NLD BIARUAHNAK AH HITI BAK IN CNLD KONG A TTHUAT KO

CNLD Le Ralkap An I Lawhnak Tete:Chin miphun aiawh aa timi CNLD Party le Kawl Ralkap hna nih hin lawhnak tete an ngei hna. Pum khat an si le si lo cu theih asi lo nain an i lawhnak te te pakhatte ten kan langhter tuah hna lai. Pakhatnak. Pohmah 261. Mah hi pohmah cu rampi President nih direct in state le region CM rian pek si loin mah le state/region hluttaw nih mahle CM cio i thim siseh timi a si. Mah hihi tlangcungmi caah a tha ngaimi a lo ko nain 2008 phunghram pohmah dang remh chih tung lo ahcun tlangcungmi umnak hmun poh ah ralkap nawlngeihnak inn kharpi honpiak he aa lo hnga. Kawl ralkap vitamin tha tuk asi.

Pahnihnak. PR System. Proportional representative system vote pekning hi ralkap nih NLD thlaknak caah an duh ngaimi a si. Vote hmuhmi kha i thenh phawt ding asi caah NLD hmuhmi vialte thenter i hluttaw kip i ralkap 25% hmang khan ralkap power cu a thawng chinchin lai. Mah zong hi ralkap vitamin tha taktakmi asi.

Pathumnak. Phukomh Cozah. Mah hihi ralkap nih an chuahpimi mi hlennak a si hoi. Hluttaw kip i 25% an neih ciami he fonh i an lemsoi khawhmi party neknawite te he i bawm in cozah ser timhmi program a si. NLD vaivuanh i ralkap power fehternak thiam thiam asi.

Palinak. Biaknak le miphun cu phaw ah an hman veve. Ralkap nih Kawlram dothlennak vaivuanh awkah Buddhism le Burmese nationalism cu phaw ah an hman i miphun dang le biaknak dang huatnak kong aupi dingah Mah-Bah-Tah phu an dirh hi heh chet tlang an au. Atu ah CNLD zong nih miphun le biaknak cu phaw ah biatak ten an hun hman ve.

Panganak. Dothlennak a kalpitu NLD dohnak. Kawlram dothlennak a kalpitu bik cu NLD lawnglawng hi a si ko. Party dang pawl hi cu Election lai hrawngah rawl ei kaa thawtnak men in an au ve tawn i si ko. NLD a dohtu poh cu Kawlram dothlennak a dohtu lawngte an si ti khawh asi. NLD dohnak ah hin ralkap le CNLD hi an lung aa rual ngai.

Paruknak. 2008 phunghram remh kong an chim loh. Kawlram dothlennak ca i biapi bik cu 2008 phunghram remh hi asi. Mah hi tuah hmasa lo ahcun dothlennak tuah awk a tha loh. Ralkap nih 2008 phunghram chung i pohmah tampi lakah remh an duhmi cu 261 lawng hi asi. Mah zong hi an power fehter an duh caah si ko.CNLD hotu pawl zong nih democracy le federal kong cu an chim camcin ve ko nain phunghram remh kong hi an chimmi theih awk a um loh. Pohmah 261 kong dah ti lo cu.2008 phunghram remh an i tim loh ti a fiantertu bik cu an rinhchanhmi hotu pawl Naypyitaw ah kal an i tim loh. Santlailo tete lawng kalter an timh hna.

Pasarihnak. NLD cozah riantuannak kip ah hnahnawhnak. NLD cozah riantuannak ah hin hnahnawhnak a chuak lengmang.A ruang cu chim hau loun a fiangmi si ko.Cozah depertment kip ah zeimalo pawl an um cia dih ti cu theih cio a si. Cun Chinram ah NLD cozah tlaih hnu in project ngan an tuah lai poh ah buainak a chuak peng. Hakha inn hmun samhnak, Shopping mall le Nawi tidil, etc… kong ah ruah ding a tam ngai. Credit: Victor Pa (We Love NLD Chinland)

Be the first to comment

Leave a Reply

Your email address will not be published.


*