1. By Salai (GRCM)

Relchih Aduhmi caah:Tutan cu A Minung Zoh in thim ding nan ti maw? 2015-2020 karlak MP Salai Siangawr Vanhnin le MP Saya Ngun Hei tlukin kan Laimi chungah a personality, a character a thami le fimcawnnak ah aa zami an tlawm taktak. University Lecturer an si bu ah kan miphun caah tampi cawlcanghnak a ngeimi an si.

MP Dr. Hmuh Thang le MP Pu Van Thawng nak in kan miphun chungah fimcawnnak ah siseh, hmuhton ah siseh, miphun rian ah chuahpi ngam dingmi minung kutdong in rel khawh an si lai. Kum 5 chungah khoital ah nan hmuh in biatung an dirh? MP an si le silo hmanh a hngal lomi an tamtuk. An aiawhmi mipi sinah tlawnkainak le hmuhtonnak a umlo tluk asi.

Naypyidaw i University a herhnak kong hna dawkaw an chimter salam hna kha mu. Kan pale kan upat ko hna. Soisel siloin, kum 5 chung an cawlcanghnak kha langhter duhmi asi. 2013 i Hakha ah tuahmi Chin National Conference, 2017 ah tuahmi Chin National Dialogue ah Chin miphun vialte tonpumhnak le ramkhel kong ceihkhan tinak a um.

Chin Parties pawl nih an biatung an chuahpi cio, nain Kawlrawn party i kan pale tampi cu chuahpi ding an ngeihlo hlei ah, chuahpinak nawl an ngeihlo caah khual bantuk ah an ichuah. Atulio hi transition period asi i Party Policy hi kan zoh taktak a hau. Kawlrawn Party hna an policy tangah kan Chin MP kan pale anih anih timi pawl an cawlcang kho lo, an chim duhmi hmanh anmah nawl in chimnak nawl an pe hna lo.

Miphun le mipi aiawhtu lawhlo in an Party aiawhtu ah an ichuah. Cucaah tutan cu Chin Miphun caah kan Chin miphun nih sermi policy, cu policy ningin rian a tuan dingmi le Chin miphun a awiawhtu MP hi thim ko hna usih. Chin miphun a kan aiawh khotu Chin Party ah ifun ko hna usih. Cattialtu Ram Tinthei

Be the first to comment

Leave a Reply

Your email address will not be published.


*