NLD NIH AKAN TUAHTO NING AFAK TUK CANG, BIAKINN HMANH AN KHAR DIH SI LO MAW

Tukum thimnak ah hin NLD party hi dirkamh phu hrimhrim an si ti lo. Kawlram cu chim rih hlah usih, Kanmah Chinram chung hmanh ah hruaitu pawl nih phunglam pakhat hmanh an zulh mi aum. NLD nih phunghran an i tuah i, an mah hmanh nih an zul lo. Asinain tthenkhat tu cu phung nan buar tiah an ti hna i, ceilak te cawiliam an tuahter hna.

NLD hi zei ruangah dah midang ca lawngah zulhphung hi an tuah? Zeiruang ah dah anmah nih zulhphung cu an zulh duh ve lo. Hihi maw NLD kan ti lengmang mi cu an si kun. Pastor David Lah thongthlak lio ah khan zeiruang ah dah phung a zulh lo tiah minung tampi hna nih kan rak ti kha philh hna hlah usih. David Lah an tleih lio ahkhan Media phu le Palek pawl kha phung an buar ve asi lo maw?

Zeiruangah dah David Lah lawng cu an tleih kun ne? midang zong tampi an tleihmi hna a um khah. Kanmah Chinram Khualipi zongah zulhphung buar ruangah minung zeizat remruam dah an tleih hna i, cawiliam an tuahter hna. Zo Bawi zong nih minung 150 renglo hmai ah bia a chim khah. CM Lian Luai zong hmaihuh loin mipi hmai ah zupu a dawp rih khah.

Culawng siloin Laimi Khrihfa kan si hna. Zeican remruam dah zawtnak ruangah Biakinn panh kho lo le, Biakinn ah i pum kho loin kan um cang. Thantlang peng khua pakhat ah pumhnak atuahmi Pastor pa khat taza an cuai a si lo maw? minung zeizat ko dah phungning loin nan um ti ruangah an tleih cang hna. Social Distancing tiah NLD nih an ti lengmang cu khoika dah a um kun ne?

Mah vialte minung hi rak zoh tuah uh, Hmanthlak kan tarmi lengah tampi relcawk lo an um khah. Hihi hna pawl hi teh. Phunglam tangah cun an um ve ne lo maw? Lailei khuate kip hmanh pum kho loin nawl an chuah asi lo maw? Zeican tiangah NLD nih aa kan hren rih lai. An mah tucu an duhning paoh in an um ko ttung. Hihi maw NLD kan ti lengmang mi cu an si ne? Lungfim cikcek cang hna usih. NLD cu hnuchit taak hrimhrim ahau cang. Aharh le ka peh tthan te lai. Credit: Salai Van TT

Be the first to comment

Leave a Reply

Your email address will not be published.


*