NLD LE USDP CU KALTAAK AN HAU CANG: SIZUNG RIANTTUANTU LE DR HNA NIH

2020 Novembar AH hIn Chin Mi Nih Zeiparty Dah Vote Kan Peek Ah A That Lai Tha Tein Van Tuak Hna Usih. A tu hi kawlram pumpi thimnak cu a ni cun 59 lawng a tang cang mi ah hn biatak tein Chn miphun hna nih khua kan ruah i kan tuak cikcek a hau cang mi a si, kum 5 hngah hi a sautuk mi a si tikha theih cio hna usih law lungfim tein kan miphun le ram caah vote pek kan thiamnak lai mah hi rel izuam hna usih.

Zei party dah vote kan peek ah a that lai? Kawlram cu nan theih cio bantuk in 2010 Kum in USDP nih a kan hruai. President ah Theinsein a si i Democracy phung in an kan hruai.Zalon nak tampi a um. Ralkap Cozah lio nak in tampi thlen nak a tuah. Kuli phurh le tlangriantuan vialte a um ti loh. A tu ah Mitampi nih USDP vote nan pek ah cun kuli nan phur than lai ti hi a dik bak lo mi si. Theinsein chan lio ah an hrawh dih cg mi si.

Ralkap uk lio ah Simcard ting15 a rak si i Mirum taktak mi lawng nih phone an rak i tleih khawh mi kha President Theinsein nih 1000 tiäng a tum ter khawh ca ah kawlram mivial te nih a tu ah phone kan hman khawh dih cg. Ralkap uk lio ah motorcar ting 1000 hna a rak si mi zg kha Theinsein Cozah nih ting 200 ting 300 tiäng an tum ter khawh ve i a tu ah motorcar a nei kho mi an tam tuk cang.

Sifah nak zawrter nak zong an tuah. Lothlo mi ca ah tangka coih nak zg an rak tuah. Theinsein Cozah Kum 5 an tuan chung ah Cozah Riantuan Lahkhah Voi 3 an karh khawh. Thancho nak tampi an tuan mi a um. Sohlohzi lam poh pe 30 Kau in an cawh i Khuate kar lak lam pe 21 Kau in tampi an cawh manh. Sianginn tampi an sak. Hlei tampi an donh. Peace process Biatak te in an tuah ca ah a tu CNF le kawlralkap zong dai te in nihin tiäng an um kho.

Lairam ah hnangam te in khua kan sa kho cg. Mah hi president Theinsein thawng in a si. A mah belte cu Tlangcung mi nih kan duh bik mi Federal democracy kong Zeihmanh an ceih kho lo. Centralization in an kan uk i state ah Nawl neih nak Pakhat hmanh an kan pe duh lo. Department Kip ah ralkap Bawipawl kha a lu ah an chiah dih hna. Myone ohchohzihmu nih an kan uk i kawl le ralkap bawi lawng te nih Myone ohchohzihmu rian an tuan dih.Department officer poh cu kawl lawng te an si.

Ziknawh ei hmuar nak a tamtuk. Report tuah zg ah an mah le an mah an i tanpi dih i action lak a um bal lo. Mizapi kan lungfah can a tam tuk. Kawl Ram chung thil chuak vialte hi ralkap Bawi pawl le a Cozah riantuan mi nih an duh poh in an i zuar.Cu ca ah a tu Kawlram mi rum ti mi hi ralkap bawi tampi an i tel. Tender sok tik ah tangka tampi a pe kho mi lawng nih an rak hmuh khawh. Cozah rian sok zg ah tangka tampi a pe mi hna lawng nih an hmuh khawh.

Mah bantuk kong ah report tuah zg ah a zizut a um bal lo. A tawi nak in chim ah cun Kawlram chung thil chuak vialte cu ralbawi ca lawng te an rak si i ralbawi vialte cu an rum dih. 2015 a Voi 2 nak election a hung um than. Daw Aung San Suhci hruai mi NLD party nih ‘Thlen caan a cu cang’ tlangtar in an van au ciammam i Kawlram mi vialte nih NLD party ah Me an pek dih ca ah 2016 in NLD an kan hruai than ve.

Thancho nak tampi an tuan khawh ve mi a um.corruption Biatak te in an doh ca ah USDP chan nak in ziknawh a tlawm deuh . Corruption kong ah NLD nih an tuan khawh deuh tuk. Rithaisi khap nak Kong ah NLD nih tam tuk an tuan khawh. Rithaisi a zuar mi tamtuk an tlaih cang hna. Cu ca ah Rithaisi a zuar mi an tlawm deuh cang. Thancho nak tampi an tuan khawh ve. Sizung tampi an sak. Sianginn tampi an sak.

