NIZAN THANTLANG LE HAKHA KAR I KAHNAK HMUN AH THILCANG KHUALTLAWNG NIH ACHIMMI

Nizan ralhrang kawlralkap le Chinland Defense Force Thantlang le Hakha karlak i kahdohnak ah ralhrang kawlralkap lei in a thimi um dawh si. Asinain thawngpang a chimtu nih hin ttihphan pah buin a hmuh mi asi caah amah lila zong nih an thih taktak le taktak lo cu ka thei lo tiah a chim. Lampi ah a hmuhmi konghe pehtlaiin thil sining a chimmi atanglei bangin San Nada nih alanghter.

Than Tlang in Hakha lei kalnak lam tlei cia Pu.Vanlal lungdonh chak lam kawi zawn ah 4-5-2021 5;PM hrawngah MAH tapung Mifir Lainawng Ralkap le CDF Ralkap Kah dohnak a um. Motor Saikel khual tlawng mi pakhat nih a Kal pah in a hmuh mi kan van ttial, a chim ning ahcun Lam kawi zawn ah Khan Ralkal Motor voi hnih tiang ai lat I lam Kam ah a sir paleng in a um a ti,Bomb nih a puah mi asi ko lai tiah a chim.

Lam chak lei miang kam deuh ah MAH tapung pa hnih cu an Bawk ta Khup in an ril ko i,pa hnih baak cu Motor ai lehnak Kam ah an rilh ko cu ka hmuh hna tiah a ti. Tih le phaan bu in kal pah hmuh mi asi tik ah an thih le an nun kong bel ka thei kho hna lo tiah a chim, A thi mi cu um dawh ngai asi. Than Tlang lei nih bia fiang deuh an thaih Lai zumh a um, ka ttial mi hi thaih fiannak le tlaam a tling mi asi rih lo caah ai palh mi le a dik deuh lo mi a um sual ah cun a ruah zia ka thiam piak hram uh. Credit: San Nada

No description available.

Relchih:Ralhrang a Dohmi nih Ralhrang Onmi Sianginn Kai Lo ding. Doh timi cu duh lomi/ a si awk a si lomi “um hlah seh” ti va i zuamnak/tuahsernak kha a si. Cohlan timi cu Hrang Lian nih a tuahmi kha a ṭha a herh tiah Lian Er nih a ruah tikah a cohlan khi a si. Fiang deuh in kan chim ahcun SAC nih an tuahmi kha a ṭha/aherh tiah Dr. Ngun Cung Lian nih a va cohlan bantuk khi a si ko. Cu bantuk cohlan le hlan lo a chuahnak cu thluak in a ra.

Cucu thluak cu politician pawl nih education system in an ṭawl tawn. Ralkap zong nih cucu tactics cu hman ve ca ah an ṭawl khawhmi paoh cu anmah lei an ṭang. Ramkhel ukphun lakah democracy uknak ahcun rammi kha nawl ngeitu an si ca ah rammi duhning in ram kha i hruai aherh. Cu rammi duhning in i hruai khawhnak ding ca ah rammi le hruaitu karlak ah “sachok” tuah aherh. Cucu “sachok” timi ukning cang cu “Ram phunghram” tiah an timi khi a si.

Ram phunghram zul in ram hruaitu nih ram hruai seh ti kha aa timhmi cu a si.Cucaah, democracy a duhmi nih cun rammi tam deuh duhnak a si lomi. Mibuu cheukhat, minung pakhat, ralkap buu buukhat, ramkhel party tikhat hna nih anmah duh in thil an tuahding cu zakhat ah zakhat kan dohding kha a si. Cu ti, abuu in siseh, pumpak in siseh hramhram uknak tlaih aa timhmi cu democracy a duhmi ca ahcun kan ral a si i, “tlau cikcek in a hram in bawng”an hau.

An tuahmi vialte kan doh dih aherh. Cu lakah aherh bik cu an tuahmi fim cawnnak ah kan i tel lo ding hi a si. Politician pawl nih ram an uk tikah fim thiamnak hi an i hmaithlak zungzal. A ruang cu fim thiamnak a chambaumi cu biakhiahnak thazaang an der. Biakhiahnak thazaang a der timi cu a chambaumi fimthiamnak cawnning nih a hrinmi theipar an si. Politician pawl nih rammi kha an duhning in uk an duh tikah sianginn ah politician duhmi an cawn ter hna, anmah uknak chansaunak kha siangngakchia hna thi ah an ronh hna.

Ahnu ah siangngakchia hna thi ah a luh tikah an ram hruaitu cu hruaitu ṭha ngaingai ah an ruah hna, hlen an si kha an i hngal kho ti lo. Tahchunhnak ah, nihin ahcun Russia minung kum 20 tang tampi nih Russia ram hruai Putin cu hruaitu ṭha ngaingai ah an ruah. Cu bantuk in N. Korea ahcun an fim cawnnak ah an ram hruaitu Kim Jong Un nih minung khuaruahnak a theih khawh tiah an cawn ruang ah Kim Jong Un cu Bawi Jesuh bantuk in an biak, ahmai kaa ah khua ṭha lo hmanh an ruat ngam lo.

Kan ram “Myanmar ram” tuanbia kan zoh tik ah tuanbia cawn ahcun Kawl tuanbia lawnglawng a si. 1947 hlan i, Kawl tuanbia cu Chin he zei hmanh aa peh tlai lo. Buddhist biaknak kha sianginn phung ah an telh chih. Cucu Ralkap policy chung i, “Burmanization – Kawlmi si ter, Kawl biaknak biakter, tbk” kha a si. Hi bantuk fimthiamnak a dik loning in cawnpiak ruang ah Chinmi tampi thluak ah Chinmi cu Kawlmi nakin kan hrut deuh, san kan tlai lo deuh ti bantuk ruahnak a chuak.

Cucu ngaihchiat a hruai i, nguingui in ṭah hnawh a phumi hlennak a si. Cucaah, minung bantuk in nun kan duh ve ahcun ralhrang nih an onmi sianginn cu kai hna hlah usih! Kan kai ahcun anmah an chan a sau ding le kan miphun tlau ding lawng an i zuam ko lai. Cucu tuanbia ah hmuh khawh a si cang ko. Nihin ah ralkap nih zakhat ah zakhat uknak a la kho lo. Rian ṭuantu a ngei lo. Hihi 8888 buainak zong ah a um lomi kha a si.

Rian ṭuantu hnuzul a ngeih lo ahcun a sung ko lai, a fiang. Cucu tahchunnak ah tihin fianter ka duh. Company pakhat ah Boss an rem lo tikah a rian ṭuan hna nih rian an ṭuan duh lo ahcun an boss cu phaisa a hmu ti lai lo i, a ṭil ko lai. Cu bantuk in nihin kan ram dothlenak zong ahhin MAH tuahmi cu zul lo te in dir onh ko hna sih, kham hna usih. A tlawm bik tel ah zei hmanh kan tuah kho lo zong ah “cohlan hlah usih”.

Cu ti kan tuah lawng ah MAH cu a cawl kho lai lo. Cucaah, MAH a cawl khawh lo nakhnga le kan miphun ahim khawhnak hnga ralhrang nih onmi sianginn cu “Kai Cicet Hna Hlah Usih”. Cucu kan miphum himnak ca le nihin dothlenak kan tei ding ca ah aherhmi bik “lam – strategy” a si. @TheChan, No School Under Military Coup. What is happening in Hakha . We Support NUG. အရေးတော်ပုံအောင်ရမည်. Credit: Hakha Campaign For Justice.

Be the first to comment

Leave a Reply

Your email address will not be published.


*