NLD TTANH MIHRUT PAWL RALRINNAK APEK CANG HNA, AHMANTUK

Tukum nizan rampi thimnak konghe pehtlaiin Laimi or Chinmi tthenkhat cu kan bia aidawh lo ngaingai. Kan dirkamhmi party an sungh le teinak an hmuh zongah thatein i lawmh le i conghlawmh kan thiam tawn lo. Party pakhat dirkamhtu kan hnursuan tawn hna, Hihi adik lomi asi. Thimnak tuah lai ahcun mah le dirpimi kha thatein athatnak chimphuan ding asi ko.

Cun dirpi lomi party kha an thatlonak langhter ding cu asi. Acaan ahcun biatak tein i phomh ding zong aphung asi ko. Sihmanhsehlaw thimnak adih hnu ah nang party kei party timi tu hi cu kan chim caihtuk dingmi asi tilo. Teinak ahmumi kha lawmhpi hna ding asi i, teinak ahmu lomi kha thaazang pek dingmi asi. Asinain tthenkhat thlanglamh phun in bia achimmi kan um caah ram le miphun caah biatak tein thaazaang achuah in attuanmi kan u nih atanglei bangin alanghter mi hi lungfimnak ah hmancio dingin kan vun thil chih.

NLD Tanh Mihrut pawl Nanbia hi hleituk hlah seh CNLD cu zeitik hmanh ah adai in athi lo Sungh le Awn nak nih Miphun dawtnak hi athleng kho hlei lo Nan ca post i ral ring u , Miphun dawt hmanh athei lomi minung pawl nih duhpoh in CNLD min hmanghlah u ,Tlahpuk hmanh tonghtuk cun mi at tihi philh hlah u.

Azaa kan ti ahcun zeipoh kan tuahkhawh tihi philh hlah u, NLD nih teinak an hmuh zongah kan pa le mifim tampi an itel caah kan ilawm thotho nain nan ca post tete hi luan hlah u ,kan kaa a Awngpat tiin nan duh pohin tlok hlah u, Ningzah thei loin mi kan hnursuang hlah u, Natanh mite kha tanh ko. Nahruh mual iphoh tuk hlah , Nangmah kha mi zeidah na si.

Zei Miphun dah na di tihmanh naithei lo khah faktuk in bia chim hlah iralring. Tuhnu CNLD kong nan post rih ahcun Kan block colh hna lai nanmah bantuk Rimnam Fb friend ngeih aherh loh tiah ram le miphun caah rian fakpi in attuanmi kan U Olivia Nu Cinzah nih attial. Tutan thimnak result konghe pehtlaiin atanglei cabia hi vun relchih, Laimi nih kan i bochan taktak mi Zasang Cinzah cabia asi.

2020 election cu winners pawl nih “surprise” in an awng i, a sungmi nih diriam tein an sung. Campaign a tuahtu/Campaigners pawl nakin mipi an Smart deuh timi hi Result nih a fehter. Election cu power/nawlngeihnak icuhnak hmun a si bantuk in teitu sitermi hi, “Nawl/power a ngei kho lai maw” ti zong hi biapi in township kip nih an zoh cio ti a lang ngai. NLD ah sakhan an kai dih.

Cucaah, Dr Hmuh Thang zong pumpak cun an uar tuk ko nain Power/nawlngeihnak ah a tthu kho ding Pi Sui an tlinter. Matu zong ah Pu Ngaksak cu an uar tuk ko nain Opposition ah um ding a si caah, nawlngeitu ah a tthu kho ding midang kha teitu an siter ve. 2020 – 25 cu NLD nih Chin State a hruai tthan lai. Teitu a simi vialte kan lawmpi hna.

2020 tiang ah Chin Ram an sersiam manh lomi an saduhthah tampi an peh khawh lai tinak a si. CNLD lei in Pu Siang Mang a tling caah a ttha tuk. CNLD zong official tein Union Conference an kai kho ve lai tinak a si. Campaign lio ah an chimmi, Miphun covo lak tthannak kong an saduhthah vialte zong an chim kho ve lai. Union Accord ah ceihmi issues biapi ah an itel ve lai caah an sung dih lo. Cucaah, ka lawmpi ve hna.MP a tlingmi dihlak hi Mizapi a kan aiawhtu nan si i, Pathian nih lam in hruai cio ko hna seh. Credit: Zasang Cinzah.

Be the first to comment

Leave a Reply

Your email address will not be published.


*