Kattaza lam tampi an tuah. Hlei thami tam tuk an donh. Sipuazi ah NLD nak in USDP nih tampi an tuan khawh deuh. World Bank nih Kawlram sipuazi (GDP Growth rate) sipuazi thanchonak lei a record ning ah 2014 ah GDP 8% le 2015 ah 7.3% ah a rak si nain NLD cozah a kai hnu ah 2016 ah 6.5% in 2017 ah 5.9% in 2018 ah 6.8% in 2019 kum ah 6.3% in 2020 ah 1.5% in tiang a tla.

Mah hi zoh law NLD Cozah nak in USDP nih thancho nak tampi an tuan khawh deuh ti hi a fiang tuk. NLD Cozah uk hnu ah Kawlram pumpi ah thancho nak a zor deuh tuk ti a fiang. Zei bantuk sipuazi hmanh a tha mi a um ti loh. 2015 hlan ah Aungsansuhci nih kan ram kan sifah tuk ruang ah Ramdang ah kan ram mi no vialte Sal rian an tuan dih,kan uk nak a chiat tuk ca ah a si i kan mah nih Cozah kan tuan khawh ah cun kan ram chung ah Riantuan ding tampi kan ser lai i kan ram ah kan kir ter dih hna lai ti ah a rak au pi tawn.

A si na in a tu ah kan ram chung ah Riantuan ding an ser khawh hlei lo ca ah Kawlram Mino tam tuk Ram leng ah an chuak than hoi. Cozah Riantuan mi Lahkhah hi Asian level in kan pek hna lai ti ah a au pi tawn mi zg kha a tu tiäng ah Voikhat 30000 lawng a karh khawh rih. Ram daihnak hi NLD nak in USDP nih tampi an tuan khawh deuh. USDP chan ah Hriamtlai phu 8 he minsen an thut khawh i a tu NLD Cozah nih phu 2 he lawng minsen an thut khawh rih.

NLD Cozah chan ah Hriamtlai pawl he remdaih nak Kong ah rian an tuan khawh mi a tlawm tuk. A tu naicem 2020 August 21 min sen an thut mi zg ah khan Tlangcung Hriamtlai pawl nih kum70 reng lo an doh hnawhchan cem mi State constitution mah state cio in kan ser lai an ti mi kha NLD le ralkap nih an pomkhawh lo ca ah ceih than te ding in an chiah than.

Tlangcung mi vialte nih Aungsansuhci kan rak i bochan tuk mi kha a biapi cem mi ah cun ralkap he an rak i dang bak lo. Mah ka zawn ah hin NLD party a molhchih mi pawl nih an lungfim ngai ding a si cang. Aungsansuhci nih vice president a kan pek mi hi cu a kan dawt ca ah maw a si deuh hnga. Cite a kan liah dah si deuh hnga ti zg hi ruah deuh a hau cg. A taktak ah cun vice president nak in kan miphun nih a herh deuh mi cu state constitution mah te in ser i mah te in kan ram hruai hi a let 100 in a tha deuh mi si.

A let 100 in kan ram ca ah thancho nak kan tuan khawh deuh tuk lai. USDP le NLD nih thancho nak an tuah khawh lo mi ah a biapi bik cu Mizapi ca ah Pawcawm nak an tuah khawh lo mi hi a si. Mizapi Pawcawm nak ah USDP le NLD nih Pakhat hmanh an Kan bomh khawh lo tik ah Mizapi cu zei hmanh kan tuah khawh mi a um lo. Vawlei cung ramvialte hi Cozah nih an ram mi Pawcawm nak ah loan a phunphun an coih dih hna.

Dum tuah nak le leikuang tuah nak ah siseh, satil zuatnak ah siseh an coih hna i kum 10 cham ding Kum 30 cham ding ti bantuk in a karh tlawmpal te in an lak hna. Inn sak nak le motorcar cawk nak le fim cawn nak tiäng in loan an pek dih hna. Cu ca ah sifak santlailo ca ah cawm nak a fawi i Mirum tampi ah an i chuah kho. Cu ca ah cun mah bantuk sifak santlailo ca ah zei hmanh a tuah kho lo mi USDP le NLD cu ME pek an phu hrimhrim lo.

A tu ah Kawlram le Thailand ramri myawadi ah motorcar ting 30 in cawk khawh a si ko na in Kawlram Cozah nih license man tamtuk a lak ca ah license nei mi cu ting 300 reng lo a si. NLD zg nih an remh duh hlei lo. Mah bantuk Cozah a tha tuk ko a ti rih mi cu Zeihmanh a thei rih lo mi NLD party a molhchih mi kan si rih ti rak i thei cang uh. USDP lio ah Sizung ah si a lak in tampi an rak pek tawn mi hna kha a tu NLD kai hnu ah si tlangkhat hmanh a lak in pek a um ti loh.

