NLD PAWL NAN ZIA TTHIN UH, BY SALAI CEU BIK THAWNG

Laitlang NLD pawl nih Pi Suu Kyi bia an buar. Thimnak ah cozah bawmhnak phaisa le development/chanchonak pek-kamh(incentive) in sizungzi a tuahmi pawl kha Daw Aung San Suu Kyi nih cei tein a rak soisel bal hna, mipi zeirello le nehsawh a si tiin. Cozah an rak tlaih hlan ah mu.Rampi (cozah) phaisa hi an anmah ta ah maw an rel a rak ti.

A dikmi si fam. Rampi budget hi cozah kaimi party i an pupa rorah le ngeihchiah a si lo. Ram mipi ta a si. Kanmah ta kanmah sin an rak kan pek kha cozah rian asi i an rian an tuan a si. A karlak ah an vaivuanhmi le an eihmuarmi hmanh hi fungfek in ceilak tuk awk le hro thlerh awk an si nain. Thongkhat an kan pekding kha zanga lawng an kan pek ti kan theih ko nain pek lo nakcun tha thiam ko tiah kan ilawm thiam ko kan timi hi kan covo tling kan ihngalh thlu lo bia a si.

Laitlang NLD upa pawl le canidates pawl ko hi an zualhma. An campaign tuahnak ah zei policy- federal, ramdeihnak democracy ramsernak, miphun covo le Chinram zeitin kan sersiam lai tiah an chimrelmi le an tialmi pakhat hmanh hmuh awk um lo. VOTE nan kan pek lo ahcun nan caar lai, Bawmhnak a pit lai, arsa eikhat kan si lo ahcun hei ti le bawmhnak/development in tlerhkhonh rumro in an ila.

Hihi an pi bia van i hlan ahcun ramkhel ah a niam cemmi a si i mipi zeirello taktak zong a si. Cucaah NLD pawl nan zia thin uh. Kan mipi an paam lungping ai pat tiin namhnul le indirect in tlerhkhonh rumro in politics khel ti hlah uh. Policy kong chim uh. Kan mipi zong kan lungfim cang hna usih. Kan mit raltha cang hna usih. An kan nehsawh tuk tihi ithei hna usih.

Cozah bawmhnak, development/thanchonak cu aho cozah kai zongah amah ningte in a kal ko lai. Kan miphun nih kan khel liomi hi zeitaktak dah a si ti tuak usih law cu hrangah cun a sunglawitukmi kan vote hi thla cang hna usih!
Miphun mit-ralthat can a cu cang. Credit: Salai Ceu Bik Thawng

Be the first to comment

Leave a Reply

Your email address will not be published.


*