NLD DIRKAMH NAK AH MAH TI BAK IN CA A TTIAL KO E

Chin Miphun Lungfim Aharh:Tukum 2020 November thla i Myanmar M.P Election ah Chin mi phun le Ram hun choh nak dingah NLD vote a herh. Zei ca ah thla NLD cu vote a herh la: (1) USDP co-zah chung i mipi tem-in ning kha nan philh manh ka zum loh. A tu NLD cozah tang i mipi za lawn nak nan neih i, CNF tiang i hna ngam te i an um nak hi a man rel cawk a si loh.

Pahnihnak. NLD party Pi Aung San Suu Kyi nih tlang mi a dawt ruangah lungthli pel hmanh i ruah phak lo mi, Pu. Henry Vanthio Vice President 2 i an kan Chiah piak ruang zongah vote an phu. (3) NLD party i an i timh mi Constitution Amendment an tuah khawh lo ruangah an duh ningin rian an ttuan kho rih loh. Amendment an tuah khawh i mipi duh mi a tlam a tlin khawh nak ding in fak pi i bawmh an herh.

Palinak. NLD party an bawi hnu ah mipi an za a lawng le, India le Myanmar laifa kan i tlawngkai kho hna le, i pehtlaih nak tha kan neih mi zong hi a nuam in a sunglawi tuk. A cung i kan chim mi point tlawm pal te ruang zongah hin NLD party hi vote an phu tuk. Kum 5 chung lawngah zeihmanh tlamtling te in ttuan khawh a si loh. An i timhtuah mi a tlam a tlin khawh nak hnga NLD party hi vote pek ciau a herh ti hi i chimh ciau awk a si. By. Rohnuna Rambawl.

Relchih:Miphun Hawi U le Nau Hna sinah bia lehnak.Nai hrawng private in biahalnak tete ka tonmi chungin pumpaak in cun kan leh khawh cawk hna lai lo caah a tlangpi in mahka hin ka rak in leh hna. Q 1. Zei ruang ko ah mah ti lawmmam in Chin Party CNLD hi na ttanh? Na chungkhat, pengtlang hoih ruang deuh ah si maw? Ans. CNLD ah ka chungkhat an um lo. NLD hmanh ka chungkhat ah an um deuh. Ka Ram le ka Miphun ttanh cu a dikmi ramkhelnak asi ti ka fian tuk caah ka ttanh zungzal ko lai.

Halnak pahnihnak. CNLD cu a tuan deuh rih 2025 ah vote te hna ah a ttha na ti ve lo maw?Ans. Pathian nih Chin Miphun hi tuan tuk ah arak kan ser i tuan tuk ah ram akan pek ve caah ka lawm. CNF/A zong hi tuan tuk in an lung arak fim caah ka upat hna. Q 3. Mah miphun ttanh i miphun dang huat cu a tthat ttung lo. Ans. Miphun dang (Abik in kawl) ka hua hna lo i huatnak ca ka ttial bal lo. Asi natein kawl le an party poh nih cun Burmanization an kalpi dih caah cu an lungput tu cu ka doh ve zungzal lai. Q 4. Khua zei maw athei ngaipi bangin na vai ifim ter ve? Ans. Khuazei maw a thei lo ngaipi bangin na vai ihruh ter ve. By. Salai Van Dawt Lian