Sizung Riantuan mi Sazama te le Dr te nih mizaw cung ah dawtnak an nei bak lo. Department Kip ah ziknawh nak a um dih. Tangka lo in Zeihmanh tuah khawh a si lo. Cozah Riantuan mi Lahkhah an karh khawh lo ruang hna ah a si. Cu ca ah Aungsansuhci nih ‘Thlen caan a cu cang ‘ ti ah a rak aupi lengmang mi cu Naal tuk bia a rak si. NLD chan ah Zeihmanh ai thleng mi a um lo. Cu ca ah kawl Mifim tampi nih NLD party cu THLI party လေပါတီ an ti tawn.

NLD nih kan hnu ah khan Naypyitaw ah Inn hmun tampi an i phaw hna i Kawlram ah an thangchia ngai. A si na in Aungsan suhci a molhchih mi tampi nih cun an nawl neih lio a si ca ah an i lak awk a si ko an ti ve. A si na in USDP nih Vawlei an rak i lak lio ah khan an rak thang chiat tuk hna. Chinchin pekthang cu CNLD Party in Thantlang Pyine 1 ah zuam a timh tik ah a Pasal kawl a si ti ah NLD pawl le CNP pawl nih an soisel ngai.

A si na in Aungsan suhci a Pasal mirangpa a si mi cu an soisel duh lo. Mah bantuk lungput kha midik mitha lungput a si bal lo. Kawlram chung ah Inn license tuah tik ah Kum tampi an rau tawn. cu ca ah Mizapi inn sak duh mi le inn zuar duh mi ca ah har nak tamtuk kan tong lengmang.Thil chia poh kha ralkap an puh hna i thil tha poh kha NLD tuah dih ah an ruah peng rih.

Aungsan suhci hi pathian bantuk ah a ruat mi pawl nih State constitutions ser nak a duh lo mi zg a tha ko an ti thiamthiam ko rih. Laimiphun nak in suhci an dawt deuh tuk.Theinsein nih 100 pek nak cun suhci 20 pek ah ai lawm deuh ding kawlram chung ah an tamtuk mi nih hin Ram thlen nak a donh tuk. Zei department hmanh ah thlen nak 1 hmanh an tuah kho lo.

Chin NLD nih cun CNLD nih federal democracy in uk nak in suhci nih centralization uk an duh deuh tuk lai. CNLD nih Chinram uk nak in suhci kuttang ah Sal riantuan a duh deuh mi Chin NLD pawl an tamtuk. NLD nih zeitik hmanh ah phunghrampi a remh kho ti lai lo ti zg hi an hngal rih lo. NLD hi Mihrut zangtlaih in tlaih ding a si ti lo. NLD nak in tha deuh tuk in rian a tuan kho ding Mifim mithiam an tam tuk cg ti hi hngalh can a cu ve cang.

NLD CEC pawl hi Kum 80 hrawng lawng te an si dih cg. Chan a dawi kho ti lo mi outdated cg mi lawng te an si cg. NLD CEC hi Ralkap Bawi hlun an tam deuh. Cu ca ah cun USDP lawng hi ralkap Party an si lo. NLD zg an si ve ko.NLD nih article 261 remh an duh bak lo. Center in Pyine cozah kan tlai kho hna lai lo an ti. NLD nih centralization bak in an kan uk. Pyine cozah Nawl Pakhat hmanh an nei lo.

Rian fial chukcho mi lawng an si. Vawlei cung Ram tampi nih Aungsan suhci minthat nak an pek mi an chuh than cg. Kawlram Mifim tampi nih NLD Cozah Riantuan ning an lung tling ti lo. Tlangcung party dihlak nih NLD an dirpi ti lo. SNLD party chairman KhunthunOo kha 2015 thim hlan ah Suhci nih thlakhat Voikhat a ton tawn na in NLD nih Cozah an tlaih hnu ah Voikhat hmanh a tong duh ti lo.

2020 thimnak ah Tlangcung party dihlak lungrual te in an um dih cg ca ah NLD lawng nih Cozah an ser kho ti lai lo ti a fiang tuk cang. Kawl hmanh nih NLD Riantuan khawh lo ning an hnabei a dong tuk cang. NLD lawng nih Cozah an ser kho ti lai lo ti hi a fiang tuk cang. Cucaah cun 2020 Kawlram thimnak ah cun USDP le NLD cu me pek awk tlak an si bak ti lo ti hi kan i fian a hau cang. Chin miphun le ram thatnak ding ah hin kan mah miphun zawn le Ram zawn taktak cu kan miphun party a si mi CNLD Party lawng nih a tuah khawh lai ca ah Laimiphun vialte nih lungrual tein CNLD Party hi kan dihlak tein ME pe dih cang hna usih. Credit: Pu Tin Duh Thang

Be the first to comment

Leave a Reply

Your email address will not be published.


*